The Comprehensive Aramaic Lexicon

102:01	ܕܒܫܪܪܐ ܐܟܪܙܘ ܠܫܡܟ܂ ܐܠܗܐ ܕܫ̈ܠܝ݂ܚܐ܂ ܐܠܗܐ ܗ݀ܘ ܕܕܒܪܬ ܟܠܗܝܢ
102:02	ܒܡܚܫܒܬܐ ܕܝܠܟ܂ ܘܒܪܟܬ ܠܗ݀ܢܘ݁ܢ ܕܚܒܝ݂ܒܐܝ݂ܬ ܬܟܝ݂ܠܝ݂ܢ ܥܠܝܟ܂
102:03	ܡܫܒܚܐ ܠܟ ܢܦܫܝ܂ ܒܚܝܠܐ ܕܪܘܚܐ ܕܚܝܠܝ܂ ܡܫܒܚ ܠܟ ܠܒܝ܂ ܡܪܝܐ
102:04	ܠܚܝܠܬܢܘܬܐ ܕܝ݂ܠܟ ܒܟܠܙܒܢ܂ ܢܫܒܚ ܠܟ ܟܠܗ ܚܝܠܝ ܡܪܝܐ܂ ܡܛܠ ܕܐܢ
102:05	ܨ݁ܒܐ ܐܢܬ ܐܝܬܝ ܕܝܠܟ܂ ܐܠܗܐ ܐܠܗܐ ܕܡܣܟ̈ܢܐ܂ ܡܛܠ ܕܐܢܬ ܐܝܬܝܟ
102:06	ܡܥܕܪܢܐ ܕܒܨܝ݂ܪ̈ܐ܂ ܘܕܚ݁ܐܪ ܐܢܬ ܒܡܟܝ̈ܟܐ܂ ܘܡܣܝܥܢܐ ܕܡܚܝ݂̈ܠܐ܂ ܣܝܥܝܢܝ
102:07	ܡܪܝܐ ܡܛܠ ܕܒܛܝܒܘܬܟ ܨܒܝ݂ܬ ܒܝ ܕܐܗ݀ܘܐ ܐܡܬܟ܂ ܡܛܠ ܕܫܡܐ
102:08	ܪܒܐ ܫ݁ܟܢܬ ܠܝ܂ ܕܐܬܩܪܐ ܟܪܣܛܝܢܝܬܐ܂ ܗ݀ܘ ܕܡܢ ܥܒܕܘܬܐ ܚܪܪܬܢܝ܂ ܒܝܕ

102:09	ܕܐܦܠܘܚ ܥܒܕܘܬܐ ܠܐܠܗܐ܂ ܚܝܠܬܢܐ ܕܠܥܠܡ܂ ܚ݁ܙܝܐ ܕܟܠ ܟܕ ܠܐ

102:10	ܡܚܝܒܐ ܐܢܐ ܕܐܫܒܚܟ܂ ܐܝܢ ܡܪܝܐ ܐܠܗܐ ܫܪܪܝܗܝ ܒܟ ܠܠܒܝ ܥܕܡܐ
102:11	ܕܢܬܓܡܪ ܒܪܘܚܐ ܩܕܝ݂ܫܐ܂ ܥܠܡ ܠܢ ܠܒܢܝ݁ܢܐ ܕܥܕܬܐ ܕܝܠܟ ܩܕܝܫܬܐ܂
102:12	ܒܪܐ ܘܡܠܬܐ ܘܬܪܥܝ݂ܬܐ ܕܐܒܐ ܡܫܝ݂ܚܐ ܗ݀ܘ ܕܐܬܐ ܡܛܠ ܦܘܪܩܢܐ
102:13	ܕܓܢܣܐ ܕܒܢܝܢ̈ܫܐ܂ ܗ݀ܘ ܕܚܫ ܘܐܬܩܒܪ ܘܩ݂ܡ܂ ܡܢ ܗ݀ܘ ܕܫܕܪܟ ܬܘܒ
102:14	ܐܫܬܒܚܬ܂ ܐܬܦܢ܂ ܥܕܪ ܡܪܝܐ܂ ܬܪܘܨ݁ ܡܚܫܒ̈ܬܢ ܒܗܝܡܢܘ݂ܬܐ ܡܫܪܪܬܐ
102:15	ܕܪܘܚܐ܂ ܫܒܚ ܠܫܡܟ ܒܢ܂ ܡܛܠ ܕܒܐܒܘܟ ܘܒܟ ܘܒܪܘܚܐ ܩܕܝ݂ܫܐ
102:16	ܐܝ݂ܬܘܗܝ ܣܒܪܢ ܠܥܠܡܥܠܡܝܢ܀ ܥܡ ܗܠܝܢ ܕܥܡܗ݀ ܬܐܡܪ ܐܡܝܢ܀
102:17	ܬܫܒܘܚܬܐ ܕܝܢ ܫܦܪܝܬܐ ܗܟܢܐ ܬܐܡܪ܂
102:18	ܬܫܒܘܚܬܐ ܫܦܪܝܬܐ ܕܐܪ̈ܡܠܬܐ ܗ݀ܢܝܢ ܕܩܕ̈ܡܢ ܝ݁ܬܒ̈ܢ܃
102:19	ܠܟ ܐܠܗܐ ܕܠܥܠܡ ܡܗܕܝܢܐ ܕܢܦܫ̈ܬܢ ܥ݁ܒܘܕܐ ܕܢܘܗܪܐ܂ ܓܙܐ
102:20	ܕܚܝ̈ܐ܂ ܗܘ݁ ܕܒܬܫܒ̈ܚܬܐ ܘܒܨ̈ܠܘܬܐ ܕܚܣ̈ܝܐ ܡܬܬܢܝ݂ܚ ܐܢܬ܂ ܪܚܡ݁
102:21	ܚܝܘܣܬܢܘܬܐ܂ ܡܪܚܡܢܐ ܒܣܝܡܐ܂ ܡܠܟܐ ܕܟܠ ܘܐܠܗܐ ܡܪܢ܂ ܡܫܒܚܐ ܪܘܚܐ ܕܝ݂ܠ݂ܝ ܗܝ݁ ܕܩ̈ܠܐ ܕܠܐ ܫܠܘܐ ܡܫܕܪܐ ܠܟ܂ ܕܐܡܬܟ ܡܪܝܐ ܗܝ݁
102:22	ܕܡܬܟܫܦܐ ܠܟ܂ ܕܬܫܡܠܐ ܒܐܡܬܟ ܪܘܚܐ ܕܡܚܫܒܬܐ ܘܕܫܦܝ݂ܪܘܬ
102:23	ܕܚܠܬܐ܂ ܘܕܝܕܥܬܐ ܬܪܝܨܬܐ܂ ܡܫܒܚܐ ܐܢ݂ܐ ܠܟ ܡܪܝܐ ܗܘ݁ ܕܒ݁ܛܠܬ ܡܢ
102:24	ܡܣܟܢܘ݂ܬܢ ܟܠ ܕܠܘ݂ܚܝܐ ܘܛܘܚܐ܂ ܚܡܬܐ ܘܟܠܗ ܚܪܝܢܐ ܘܒܝ݂ܫܘܬ ܥܝ݁ܕܐ܂
102:25	ܠܗܘ݁ ܕܥ݁ܬܕ ܫܚܠܦ ܠܪ̈ܓܫܐ ܕܗܘܢܝ܂ ܠܘܬ ܗܝ݁ ܕܠܟ ܒܠܚܘܕܝܟ ܐܠܗܐ