← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60376: TDN pars. 44-45

Click on a word for lexical analysis
Click on a red-colored coordinate for comments and/or translations of the line

previous chapter


104:01 ܐܦܠܘ݁ܚ܂ ܠܗܘ݁ ܕܨܒ݁ܬܬ ܠܥܕܬܟ ܩܕܝܫܬܐ ܒܬܫܡ̈ܫܬܐ ܡܫܚ̈ܠܦܬܐ܂ ܠܗܘ݁
104:02 ܕܛ݁ܪܕ ܐܢܬ ܡܢ ܐܡܬܟ ܟܠܗ݀ ܦܠܝܓܘܬܐ܂ ܕܚܠܬܐ܂ ܡܚܝ݂ܠܘܬܐ܂ ܘܐܚ݁ܕ
104:03 ܐܢܬ ܠܚܘ݂ܫ̈ܒܐ ܕܗ݀ܢܘܢ ܕܒܬܪܝܨܘܬܐ ܦܠܚܝ݂ܢ ܠܟ܂ ܡܫܒܚܐ ܐܢ݂ܐ ܠܟ
104:04 ܐܠܗܐ܂ ܗܘ݁ ܕܐܢܗܪܬ ܠܝ ܒܢܘܗܪܐ ܕܝܕܥܬܟ܂ ܒܝܕ ܒܪܐ ܕܝܠܟ
104:05 ܝܚܝܕܝܐ ܡܪܢ ܝܫܘ݁ܥ ܡܫܝ݂ܚܐ ܕܒܐܝܕ̈ܘܗܝ ܠܟ ܬܫܒܘܚܬܐ ܘܐܘܚܕܢܐ
104:06 ܠܥܠܡܥܠܡܝܢ ܐܡܝܢ܂ ܘܥܡ ܗܠܝܢ ܕܥܡܗ݀ ܬܐܡܪ ܐܡܝܢ܀
104:07 ܡܛܠ ܗܘܦ̈ܘܕܝܩܢܘ
104:08 ܡ̄ܕ̄܂ ܒܗ݀ ܒܕܡܘܬܐ ܗܘܦܘܕܝܩܢܐ ܢܬܬܣܪܚ ܢܟܦܐ ܟܕ ܡܨܠܐ ܥܠܘܗܝ
104:09 ܐܦܝܣܩܘܦܐ܂ ܢܐܡܪ ܕܝܢ ܥܠܘܗܝ ܐܦܝܣܩܘܦܐ ܒܝܘܡܐ ܕܝܢ ܕܚܕ ܒܫܒܐ
104:10 ܟܕ ܫ݁ܡܥ ܟܠܗ ܥܡܐ ܗܟܢܐ܂ ܐܢܬ ܕܝܢ ܐܘ ܦܠܢ ܫܡܫ ܘܫܡ݂ܥ ܒܕܚܠܬ
104:11 ܐܠܗܐ܂ ܠܐܘܢܓܠܝܘܢ܂ ܦܠܘܚ ܚܣܝܐܝ݂ܬ ܠܝܕܥܬܐ ܕܢܦܫܟ܂ ܛܪ ܕܟܝܘ݂ܬܐ܂
104:12 ܐܬܥܢܘܐ܂ ܚܘ݂ܪ܂ ܘܨܘ݂ܬ ܘܫܡܥ ܒܡܟܝܟܘ݂ܬܐ܂ ܒܨ̈ܠܘܬܐ ܘܒܨܘ̈ܡܐ ܠܐ
104:13 ܬܗܡܐ܂ ܐܝܟܢܐ ܕܢܢܝ݂ܚܟ ܡܪܝܐ܂ ܘܠܕܪܓܐ ܕܝܬܝܪ ܪܒ ܢ݁ܫܘܟ܀ ܘܟܠܗܘ݁ܢ
104:14 ܟܗ̈ܢܐ ܢܐܡܪܘܢ ܬܗ݂ܘܐ ܬܗ݂ܘܐ ܬܗ݂ܘܐ܂
104:15 ܡܛܠ ܩܪܘܝܐ܃
104:16 ܡ̄ܗ̄܂ ܩ݁ܪܘܝܐ ܩ݁ܐܡ܂ ܕܟܝܐ ܢܝ݂ܚܐ ܡܟܝܟܐ ܚܟܝ݂ܡܐ܂ ܣܓܝ݂ ܢܣܝܢܐ܂
104:17 ܝܠܝ݂ܦܐ ܘܣܓܝ ܝܘ݂ܠܦܢܐ܂ ܡܬܥܗܕܢܐ܂ ܙܗܝ݂ܪܐ܂ ܐܝܟܢܐ ܕܐܦ ܠܕܪܓܐ
104:18 ܕܝܬܝܪ ܪܒ ܢܗ݂ܘܐ ܚ݁ܫܚ܂ ܢܬܝ݂ܗܒ ܠܗ ܕܝܢ ܩܕܡܝܬ ܟܬܒܐ܂ ܟܕ
104:19 ܥܡܐ ܚ݁ܙܐ ܒܝܘܡܐ ܕܚܕ ܒܫܒܐ܂ ܠܐ ܕܝܢ ܡܬܬܣܝ݂ܡܐ ܥܠܘܗܝ ܐܝ݂ܕܐ܂
104:20 ܐܠܐ ܫ݁ܡܥ ܡܢ ܐܦܝ݂ܣܩܘܦܐ ܐܢܬ ܕܝܢ ܐܘ ܦܠܢ ܕܩܪܟ ܡܫܝ݂ܚܐ ܡܫܡܫܢܐ
104:21 ܕܡ̈ܠܘܗܝ ܠܡܗ݂ܘܐ܂ ܝ݂ܨܦ ܘܐܬܟܬܫ ܐܝܟܢܐ ܕܒܚܝ݂ܪܐ ܬܬ݂ܚܙܐ܂ ܘܒܩܢܘܢܐ

next chapter