The Comprehensive Aramaic Lexicon

112:01	ܫ݁ܘܐ ܢܥ݂ܡܕ܂ ܘܐܢ ܗܟܢܐ ܫ݁ܘܐ ܠܟܣܝ̈ܬܐ܂ ܡܢܗ ܘܠܗ ܢܫܡܥ܂ ܘܐܦ
112:02	ܒܟܣܝܐ ܕܝܢ ܢܫܬܘܫܛ ܠܩܕܡܘܗܝ܀
112:03	ܠܗ݀ܘ ܕܨ݁ܒܐ ܠܡܙܕܘܓܘ܂ ܐܦܠܐ ܚܕܐ ܟܠܝ݂ܬܐ ܬܗ݂ܘܐ܂ ܐܝܟܢܐ
112:04	ܕܠܐ ܢܬܬܨܝܕ ܡܢ ܒܝ݂ܫܐ ܒܙ݁ܢܝܘܬܐ܂ ܢܙܕܘܓ ܕܝܢ ܠܟܪܣܛܝܢܝܬܐ ܡܗܝܡܢܬܐ
112:05	ܡܢ ܓܢ݂ܣܐ ܕܟܪ̈ܣܛܝܢܐ܂ ܕܣ݁ܦܩܐ ܕܠܓܒܪܗ݀ ܒܗܝܡܢܘ݂ܬܐ ܬܛܪ܂ ܟܕ
112:06	ܐܦܝܣܩܘܦܐ ܦܩܕ܂ ܘܟܕ ܗܟܢܐ ܗܘ݂ ܢܐܨܦ ܕܝܠܗ܀
112:07	ܘܬܘܒ ܢܫܬܐܠ ܗܘ݁ ܕܩܪܒ܂ ܐܢ ܥܒ݂ܕܐ ܐܝ݂ܬܘܗܝ ܐܘ݁ ܒܪ ܚܐܪ̈ܐ܂
112:08	ܘܐܢ ܡ݁ܢ ܥܒܕܐ ܕܡܗܝܡܢܐ ܐܝ݂ܬܘܗܝ܂ ܘܐܢ ܐܦ ܡܪܗ ܡ݁ܦܣ ܠܗ܃
112:09	ܢܫܡ݂ܥ܂ ܐܢ ܕܝܢ ܠܘ ܡܗܝܡܢܐ ܐܝ݂ܬܘܗܝ ܡܪܗ܂ ܘܠܐ ܡ݁ܦܣ܂ ܢܬܬܦ݂ܝܣ
112:10	ܕܢ݁ܦܣ܂ ܘܐܢ ܐܡ݁ܪ ܥܠܘܗܝ ܫܪܝ݂ܪܐܝܬ܂ ܕܐܝܟ ܣ݁ܢܐ ܡܪ̈ܘܗܝ ܒܥ݁ܐ
112:11	ܕܢܗܘܐ ܟܪܝܣܛܝܢܐ܂ ܢܫ݂ܬܕܐ ܠܒܪ܂ ܐܢܕܝܢ ܘܠܐ ܡܕܡ ܥܠܬܐ ܡܬܚܘܝܐ
112:12	ܕܣܢܐܬ ܥܒ݂ܕܘܬܐ܂ ܨ݁ܒܐ ܕܝܢ ܕܢܗ݂ܘܐ ܟܪܣܛܝܢܐ܃ ܢܫܡܥ܂ ܐܢܕܝܢ ܡܗܝܡܢܐ
112:13	ܐܝܬܘܗܝ ܡܪܗ܂ ܘܠܐ ܣ݁ܗܕ ܥܠܘܗܝ܂ ܢܫܬܕܐ ܠܒܪ܂ ܒܗ݀ ܒܕܡܘܬܐ ܐܢ
112:14	ܐܦ ܐܢܬܬܐ ܕܐܢܫ ܐܝ݂ܬܝܗ݀܂ ܬܬܝܠܦ ܗܝ݂ ܐܢܬܬܐ ܕܠܓܒܪܗ݀ ܬܫܦܪ
112:15	ܒܕܚܠܬܐ ܕܐܠܗܐ܂ ܐܢܕܝܢ ܬܪ̈ܝܗܘ݁ܢ ܨ݁ܒܝܢ ܕܒܫܦܝܪܘܬ ܕܚܠܬܐ ܢܦܠܚܘܢ
112:16	ܕܟܝܘ݂ܬܐ܂ ܐܓܪܐ ܐܝܬ ܠܗܘ݁ܢ܀
112:17	ܗܘ݁ ܕܕܠܐ ܙܘܘܓܐ ܐܝܬܘܗܝ܂ ܠܐ ܢ݁ܙܢܐ܂ ܐܠܐ ܢܙܕܘܓ ܒܢܡܘܣܐ܂
112:18	ܐܢܕܝܢ ܗܟܢܐ ܠܡܟܬܪܘ݂ ܨ݁ܒܐ܃ ܢܩܘܐ ܒܡܪܝܐ܀
112:19	ܐܢ ܕܝܢ ܐܢܫ ܒܕܝܘܐ ܡܫܬܢܩ܃ ܠܐ ܢܫܡܥ ܡܠ݂ܬܐ ܡܢ ܡܠܦܢܐ ܥܕܡܐ

112:20	ܕܡܬܕܟܐ܂ ܗܘܢܐ ܓܝܪ ܟܕ ܒܪܘ݂ܚܐ ܗ݂ܘܠܢܝܐ ܡܘܩܕ܂ ܠܐ ܡܩܒܠ ܡܠ݂ܬܐ

112:21	ܠܐ ܗܘܠܢܝܬܐ ܘܩܕܝܫܬܐ܂ ܐܢܕܝܢ ܢܬܕܟܐ܃ ܢܬܬܪܬܐ ܒܡܠܬܐ܀
112:22	ܒ̄܂ ܐܢ ܐܢܫ ܙܢܝܬܐ܂ ܐܘ ܐܢܫ ܪܥ݁ܐ ܒܙܢܝܘܬܐ܂ ܐܘ݁ ܪܘܝܐ܂ ܐܘ
112:23	ܓܒܠ ܦܬܟܪ̈ܐ܂ ܐܘ݁ ܨܝ݁ܪܐ܂ ܐܘ ܡܢ ܗ݀ܢܘܢ ܒܝܬ ܚܙ̈ܘܢܐ܂ ܐܘ ܗܢܝܘܟܐ܂