The Comprehensive Aramaic Lexicon

118:01	ܒܨܒܬܗܝܢ ܢܬܟܢ̈ܟܢ ܘܠܐ ܒܓܕ̈ܘܠܐ ܢܨܛܒ̈ܬܢ܂ ܐܘ݁ ܒܝܕ ܟܐܦ̈ܐ ܠܘܬ ܗܝ݁
118:02	ܕܠܐ ܢܬܬܨܝ݂ܕܘܢ ܥ̈ܠܝܡܐ ܗ݀ܢܘܢ ܕܒܥܕܬܐ܂ ܐܠܐ ܥܡ ܢܟܦܘܬܐ ܘܝܕܥܬܐ܂
118:03	ܐܢܕܝܢ ܠܐ܃ ܡܢ ܐܪ̈ܡܠܬܐ ܗܠܝܢ ܕܩ݁ܕ̈ܡܢ ܝ݁ܬܒ̈ܢ ܢܬܬܪ̈ܬܝܢ܂ ܐܢܕܝܢ ܡܥܙܝ̈ܢ
118:04	ܡܪܚܐܝ݂ܬ܂ ܐܦܝܣܩܘܦܐ ܢܪܫܐ ܐܢܝܢ܀
118:05	ܗ̄܂ ܡܢ ܒܬܪ ܕܡܨܠܝܢ ܡܬܬܪ̈ܬܝܢܐ ܐܦܝܣܩܘܦܐ ܐܘ݁ ܩܫܝܫܐ ܟܕ ܣ݁ܐܡ
118:06	ܥܠܝܗܘܢ ܐܝܕܐ ܢܐܡܪ ܨܠܘ݁ܬܐ ܕܣܝ݁ܡ ܐܝܕܐ ܕܡܬܬܪ̈ܬܝܢܐ܂
118:07	ܨܠܘܬܐ ܕܡܬܬܪ̈ܬܝܢܐ܂
118:08	ܐܠܗܐ ܗܘ݁ ܕܡܫܕܪ ܪ̈ܥܡܐ ܘܡܥܬܕ ܒܪ̈ܩܐ܂ ܗܘ݁ ܕܫܬܐܣܬ ܠܫܡܝܐ
118:09	ܘܪܩܥ݂ܬ ܠܐܪܥܐ܂ ܘܡ݁ܢܗܪ ܐܢܬ ܠܡܗܝ̈ܡܢܐ܂ ܘܡ݁ܦܢܐ ܐܢܬ ܠܐܝܠܝܢ
118:10	ܕܛܥ݁ܝܢ܂ ܗܘ݁ ܕܐܚܝ݂ܬ ܠܐܝܠܝܢ ܕܡܝ݂ܝ݂ܬܝܢ ܘܝܗܒܬ ܣܒܪܐ ܠܐܝܠܝܢ ܕܕܠܐ

118:11	ܣܒܪܐ܂ ܘܚܪܪܬ ܠܬܒܝܠ ܡܢ ܛܥ݁ܝܘ݂ܬܐ܂ ܒܝܕ ܡܚܬܬܐ ܕܝ݂ܚܝܕܝܐ ܒܪܐ

118:12	ܕܝܠܟ ܝܫܘ݁ܥ ܡܫܝ݂ܚܐ܂ ܥܢܝ݂ ܠܢ ܡܪܝܐ܂ ܘܗܒ ܠܢܦܫ̈ܬܐ ܗܠܝܢ ܣܘ݂ܟܠܐ܂
118:13	ܡܫܡܠܝ݂ܘܬܐ܂ ܗܝܡܢܘܬܐ ܠܐ ܦܠܝܓܬܐ܂ ܝ݂ܕܥܬܐ ܕܫܪܪܐ܂ ܕܢܗܘܘ݁ܢ ܒܕܪܓܐ
118:14	ܕܝܬܝܪ ܪܒ ܡܢ ܗܢܐ܂ ܒܝܕ ܫܡܐ ܕܝ݂ܠܟ ܩܕܝܫܐ܂ ܘܕܒܪܟ ܚܒܝ݂ܒܐ ܝܫܘ݁ܥ
118:15	ܡܪܢ܂ ܕܒܐܝܕܘ̈ܗܝ ܠܟ ܬܫܒܘܚܬܐ ܘܐܘ݂ܚܕܢܐ ܥܡ ܪܘܚܐ ܩܕܝܫܐ ܘܗܫܐ
118:16	ܘܒܟܠ ܙܒܢ ܘܠܟܠܗܘ݁ܢ ܥ̈ܠܡܐ ܠܥܠܡܝܢ ܐܡܝܢ܀
118:17	ܘܡܢ ܒܬܪ ܗܠܝܢ ܢܫܬܪܘܢ܂ ܐܢ ܐܢܫ ܟܕ ܡܬܬܪܬܝܢܐ ܐܝ݂ܬܘܗܝ
118:18	ܘܡܛܠ ܫܡܝ ܢܬܠܒܟ܂ ܘܒܫܢܕ̈ܐ ܢܬܬܕܝܢ܂ ܘܡܣܬܪܗܒ ܘܙ݁ܪܒ ܕܢܣ݂ܒ ܣܚܬܐ܂
118:19	ܠܐ ܢܬܦܫܟ ܪܥ݁ܝܐ܂ ܐܠܐ ܢܬܠ ܠܗ܂ ܐܢܕܝܢ ܟܕ ܢܗ݂ܘܐ ܠܗ ܩܛܝ݂ܪܐ ܢܬܩܛܠ ܟܕ
118:20	ܠܐ ܫܩܝ݂ܠ ܠܗ ܣܚܬܐ ܠܐ ܢܪܢܐ܂ ܟܕ ܓܝܪ ܒܕܡܐ ܕܢܦܫܗ ܥܡ݂ܕ܂ ܡܙ݁ܕܩ܀
118:21	ܘ̄܂ ܐܢܕܝܢ ܚܕ ܚܕ ܡ݂ܬܓܒܝܢ ܗ݀ܢܘܢ ܕܫܩܝ݂ܠܝܢ ܣܚܬܐ܂ ܢܬܒܩܘܢ
118:22	ܘܢܬܥܩܒܘ݂ܢ ܩܕܡܝܬ܂ ܐܝܟܢܐ ܐܬܕܒܪܘ ܟܕ ܡܬܬܪܬܝܢ ܗܘܘ܂ ܐܢ ܝܩܪܘ
118:23	ܐܪ̈ܡܠܬܐ܂ ܐܢ ܣܥ݂ܪܘ ܠܟܪ̈ܝ݂ܗܐ܂ ܐܢ ܒܟܠܗ݀ ܡܟܝ݂ܟܘ݂ܬܐ ܘܚܘ݂ܒܐ ܗܠܟܘ܂