The Comprehensive Aramaic Lexicon

124:01	ܕܥܒ݂ܕ̈ܝܟ ܗܠܝܢ܂ ܟܠ ܡܪܥܐ ܘܟܘܪܗܢܐ܂ ܘܟܠ ܟܫܠܐ ܘܟܠܗ݀ ܠܐ ܗܝܡܢܘܬܐ܂
124:02	ܟܠܗ݀ ܦܠܝܓܘ݂ܬܐ܂ ܘܟܠܗ݀ ܡܒܣܝܢܘ݂ܬܐ܂ ܟܠ ܪܘ݂ܚܐ ܛܡܐܬܐ܂ ܣܥܘܪܬܐ
124:03	ܚܪܫܬܐ܂ ܩܛܘܠܬܐ ܕܬܚܝܬ ܐܪܥܐ܂ ܢܘ݂ܪܢܝܬܐ܂ ܚܫܘܟܬܐ܂ ܣܪܝܬ ܪܝܚܐ܂
124:04	ܚܪܫܝܬܐ܂ ܪܓܬܢܝܬܐ܂ ܪܚܡܬ ܕܗܒܐ܂ ܡܫܩ݁ܠܬܐ܂ ܪܚܡܬ ܟܣܦܐ܂ ܪܘܓܙܢܝܬܐ܂
124:05	ܐܝܢ ܡܪܝܐ ܐܠܗܐ܂ ܒܛܠ ܡܢ ܥܒܕ̈ܝܟ ܗܠܝܢ ܕܐܫܬܡܗܘ ܒܟ܂ ܙܝܢ̈ܐ
124:06	ܕܐܟܠܩܪܨܐ܂ ܟܠܗ݀ ܡܓܘܫܘܬܐ܂ ܚܪܫܘܬܐ܂ ܕܚܠܬ ܦܬܟܪ̈ܐ܂ ܩܨܘ݁ܡܘ݂ܬܐ܂

124:07	ܡܡܠܠܘ݂ܬ ܟܘܟ̈ܒܐ܂ ܩ݁ܨܘ݁ܡܘܬܐ ܕܒܡܝ̈ܬܐ܂ ܕܝܘ݁ܩܘܬ ܟܘܟ̈ܒܐ܂ ܢ݁ܡܘ݁ܣܝܘ݂ܬ

124:08	ܟܘܟ̈ܒܐ܂ ܗܢܝܐܘܬ ܚ̈ܫܐ܂ ܪܚܡܬ ܫܟܝ݂ܪ̈ܬܐ܂ ܥ݁ܩܬܐ܂ ܪܚܡܬ ܟܣܦܐ܂
124:09	ܪܘܝܘܬܐ܂ ܙܢܝܘܬܐ܂ ܓܝ݁ܪܘܬܐ܂ ܦ݁ܚܙܘܬܐ܂ ܡܪܚܘ݂ܬܐ ܚܪܝ݂ܝܘܬܐ܂ ܪܘܓܙܐ܂
124:10	ܒܠܝ݂ܠܘ݂ܬܐ܂ ܒܝ݂ܫܘ݂ܬܐ܂ ܡܣܒܪܢܘܬܐ ܒܝ݂ܫܬܐ܂ ܐܝܢ ܡܪܝܐ ܐܠܗܐ ܥܢܝ݂ܢܝ
124:11	ܘܦܘ݁ܚ ܒܗܠܝܢ ܥܒܕ̈ܝܟ ܪܘ݂ܚܐ ܕܫܝܢܐ܂ ܐܝܟܢܐ ܕܟܕ ܡܬܢܛܪܝܢ ܡܢܟ܂
124:12	ܢܥܒܕܘܢ ܒܟ ܦܐܪ̈ܐ ܕܗܝܡܢܘ݂ܬܐ܂ ܕܡܝܬܪܘܬܐ܂ ܕܚܟܡܬܐ܂ ܕܕܟܝܘ݂ܬܐ܂
124:13	ܕܥܢܘܝܘܬܐ܂ ܕܡܣܝܒܪܢܘܬܐ܂ ܕܣܒܪܐ܂ ܕܫܘܝܘܬ ܬܪܥܝܬܐ܂ ܕܢܟܦܘܬܐ܂
124:14	ܕܬܫܒܘܚܬܐ܂ ܡܛܠ ܕܠܟ ܐܬܩܪܝ݂ܘ ܥܒܕ̈ܐ܂ ܒܫܡܐ ܕܝܫܘ݁ܥ ܡܫܝ݂ܚܐ ܟܕ
124:15	ܥ݁ܡܕܝܢ ܒܬܠܝܬܝܘ݂ܬܐ܂ ܒܫܡܐ ܕܐܒܐ ܘܕܒܪܐ ܘܕܪܘܚܐ ܩܕܝ݂ܫܐ܂ ܟܕ
124:16	ܣܗܕ̈ܐ ܐܝ݂ܬܝܗܘ݁ܢ ܡ̈ܠܐܟܐ܂ ܫܘ݂ܒ̈ܚܐ܂ ܡܪ̈ܘܬܐ܂ ܟܠܗ݀ ܦܠܚܘܬܐ
124:17	ܫܡܝܢܝܬܐ܂ ܡܪܝܐ ܩܢܘܡܐ ܕܚܝ̈ܐ ܕܝܠܢ ܘܕܝܠܗܘ݁ܢ܂ ܢܛܪ ܠܒ̈ܘܬܐ
124:18	ܕܝ݂ܠܗܘܢ ܐܠܗܐ܂ ܡܛܠ ܕܚܝܠܬܢܐ ܐܝ݂ܬܝܟ ܘܡܫܒܚܐ ܠܟܠܗܘ݁ܢ ܥ̈ܠܡܐ
124:19	ܕܥ̈ܠܡܐ܀ ܘܟܠܗ ܥܡܐ ܐܦ ܟܗ̈ܢܐ ܢܐܡܪܘܢ ܐܡܝܢ܂ ܬܗ݂ܘܐ ܬܗ݂ܘܐ
124:20	ܬܗ݂ܘܐ܀
124:21	ܘܐܢܗܘ݂ ܕܐܢܫ ܒܡܣܝܒܪܢܘ݂ܬܐ ܕܡܕܡ ܐܝ݂ܬܘܗܝ܂ ܩ݁ܐܡ ܡܚܕܐ ܟܕ
124:22	ܐܡ݁ܪ ܐܦܝܣܩܘܦܐ܂ ܘܒ݁ܟܐ ܐܘ݁ ܩ݁ܥܐ܂ ܐܘ݁ ܡܪܥܬ܂ ܐܘ݁ ܡܚ݁ܪܩ ܫܢܘ̈ܗܝ
124:23	ܐܘ݁ ܩܫܝܐܝ݂ܬ ܚ݁ܐܪ ܐܘ ܣܓܝܐܝܬ ܡܬܬܪܝܡ܂ ܐܘ ܟܠ ܟܠܗ ܥ݁ܪܩ܂ ܟܕ
124:24	ܡܬܚܛܦ ܕܝܢ ܩܠܝ݂ܠܐܝ݂ܬ܂ ܗܘ݁ ܕܐܝܟ ܗܟܢܐ ܡܢ ܡܫܡ̈ܫܢܐ ܢܬܛܫܐ܂ ܐܝܟܢܐ
124:25	ܕܠܐ ܫܓܘ݂ܫܝܐ ܡܕܡ ܢܗ݂ܘܐ܂ ܟܕ ܐܦܝܣܩܘܦܐ ܡܡ݁ܠܠ܂ ܘܗܘ݁ ܕܐܝܟ
124:26	ܗܟܢܐ܃ ܢܬܬܘܡܐ ܡܢ ܟܗ̈ܢܐ ܥܕܡܐ ܕܢܬܕܟܐ܂ ܘܗܟܢܐ ܢܥܡܕ܀
124:27	ܡܢ ܒܬܪ ܕܡ݁ܘܡܐ ܟܗܢܐ ܠܗ݀ܢܘܢ ܕܐܬܩܪܒܘ܂ ܐܘ݁ ܠܗܘ݁ ܕܐܫܬܟܚ