← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60376: TDN

Click on a word for lexical analysis
Click on a red-colored coordinate for comments and/or translations of the line

previous chapter


128:01 ܩܫܝ݂ܫܐ܂ ܗܘ݁ ܡ݁ܢ ܗܟܝܠ ܕܩ݁ܐܡ ܠܘܬ ܗܘ݁ ܕܗ݀ܘܝܐ ܥܠܘܗܝ ܬܘܕܝ݂ܬܐ
128:02 ܕܡܫܚܐ ܢܗܘܐ ܒܝܡܝ݂ܢܐ܂ ܗܘ݁ ܕܝܢ ܕܩ݁ܐܡ ܠܘܬ ܗܘ݁ ܕܡܬܬܘܡܐ ܒܣܡ݂ܠܐ܀
128:03 ܟܕ ܠ݁ܒܟ ܠܟܠ ܚܕ ܢܫܐܠ܂ ܟܕ ܡܬܦܢܐ ܠܡܥܪܒܐ
128:04 ܗܘ݁ ܕܥ݁ܡܕ܂ ܘܢܐܡܪ܂ ܐܡ݂ܪ܂ ܟܦܪܐܢ݂ܐ ܒܟ ܣܛܢܐ܂ ܘܒܟܠܗ݀ ܦܠܚܘܬܟ
128:05 ܘܒܒܝܬ ܚܙ̈ܘܢܐ ܕܝ݂ܠܟ܂ ܘܒܪ̈ܓܝܓܬܟ܂ ܘܒܟܠܗܘܢ ܥܒ݁ܕ̈ܝܟ܂ ܘܟܕ ܗܠܝܢ
128:06 ܐܡ݂ܪ ܘܐܘܕܝ ܢܬܡܫܚ ܒܡܫܚܐ ܗܘ݁ ܕܡܘܡܝ ܥܠܘܗܝ܂ ܟܕ ܐܡ݁ܪ ܗܘ݁
128:07 ܕܡ݁ܫܚ ܠܗ ܗܟܢܐ܂ ܡ݁ܫܚ ܐܢܐ ܡܫܚܐ ܗܢܐ ܕܡܘܡܝܢܘܬܐ܂ ܠܓܗ݀ܝܬܐ
128:08 ܕܡ݂ܢ ܟܠ ܪܘ݂ܚܐ ܒܝ݂ܫܬܐ ܘܛܡܐܬܐ܂ ܘܠܓܗ݀ܝܬܐ ܕܡܢ ܟܠ ܒܝܫܬܐ܀
128:09 ܬܘܒ ܟܕ ܠܘܬ ܡܕܢܚܐ ܡ݁ܦܢܐ ܠܗ ܢܐ݂ܡܪ ‍<‍ܐܡܪ‍>‍ ܫ݁ܠܡ ܐܢ݂ܐ ܠܟ
128:10 ܐܒܐ ܘܒܪܐ ܘܪܘ݂ܚܐ ܩܕܝܫܐ܂ ܡܢ ܗܘ݁ ܕܟܠ ܟܝ݁ܢܐ ܪܥ݁ܠ ܘܙܐ݁ܥ܂ ܗܒܠܝ݂
128:11 ܕܐܥܒܕ ܟܠܗܘܢ ܨܒܝ̈ܢܝܟ ܕܠܐ ܡܘ݁ܡ܀
128:12 ܐܝܛܐ ܒܬܪ ܗܠܝܢ ܢ݁ܫܠܡܗ ܠܩܫܝܫܐ ܗܘ݁ ܕܡܥܡܕ܂ ܘܢܩܘ݂ܡܘܢ ܒܓܘ
128:13 ܡܝ̈ܐ ܟܕ ܫܠܝ݂ܚܝܢ܂ ܢ݂ܚܘ݁ܬ ܕܝܢ ܥܡܗ ܫܡ݁ܫܐ ܒܗ݀ ܒܕܡܘ݂ܬܐ܂ ܟܕ ܕܝܢ
128:14 ܢ݁ܚܬ ܗܘ݁ ܕܥ݁ܡܕ ܠܓܘ ܡܝ̈ܐ܂ ܢܐܡܪ ܗܘ݁ ܕܡ݁ܥܡܕ ܠܗ ܟܕ ܐܝ݂ܕܗ ܣܝ݂ܡ
128:15 ܠܗ ܥܠܘܗܝ ܗܟܢܐ܂ ܡܗܝܡܢ ܐܢܬ ܒܐܠܗܐ ܐܒܐ ܐܚܝ݂ܕ ܟܠ܂ ܗܘ݁ ܕܥ݁ܡܕ
128:16 ܢܐܡܪ܂ ܡܗܝܡܢ ܐܢ݂ܐ܂ ܢ݁ܥܡܕܗ ܡܚܕܐ ܚܕܐ ܙܒܢ܂ ܟܗܢܐ ܬܘ݂ܒ ܢܐܡܪ܂
128:17 ܡܗܝܡܢ ܐܢܬ ܐܦ ܒܡܫܝ݂ܚܐ ܝܫܘ݁ܥ ܒܪܗ ܕܐܠܗܐ܂ ܗܘ݁ ܕܡ݂ܢ ܐܒܐ
128:18 ܐܬ݂ܐ܂ ܗܘ݁ ܕܩܕܝܡ ܐܝ݂ܬܘܗܝ ܥܡ ܐܒܐ܂ ܗܘ݁ ܕܐܬܝ݂ܠܕ ܡܢ ܡܪܝܡ
128:19 ܒܬܘܠܬܐ ܒܝܕ ܪܘ݂ܚܐ ܩܕܝ݂ܫܐ܂ ܗܘ݁ ܕܐܨܛܠܒ ܒܝܘ̈ܡܝ ܦܘܢܛܝܘܣ
128:20 ܦܝܠܛܘ݁ܣ܂ ܘܡܝ݂ܬ ܘܩܡ ܠܬܠܬܐ ܝܘܡ̈ܝܢ܂ ܚܝ݂ܐ ܡܢ ܡܝ̈ܬܐ܂ ܘܣܠ݂ܩ ܠܫܡܝܐ܂
128:21 ܘܝ݂ܬܒ ܕܝܢ ܡܢ ܝܡܝܢܐ ܕܐܒܐ܂ ܘܐ݁ܬܐ ܠܡܕܢ ܠܚܝ̈ܐ ܘܠܡ̈ܝ݂ܬܐ܂ ܟܕ ܕܝܢ
128:22 ܐܡ݁ܪ ܗܘ݁ ܕܡܗܝܡܢ ܐܢ݂ܐ܂ ܢ݁ܥܡܕܗ ܙܒܢܬܐ ܕܬܪܬܝܢ܂ ܘܬܘ݂ܒ ܢܐܡܪ܂
128:23 ܡܗܝܡܢ ܐܢܬ ܐܦ ܒܪܘ݂ܚܐ ܩܕܝ݂ܫܐ܂ ܒܥܕܬܐ ܩܕܝ݂ܫܬܐ܂ ܘܢ݂ܐܡܪ ܗܘ݁
128:24 ܕܥ݁ܡܕ܂ ܡܗܝܡܢ ܐܢ݂ܐ܂ ܘܗܟܢܐ ܢ݁ܥܡܕܗ ܙܒܢܬܐ ܕܬܠܬ܀
128:25 ܒܬܪܟܢ ܟܕ ܣ݁ܠܩ ܢܬܡܫܚ ܡܢ ܩܫܝܫܐ ܒܡ݂ܫܚܐ܂ ܗܘ݁ ܕܐܡܝ݂ܪܐ
128:26 ܥܠܘܗܝ ܬܘܕܝܬܐ܂ ܟܕ ܐܡ݁ܪ ܥܠܘܗܝ܂ ܡ݁ܫܚ ܐܢ݂ܐ ܠܟ ܒܡܫܚܐ ܒܫܡܐ
128:27 ܕܝܫܘ݁ܥ ܡܫܝ݂ܚܐ܀ ܢܫ̈ܐ ܕܝܢ ܡ݂ܢ ܐܪ̈ܡܠܬܐ ܗܠܝܢ ܕܩܕ̈ܡܢ ܝ݁ܬܒ̈ܢ ܢܬܡܫ̈ܚܢ܂
128:28 ܟܕ ܐܡ݁ܪ ܥܠܝܗܝܢ ܩܫܝܫܐ܂ ܗ݀ܢܝܢ ܕܝܢ ܐܪ̈ܡܠܬܐ ܐܦ ܒܗ݀ ܒܡܥܡܘܕܝܬܐ

next chapter