The Comprehensive Aramaic Lexicon

130:01	ܬܚܝܬ ܦܪܣܐ ܢܩܒ̈ܠܢ ܐܢܝܢ ܒܝܕ ܦܪܣܐ ܟܕ ܐܦܝܣܩܘܦܐ ܐܡ݁ܪ ܗ݂ܢܝܢ
130:02	ܡܘܕ̈ܝܢܘܬܐ܂ ܘܗܟܢܐ ܗ݀ܢܘ݁ܢ ܕܡ݁ܟܦܪܝܢ ܠܗܘ݁ܢ܀
130:03	ܛ̄܂ ܡܟܝܠ ܐܟܚܕܐ ܢܗܘܘܢ ܒܥܕܬܐ܂ ܢܣܝ݂ܡ ܕܝܢ ܥܠܝܗܘܢ ܐܝ݂ܕܐ
130:04	ܗ݂ܘ ܐܦܝܣܩܘܦܐ ܡܢ ܒܬܪ ܡܥܡܘܕܝܬܐ ܟܕ ܐܡ݁ܪ ܘܩ݁ܪܐ ܥܠܝܗܘܢ ܗܟܢܐ܂
130:05	ܩܪܝܬܐ ܕܪܘ݂ܚܐ ܩܕܝܫܐ܃
130:06	ܡܪܝܐ ܐܠܗܐ ܗܘ݁ ܕܒܝܕ ܒܪܟ ܚܒܝ݂ܒܐ ܝܫܘ݁ܥ ܡܫܝ݂ܚܐ܂ ܡܠܝ݂ܬ ܪܘ݂ܚܐ
130:07	ܩܕܝ݂ܫܐ ܠܫܠܝ݂̈ܚܐ ܕܝ݂ܠܟ ܩܕܝ̈ܫܐ܂ ܘܒܝܕ ܪܘ݂ܚܐ ܐܦܣ݂ܬ ܕܢܡܠܠܘܢ ܢܒܝ̈ܐ ܕܝ݂ܠܟ
130:08	ܛܘܒ̈ܬܢܐ܂ ܗܘ݁ ܕܐܫܘܝܬ ܠܗܠܝܢ ܥܒܕ̈ܝܟ ܕܒܡܫܝ݂ܚܐ ܕܝ݂ܠܟ ܢܫܬܘܘ݁ܢ
130:09	ܠܫܘ݂ܒܩܢܐ ܕܚ̈ܛܗܐ ܒܝܕ ܣܚ݁ܬܐ ܕܝܠܕܐ ܕܡܢܕܪܝܫ܂ ܘܟܠܗ ܥܡܛܢܐ ܕܛܥ݁ܝܘܬܐ

130:10	ܘܚܫܘ݁ܟܐ ܕܠܐ ܗܝܡܢܘܬܐ ܕܟܝ݂ܬ ܡܢܗܘ݁ܢ܂ ܐܫܘܐ ܐܢܘܢ ܕܢܬ݂ܡܠܘ݁ܢ ܡܢ

130:11	ܪܘܚܟ ܩܕܝ݂ܫܐ ܒܪܚܡܬ ܐܢܫܘ݂ܬܟ܂ ܟܕ ܡܫ݁ܟܢ ܐܢܬ ܠܗܘ݁ܢ ܛܝܒܘ݂ܬܟ܂ ܐܝܟܢܐ
130:12	ܕܢܦܠܚܘܢ ܠܟ ܐܝܟ ܨܒܝܢܟ ܫܪܝܪܐܝܬ ܐܠܗܐ܂ ܘܢܥܒܕܘܢ ܦܘܩܕ̈ܢܐ ܕܝܠܟ
130:13	ܒܚܣܝܘ݂ܬܐ ܘܟܕ ܦܠܚܝ݂ܢ ܒܟܠܙܒܢ ܗܠܝܢ ܕܐܝܬܝܗܝܢ ܕܨܒܝܢܐ ܕܝ݂ܠܟ ܢܥ݂ܠܘܢ
130:14	ܠܡܫ̈ܟܢܐ ܕܝ݂ܠܟ ܕܠܥܠܡ܂ ܒܐܝ݂ܕ̈ܝܟ܂ ܘܒܝܕ ܒܪܟ ܚܒܝ݂ܒܐ ܝܫܘܥܡܫܝ݂ܚܐ܂ ܗܘ݁
130:15	ܕܒܐܝ݂ܕ̈ܘܗܝ ܠܟ ܬܫܒܘܚܬܐ ܘܐܘܚܕܢܐ ܥܡ ܪܘܚܐ ܩܕܝ݂ܫܐ ܠܥܠܡ ܥܠܡܝܢ܀
130:16	ܒܗ݀ ܒܕܡܘ݂ܬܐ܂ ܐܦ ܟܕ ܡܫܚܐ ܐܫ݁ܕ܂ ܟܕ ܐܝ݂ܕܐ ܣ݁ܐܡ ܥܠ ܪܝܫܗ
130:17	ܢܐ݂ܡܪ܂ ܡ݂ܡܫܚ ܡ݁ܫܚ ܐܢ݂ܐ ܒܐܠܗܐ ܐܚܝ݂ܕ ܟܠ ܘܒܡܫܝ݂ܚܐ ܝܫܘ݁ܥ܂ ܘܒܪܘ݂ܚܐ
130:18	ܩܕܝ݂ܫܐ܂ ܐܝܟܢܐ ܕܬܗ݂ܘܐ ܠܗ ܦܠܚܐ ܕܐܝ݂ܬ ܠܗ ܗܝܡܢܘܬܐ ܡܫܡܠܝܬܐ
130:19	ܘܡܐܢܐ ܕܫ݁ܦܪ ܠܗ܀
130:20	ܘܟܕ ܚ݁ܬܡ ܠܗ ܥܠ ܒܝܬ ܥܝܢܘ̈ܗܝ ܢܬܠ ܠܗ ܫܠܡܐ ܘܢܐܡ݂ܪ܂ ܡܪܝܐ
130:21	ܐܠܗܐ ܕܡܟܝ݂̈ܟܐ ܢܗ݂ܘܐ ܥܡܟ܂ ܘܗܘ݁ ܕܐܬܚܬܡ ܢܥܢܐ ܘܢܐܡܪ܂ ܘܥܡ
130:22	ܪܘ݂ܚܐ ܕܝܠܟ܂ ܘܗܟܢܐ ܟܠ ܚܕ ܚܕ܀
130:23	ܝ̄܂ ܘܡܟܝܠ ܐܟܚܕܐ ܥܡ ܟܠܗ ܥܡܐ ܢܨܠܘܢ܀ ܩܘ݂ܪܒܢܐ ܡܢ
130:24	ܡܫܡܫܢܐ ܢܬܩܪܒ܂ ܘܗܟܢܐ ܢܘܕܐ ܪܥ݁ܝܐ܂ ܠܚܡܐ ܕܝܢ ܡ݂ܬܩܪܒ ܠܛܘܦܣܐ
130:25	ܕܦܓܪܐ ܕܝ݂ܠܝ܂ ܟܣܐ ܒܚܡܪܐ ܢܬܡܙܓ܂ ܡܡܙܓ ܕܝܢ ܒܚܡܪܐ ܘܒܡܝ̈ܐ܂
130:26	ܫܘ݂ܕܥܐ ܓܝܪ ܐܝ݂ܬܘܗܝ ܕܕܡܐ ܘܕܣܚܬܐ܂ ܐܝܟܢܐ ܕܐܦ ܒܪܢܫܐ ܗܘ݁