The Comprehensive Aramaic Lexicon

132:01	ܕܠܓܘ ܗܘ݁ ܟܝܬ ܕܐܝ݂ܬܘܗܝ ܢܦܫܢܝܐ ܠܗܠܝܢ ܕܕܡ̈ܝܢ ܢܫܬܘܐ܂ ܠܗܠܝܢ ܟܝܬ
132:02	ܕܐܦ ܦܓܪܐ܂ ܘܟܠܗ ܥܡܐ ܐܝܟ ܗܠܝܢ ܕܩܕ̈ܡܝ ܐܬܐܡ݂ܪܝ݁ ܥܡ ܐܡܝܢ܂
132:03	ܢܣܒܘܢ ܡܢ ܐܘܟܪܣܛܝܐ ܕܡ݂ܬܩܪܒܐ܂ ܡܫܡ̈ܫܢܐ ܢܪܚܦܘܢ܃ ܐܟܡܐ
132:04	ܕܩܕ̈ܡܝ ܐܬ݂ܐܡܪ̈ܝ܂ ܗܘ݁ ܕܝ݁ܗܒ ܢܐܡܪ ܦܓܪܐ ܕܝܫܘ݁ܥ ܡܫܝ݂ܚܐ܂ ܪܘ݂ܚܐ
132:05	ܩܕܝ݂ܫܐ܂ ܠܐܣ݁ܝܘ݂ܬܐ ܕܢܦܫܐ ܘܕܦܓܪܐ ܗܘ݁ ܕܢ݁ܣܒ ܢܐܡܪ܂ ܐܡܝܢ܀
132:06	ܗܘ݁ ܕܐܫ݁ܕ ܡܢ ܟܣܐ ܕܝ݂ܢܐ ܠܢܦܫܗ ܡܟܢܫ܂ ܒܗ݀ ܒܕܡܘܬܐ܂ ܐܦ ܗܘ݁
132:07	ܕܚ݁ܙܐ ܘܫ݁ܬܩ܂ ܘܠܐ ܪܫ݁ܐ ܠܗ ܠܡܢ ܕܗ݂ܘ ܐܝܬܘܗܝ܂ ܢܬܚܦܛܘ݂ܢ
132:08	ܕܝܢ ܡܢ ܟܗ̈ܢܐ ܗ݀ܢܘܢ ܕܫ݁ܩܠܝܢ ܩܘ݂ܪܒܢܐ܂ ܕܢܐܨܦܘܢ ܠܡܥ݂ܒܕ
132:09	ܥܒ݁ܕ̈ܐ ܛܒ̈ܐ܂ ܕܢ݂ܪܚܡܘܢ ܐܟܣܢ̈ܝܐ܂ ܕܢܥܡܠܘܢ ܒܨܘܡܐ܂ ܘܒܟܠ ܥܒ݁ܕܐ
132:10	ܛܒ݁ܐ܂ ܢܦ݂ܠܚܘܢ ܥ݂ܒܕܘܬܐ܂ ܘܢ݂ܬܝܠܦܘܢ ܐܦ ܡܛܠ ܩܝܡܬܐ ܕܦܓܪ̈ܐ܂
132:11	ܩܕܡ ܕܢܣܒ ܐܢܫ ܡܥܡܘܕܝܬܐ܂ ܠܐ ܐܢܫ ܢܕܥܝܗ݀ ܠܡ݂ܠܬܐ ܕܡܛܠ ܩܝܡܬܐ܂
132:12	ܗ݀ܢܐ ܓܝܪ ܦܣ݁ܩܐ ܗܘ݁ ܚ݂ܕܬܐ ܐܝ݂ܬܘܗܝ܂ ܕܐܝ݂ܬ ܠܗ ܫܡܐ ܚ݂ܕܬܐ܂ ܠܗܘ݁
132:13	ܕܠܐ ܐܢܫ ܝ݁ܕܥ܂ ܐܠܐ ܗܘ݁ ܕܢ݁ܣܒ܀

132:14	ܡܫܡܫܢܐ ܠܩܫܝܫܐ ܩܘ݂ܪܒܢܐ ܠܐ ܝ݁ܗܒ܂ ܦܝ݂ܢܟܐ ܐܘ݁ ܟܦܦܬܐ

132:15	ܢܦܬܚ ܘܩܫܝܫܐ ܢ݁ܣܒ܀
132:16	ܡܫܡܫܢܐ ܠܥܡܐ ܢܬܠ ܒܐܝ݂ܕܗ܀
132:17	ܡܫܡܫܢܐ ܟܕ ܠܐ ܩܪܝ݂ܒ ܩܫܝܫܐ܂ ܒܐܢܢܩܐ ܢܥ݁ܡܕ܀
132:18	ܝ̄ܐ̄܂ ܐܢ ܢܩ݁ܒܠ ܐܢܫ ܬܫܡܫܬܐ ܡܕܡ ܕܢܘ݁ܒܠ ܠܐܪܡܠܬܐ ܐܘ݁
132:19	ܠܡܣܟܢܬܐ܂ ܐܘ݁ ܠܐܢܫ ܕܒܣܘ݂ܥܪܢܐ ܥܕܬܢܝܐ ܟ݁ܐܫ ܘܐܡܝܢ܂ ܒܪ ܝܘܡܗ
132:20	ܢܬܠܝ݂ܘܗܝ܂ ܘܐܢܕܝܢ ܠܐ ܒܝܘܡܐ ܕܠܡܚܪ ܢܘܣܦ ܡܕܡ ܥܠܘܗܝ ܡܢ ܗܠܝܢ
132:21	ܕܝ݂ܠܗ܂ ܘܗܟܢܐ ܢܬܠܝ݂ܘܗܝ܂ ܐܬܬ݁ܗ݂ܝ ܓܝܪ ܠܘܬܗ ܠܚܡܗ ܕܡܣܟܢܐ܀