The Comprehensive Aramaic Lexicon

138:01	ܢܬܥܢܘܐ ܟܕ ܩܢܝ̈ܢܘܗܝ ܟܠܗܘܢ ܝ݁ܗܒ ܠܡܣ̈ܟܢܐ ܢܬܥܢܘܐ ܘܢܟܢܘܫ
138:02	ܠܘܬ ܥܕܬܐ܂ ܟܕ ܒܨ̈ܠܘܬܐ ܡܬܐܡܢ ܘܒܬܘܕ̈ܝܬܐ܀
138:03	ܝ̄ܘ̄܂ ܠܦܐܪ̈ܐ ܗ݀ܢܘܢ ܕܡܬܩܪܒ݂ܝܢ ܠܐܦܝܣܩܘܦܐ܂ ܢܒܪܟ ܗܟܢܐ܀
138:04	ܐܠܗܐ ܡܘܕܝܢܢ ܠܟ ܒܟܠ ܙܒܢ ܘܐܦ ܒܗܢܐ ܝܘܡܐ ܕܡܩܪܒܝ݂ܢܢ ܠܟ
138:05	ܪ̈ܝܫܝܬܐ ܕܦܐܪ̈ܐ ܗܠܝܢ ܕܝܗ݂ܒܬ ܠܢ ܠܡܐܟܘ݂ܠܬܐ܂ ܟܕ ܫܡܠܝ݂ܬ ܐܢܘܢ
138:06	ܒܚܝܠܟ ܘܒܡܠܬܟ܂ ܟܕ ܦܩ݂ܕܬ ܡܢ ܫܘܪܝܐ ܕܥܒܝ݂ܕܘܬ ܥ̈ܠܡܐ ܕܬܦ݁ܩ
138:07	ܐܪܥܐ ܦܐܪ̈ܐ ܦܬܝ̈ܟܐ܂ ܠܚܕܘܬܐ ܘܠܒܘ݂ܣܡܐ ܠܒܢܝ̈ܢܫܐ ܘܠܟܠܗܝܢ ܚܝ̈ܘܬܐ܂
138:08	ܥܠ ܗܠܝܢ ܡܫܒܚܝ݂ܢܢ ܠܟ ܡܪܝܐ܂ ܥܠ ܟܠܗܝܢ ܗ݀ܠܝܢ ܕܒܗܝܢ ܣܥ݂ܪܬ ܠܢ
138:09	ܫܦܝ݂ܪ܂ ܟܕ ܨܒ݁ܬܬ ܠܢ ܠܟܠܗ݀ ܐܪܥܐ ܒܦܐܪ̈ܐ ܡܫܚ̈ܠܦܐ܂ ܒܪܟ ܕܝܢ ܐܦ
138:10	ܠܥܒܕܟ ܗܢܐ ܦܠܢ܂ ܘܩܒܠ ܚܦܝ݂ܛܘ݂ܬܗ ܘܚܘ݂ܒܗ܂ ܒܝܕ ܒܪܟ ܝܚܝܕܝܐ ܝܫܘ݁ܥ
138:11	ܡܫܝ݂ܚܐ ܕܒܐܝ݂ܕܘ̈ܗܝ ܠܟ ܬܫܒܘܚܬܐ ܘܐܝܩܪܐ ܘܐܘܚܕܢܐ ܥܡ ܪܘܚܐ
138:12	ܩܕܝ݂ܫܐ ܠܟܠܗܘ݁ܢ ܥܠܡܝ̈ ܥ̈ܠܡܐ ܐܡܝܢ܀ ܝܪ̈ܩܢܐ ܕܝܢ ܠܐ ܡ݂ܬܒܪܟܝ݂ܢ܂
138:13	ܐܠܐ ܦܐܪ̈ܐ ܕܐܝ݂̈ܠܢܐ܂ ܗܒܒ̈ܐ ܘܪܕܐ ܘܫܘܫܢܬܐ܀
138:14	ܝ̄ܙ̄܂ ܥܠ ܟܠܗܝܢ ܐܝܠܝܢ ܕܢ݁ܣܒܝ݂ܢ ܘܐܟܠܝ݂ܢ ܡܗܝ̈ܡܢܐ܂ ܢܘܕܘܢ ܘܢܩ݁ܒܠܘܢ
138:15	ܛܝܒܘܬܐ܂ ܘܠܐ ܥܡ ܬܘ݂ܩܠܬܐ ܘܟܫܠܐ ܢܐܟܠܘܢ܀ ܚܢܝ݂ܩܐ ܐܘ݁ ܕܕܒܝ݂ܚ
138:16	ܠܦܬܟܪ̈ܐ܂ ܠܐ ܐܢܫ ܢܛܥܡ܀
138:17	ܝ̄ܚ̄܂ ܒܝܘ̈ܡܬܐ ܕܦܣܟܐ ܝܬܝܪܐܝ݂ܬ ܒܝܘ̈ܡܬܐ ܗ݀ܢܘܢ ܐܚܪ̈ܝܐ܂
138:18	ܒܥܪܘܒܬܐ ܘܒܫܒܬܐ܂ ܒܠܠܝܐ ܘܒܐܝܡܡܐ܂ ܨ̈ܠܘܬܐ ܢܗ̈ܘܝܢ ܐܝܟ ܡܢܝܢܐ
138:19	ܕܬܫܒ̈ܚܬܐ܂ ܡܠܬܐ ܕܝܢ ܥܒܝܛܬܐ ܬܬܪܓܡ ܘܩܪ̈ܝܢܐ ܡܫܚ̈ܠܦܐ

138:20	ܘܣܒܝ̈ܣܐ܀ ܫܗܪ̈ܐ ܕܝܢ ܘܩܘ݂ܕ̈ܡܐ ܕܒ̈ܠܝܠܘܬܐ܂ ܒܫܦܝܪܘܬ ܩܘܡܐ

138:21	ܢܗܘܘܢ܀
138:22	ܝ̄ܛ̄܂ ܡܛܠ ܡܫܡ̈ܫܢܐ ܗ݀ܢܘܢ܂ ܕܐܙ݁ܠܝܢ ܘܥ݁ܒܪܝܢ ܒܝܢܬ ܢܫ̈ܐ܂ ܕܕܠܡܐ
138:23	ܐܝ݂ܬ ܫܒܪ̈ܐ ܠܐ ܡܛܟ̈ܣܐ܂ ܩܪ̈ܘܝܐ ܢܣܝܥܘܢ ܐܢܘ݁ܢ܂ ܒܗ݀ ܒܕܡܘܬܐ ܐܦ
138:24	ܗܘܦܘ̈ܕܝܩܢܘ܂ ܠܐ ܢܫܒܩܘܢ ܐܢܘ݁ܢ ܕܢܢܘ݂ܡܘܢ܂ ܨܠܡܐ ܓܝܪ ܐܝ݂ܬܘܗܝ
138:25	ܕܡܠܟܘܬܐ ܗܘ݂ ܠܠܝܐ ܗܘ݁܂ ܘܝܬܝܪܐܝ݂ܬ ܗܘ݁ ܕܫܒܬܐ܀