← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60404: PagPhil (Prophecies of Pagan Philosophers)

Click on a word for lexical analysis
Click on a red-colored coordinate for comments and/or translations of the line

223:01 ܩܕܝܫܐ܂ ܘܥܠ ܡܕܒܪܢܘܬܐ ܟܠܗ݀ ܕܡܫܝܚܐ ܐܠܗܐ܂ ܚܕ ܡܢܗ݀
223:02 ܕܬܠܝܬܝܘܬܐ ܩܕܝܫܬܐ܂ ܐܝܟܢܐ ܕܐܡܬܝ ܕܗܘ ܐܪܙܐ ܢܬܓܠܐ
223:03 ܗܘܐ ܒܙܒܢܗ܂ ܢܬܗܝܡܢ ܡܢ ܟܠܗܘܢ ܥܡ̈ܡܐ܂ ܒܝܕ ܕܫܠܡ̈ܢ
223:04 ܣܗ̈ܕܘܬܐ ܕܚܟܝ̈ܡܐ ܘܦܝ̈ܠܠܣܘܦܐ ܕܝܠܗܘܢ܂ ܠܕܢܒ̈ܝܐ
223:05 ܘܕܫܠܝ̈ܚܐ ܕܡܢ ܐܠܗܐ ܐܫܬܕܪܘ ܠܦܘܪܩܢܐ ܕܒܢܝ̈ܢܫܐ܂ ܗܝ
223:06 ܕܐܦ ܐܣܬܥܪܬ ܗܟܢܐ ܘܗܐ ܟܠܗܘܢ ܥܡ̈ܡܐ ܘܐܡ̈ܘܬܐ
223:07 ܘܠܫܢ̈ܐ ܩܒܠܘܗܝ ܠܐܘܢܓܠܝܘܢ ܘܗܝܡܢܘ ܒܡܫܝܚܐ
223:08 ܘܒܐܒܘܗܝ ܘܒܪܘܚܗ ܩܕܝܫܐ܂ ܣܛܪ ܡܢܟܘܢ ܕܝܠܟܘܢ
223:09 ܕܛܟܣܬܘܢ ܐܢܬܘܢ ܠܟܘܢ ܒܕܘܟܬ ܣܘܠܢ̈ܐ ܕܒܢܝ̈ܢܫܐ
223:10 ܒܨܒܝܢܟܘܢ ܘܒܚܐܪܘܬܟܘܢ܂ ܘܟܡܐ ܐܪܐ ܐܝܬܘܗܝ
223:11 ܚܘܒܟܘܢ ܠܘܬ ܐܠܗܐ܂ ܕܗܐ ܥܠܡܐ ܡܗܠܟ ܒܢܘܗܪܗ ܪܒܐ
223:12 ܕܐܘܢܓܠܝܘܢ ܕܡܫܝܚܐ ܐܝܟ ܕܒܐܝܡܡܐ܂ ܘܐܢܬܘܢ
223:13 ܒܠܚܘܕܝܟܘܢ ܡܢ ܦܘܠܛܝܐ ܕܟܪܣܛܝ̈ܢܐ܂ ܠܐ ܨܒܝܢ ܐܢܬܘܢ
223:14 ܠܡܦܩ ܡܢ ܚܫܘܟܘܬܗ ܕܠܠܝܐ ܣܢܝܐ ܕܕܚܠܬ ܦܬܟܪ̈ܐ܂ ܕܒܗ݀ ܡܢ
223:15 ܩܕܝܡ ܟܠܗ ܥܠܡܐ ܛܥ݁ܐ ܗܘܐ ܡܢ ܠܐ ܝܕܥ̈ܬܐ܂ ܗܐ ܓܝܪ
223:16 ܒܙܒܢܗ ܕܐܒܪܗܡ ܟܕ ܚܫܘܟܐ ܕܛܘܥܝܝ ܕܚܢܦܘܬܐ ܦܪܝܣ
223:17 ܗܘܐ܂ ܥܠ ܟܠܗ ܥܠܡܐ܂ ܘܗܘ ܒܠܚܘܕܘܗܝ ܐܒܪܗܡ ܝ݁ܕܥ ܗܘܐ
223:18 ܠܐܠܗܐ ܐܦ ܡܗܝܡܢ ܗܘܐ ܒܗ܂ ܠܐ ܣܟ ܐܬܬܦܝܣܘ ܬܘܒ
223:19 ܐܒܗ̈ܝܟܘܢ ܠܡܗܠܟܘ ܒܢܘܗܪܐ ܕܫܪܓܗ ܕܐܒܪܗܡ܂ ܐܝܟܢܐ
223:20 ܕܢܡܕܘܢ ܘܢܫܬܘܙܒܘܢ ܡܢ ܚܫܟܐ ܗܘ ܕܛܥܝܘܬܐ ܕܠܟܠܗܘܢ
223:21 ܥܡܡ̈ܐ ܐܚܝܕ ܗܘܐ܀ ܘܗܫܐ ܕܕܢܚ ܠܗ ܢܘܗܪܐ ܥܙܝܙܐ
223:22 ܕܫܡܫܐ ܕܙܕܝܩܘܬܐ ܕܐܘܢܓܠܝܘܢ ܕܡܫܝܚܐ ܐܠܗܐ܂ ܘܐܦ
223:23 ܐܬܩܦܠ ܘܐܬܛܠܩ ܠܗ ܟܠܗ ܥܡܛܢܐ ܕܚܢܦܘܬܐ ܡܢ ܟܠܗ݀
223:24 ܦܘܠܛܝܐ܂ ܘܗܐ ܩܝܡܝܢ ܒܠܐ ܡܬܬܦܝܣܢܘܬܐ ܟܕ ܠܐ ܨܒܝܢ
223:25 ܐܢܬܘܢ ܠܡܗܠܟܘ ܒܢܘܗܪܗ ܕܐܝܡܡܐ܂ ܐܠܐ ܛܥܝܢܝܢ
223:26 ܐܢܬܘܢ ܫܪܓܐ ܡܠܐ ܬܐܛܪܐ ܘܥܡܛܢܐ ܘܒܙܗܪܗ
223:27 ܡܗܠܟܝܢ ܐܢܬܘܢ ܒܡܨܥܬ ܛܗܪܐ܂ ܐܝܟܢܐ ܕܒܟܠܡܕܡ
223:28 ܬܬܚܘܘܢ ܐܢܬܘܢ ܐܦ ܐܒܗ̈ܝܟܘܢ ܕܠܘܩܒܠ ܐܠܗܐ ܩܝܡܝܢ
223:29 ܐܢܬܘܢ܂
223:30 ‍[‍26‍]‍ ܢܒܝܘܬܐ ܕܒܐܒܐ ܐܠܗܐ ܕܚܪܢ ܐܠܐ ܫܡܥܘ ܡܢܐ