The Comprehensive Aramaic Lexicon

38:01	ܘܐܬܚܙܝ ܠܗ ܒܚܙܘܐ ܕܠܠܝܐ ܕܥܠ ܕܐܬܪܥܝ ܪ̈ܥܝܢܝܢ ܒܝ̈ܫܝܢ ܕܢܐܙܠ
38:02	ܢܫܩܘܠ ܠܡܐ̈ܢܐ ܕܓܙܐ ܕܐܠܗܐ܂ ܘܐܬܚܙܝ ܠܗ ܒܚܙܘܐ ܕܢܐܙܠ
38:03	ܠܐܘܪܝܫܠܡ ܘܢܣ݂ܩ ܠܒܝܬܗ ܕܡܪܝܐ ܘܢܣܓܘܕ ܬܡܢ܂ ܘܬܡܢ ܡܬܝܗܒ ܠܗ
38:04	ܢܘܗܪܐ ܕܥܝ̈ܢܘܗܝ܂ ܘܫܕܪ ܕܪܝܘܫ ܡܲܠܟܐ ܪܒܗ ܘܩܪܢܝ ܕܐܙ݁ܠ ܥܡܗ
38:05	ܠܐܘܪܝܫܠܡ܂ ܗ݀ܝܕܝܢ ܣܠ݂ܩܢ ܠܐܘܪܝܫܠܡ ܒܚܲܝܠܐ ܬܩܝܦܐ ܘܒܡܪ̈ܟܒܬܐ
38:06	ܣܓܝ̈ܐܬܐ ܘܒܦܪ̈ܫܐ ܥܒ̈ܕܝ ܩܪܒܐ ܣܠ݂ܩܢܢ ܠܐܘܪܝܫܠܡ ܠܐܬܪܐ ܕܒܝܬ
38:07	ܐܒܗ̈ܬܝ܂ ܘܐܫܟܚܢܗ݀ ܕܝܢ ܠܐܘܪܝܫܠܡ ܕܚܪܝܒܐ ܘܨ݁ܕܝܐ ܡܢ ܥܡܘܪ̈ܝܗ݀܂

38:08	ܘܡܫܲܘܚܕܐ ܡܢ ܕܝܪ̈ܝܗ݀܂ ܘܐܫܟܚܢܢ ܬܡܢ ܐܢܫ̈ܝܢ ܡܢ ܒܢ̈ܝ ܛܘܗܡܝ܂ ܘܡܢ

38:09	ܒܢ̈ܝ ܫܢ̈ܝ ܕܐܝܬܝܗܘܢ ܗܘܘ ܒܫܢ̈ܝ ܒܝܘ̈ܡܬܐ ܗ݀ܢܘܢ܂ ܥܕ ܠܐ ܬܫܬܒܐ܂ ܠܐ
38:10	ܕܝܢ ܐܫ݁ܟܚܬ܂ ܘܥܠ ܕܪܝܘܫ ܡܲܠܟܐ ܘܗܠܟ ܒܝܬ ܡܲܩܕܫܐ܂ ܐܦ
38:11	ܐܣܚܝܬܗ ܒܫܝܠܘܚܐ ܘܗܝܡܢ ܒܐܠܗܐ ܕܐܒܗ̈ܝ܂ ܘܣܓܕ ܒܝܬ ܡܩܕܫܐ܂
38:12	ܘܐܬܦ̈ܬܚܝ ܥܝ̈ܢܘܗܝ ܘܚܙܐ ܢܘܗܪܐ܂ ܘܫܲܒܚ ܠܐܠܗܐ ܚܲܝܐ܂ ܘܗܠܟ
38:13	ܒܟܠܗܘܢ ܫܘܩ̈ܝܗ݀ ܕܐܘܪܝܫܠܡ܀
38:14	ܘܩܪܐ ܕܪܝܘܫ ܡܲܠܟܐ ܠܟܠܗܘܢ ܣ̈ܒܐ ܕܥܬܝܩܝܢ
38:15	ܗܘܘ ܕܐܫܬܟܚܘ܂ ܘܠܟܗ̈ܢܐ ܕܝܬܪܘ ܡܢ ܚܪܒܐ ܕܡܲܠܟܐ ܢܒܘܟܕܢܨܪ܂
38:16	ܘܠܐܢ̈ܫܐ ܣܒ̈ܐ ܕܥܬܝܩܝܢ ܗܘܘ ܒܫ̈ܢܝܗܘܢ܂ ܘܫܐ݁ܠ ܐܢܘܢ ܘܐܫܬܥܝܘ ܠܗ
38:17	ܥܠ ܓܙܐ ܕܫܩܠ ܗܘܐ ܡܢ ܬܡܢ ܢܒܘܟܕܢܨܪ ܡܲܠܟܐ ܥܠ ܫܘܦܪܗ ܘܥܠ
38:18	ܡܐ̈ܢܐ ܕܒܝܬ ܡܲܩܕܫܐ܂ ܘܟܠܡܐ ܕܫܲܐܠ ܐܢܘܢ ܕܘܪܝܘܫ ܡܲܠܟܐ ܠܣ̈ܒܐ
38:19	ܗ݀ܢܘܢ ܐܫܬܥܝܘ ܠܗ ܒܫܪܪܐ܂ ܘܐܦܝܣܘܗܝ ܥܠ ܨܒ̈ܘܢ ܨܒ̈ܘܢ ܒܕܘܟ̈ܝܬܗܘܢ܂
38:20	ܘܝܗܒ ܠܗܘܢ ܡܘܗ̈ܒܬܐ ܪܘܪ̈ܒܬܐ܂ ܘܟܠ ܡܕܡ ܕܗ݀ܘ ܕܐܫܬܥܝܬ ܗܘܝܬ
38:21	ܠܗܘܢ ܒܦܪܣ ܘܒܥܝܠܡ܂ ܥܠ ܐܘܪܝܫܠܡ ܐܫܟܚ ܐܢܘܢ ܒܫܪܪܐ܂ ܘܕܒܪ
38:22	ܗܘܐ ܥܡܗ ܕܪܝܘܫ ܡܢ ܟܗ̈ܢܐ ܘܡܢ ܣܦܪ̈ܐ ܘܐܙܠܘ ܠܦܪܣ ܘܠܥܝܠܡ܂
38:23	ܘܟܕ ܐܙ݁ܠܝܢ ܐܚܕ ܕܪܝܘܫ ܡܲܠܟܐ ܟܪ̈ܟܐ ܣܓܝ̈ܐܐ ܘܟܒܫ ܐܢܘܢ܂
38:24	ܘܡܕܝ̈ܢܬܐ ܪܘܪ̈ܒܬܐ܂ ܘܒܐܬܪ̈ܘܬܐ ܣܓܝ̈ܐܐ ܗܘܐ ܫܘܠܛܢܗ܂ ܘܩܢܐ
38:25	ܐܪܥܐ ܕܡ‍<‍ܕ‍>‍ܝ̈ܐ܀
38:26	ܘܐܙ݁ܠܬ ܥܡܗ ܠܦܪܣ ܘܠܥܝܠܡ܂ ܘܬܡܢ ܐܬܓܠܝܘ ܥܠܝ ܢܒܝܘ̈ܢ
38:27	ܪܘܪ̈ܒܢ܂ ܘܓܠܝܬ ܚܙܘ̈ܢܝܢ ܦܪܝܫܝܢ ܕܠܐ ܣܘܦ ܘܕܠܐ ܡܢܝܢ܂ ܐܪ̈ܙܐ
38:28	ܘܥ̈ܕܢܐ ܘܐܬܘ̈ܬܐ ܘܚܙܘ̈ܢܐ ܬܡܝ̈ܗܐ܂ ܘܚ݁ܘܝܬ ܥܠ ܙܒ̈ܢܐ ܕܣܘ̈ܦܝܢ
38:29	ܝܘ̈ܡܘܗܝ ܕܥܠܡܐ܂ ܘܥܠ ܩܨܐ ܕܫܘܠܡܐ܂ ܡܕܡ ܕܚܘܝܬ ܪܘܚܐ ܕܩܘܕܫܐ