The Comprehensive Aramaic Lexicon

42:01	ܘܡܛܪܐ ܡܢ ܫܡܝܐ ܠܐ ܢܚܘܬ܂
42:02	ܘܢܦܟܗ ܢܘܗܪܗ ܕܫܡܝܐ܂
42:03	ܘܢܗܘܐ ܐܝܟ ܢܘܗܪܗ ܕܣܝܢܐ ܗܢܘ ܣܗܪܐ܂
42:04	ܘܢܘܗܪܗ ܕܣܗܪܐ ܠܐ ܢܬܚܙܐ܂
42:05	ܘܟܘ̈ܟܒܐ ܠܐ ܢܢܗܪܘܢ܂
42:06	ܘܚܫܘܟܐ ܘܥܡܛܢܐ ܢܗܘܐ ܐܚܝܕ ܥܠ ܐܦ̈ܝ ܐܪܥܐ܂
42:07	ܘܬܣܓܐ ܒܝܫܬܐ ܥܠ ܐܪܥܐ ܒܕܝܪ̈ܝ ܥܠܡܐ܂
42:08	ܘܬܓܠܘܙܝ ܐܪܥܐ ܦܐܪ̈ܝܗ݀܂ ܘܛܘܪ̈ܐ ܡܲܘܥܝܬܗܘܢ܀
42:09	ܘܩܠܐ ܡܢ ܫܡܝܐ ܢܫܬܡܥ܂
42:10	ܘܢܗܘܘܢ ܓܘܢ̈ܚܐ ܘܦܚ̈ܬܐ ܒܛܘܪ̈ܐ܂
42:11	ܘܢܗܘ̈ܝܢ ܕܚ̈ܠܬܐ ܘܙܘ̈ܥܬܐ ܒܕܘܟܐ ܕܘܟܐ܂
42:12	ܒܢܘܗܪܐ ܕܒܪ̈ܩܐ ܘܒܩܠܐ ܕܪ̈ܥܡܐ܂
42:13	ܘܥܢ̈ܢܝ ܫܡܝܐ ܢܬܟܪ̈ܟܢ܂
42:14	ܘܡ̈ܠܐܟܝ ܫܡܝܐ ܥܠ ܐܪܥܐ ܐܝܟ ܒܢ̈ܝܢܫܐ ܢܬܚܙܘܢ܂
42:15	ܒܙܒܢܐ ܗ݀ܘ ܥܲܡܘ‍{‍ܪ‍}‍‍<‍ܕ‍>‍ܐ ܕܢܘܪܐ ܡܢ ܫܡܝܐ ܢܬܚܙܐ܂
42:16	ܘܢܬܡܬܚ ܥܕܡܐ ܠܐܪܥܐ܂
42:17	ܘܚܫܘܟܐ ܥܠ ܐܪܥܐ ܢܗܘܐ ܝܘ̈ܡܬܐ ܣܓܝ̈ܐܐ܂
42:18	ܫܡܫܐ ܠܐ ܢܕܢܚ ܘܣܗܪܐ ܠܐ ܢܗܠܟ܂
42:19	ܘܟܘ̈ܟܒܐ ܠܐ ܢܬܚܙܘܢ܂
42:20	ܒܙܒ̈ܢܐ ܗܠܝܢ ܟܪ̈ܟܝ ܝܡܐ ܢܬܟܣܘܢ܂
42:21	ܐܦ ܡܕܝܢ̈ܬܐ ܒܝ̈ܡܡܐ ܢܬܓܪ̈ܦܢ܂
42:22	ܘܐܬܪ̈ܘܬܐ ܣܓܝ̈ܐܐ ܡܢ ܚܘܘ̈ܬܐ ܢܬܒܲܠܥܘܢ܂
42:23	ܐܦ ܥܡ̈ܡܐ ܣܓܝ̈ܐܐ ܒܚܪܒܐ ܢܐܙܠܘܢ܂
42:24	ܘܡܕܝܢ̈ܬܐ ܣܓܝ̈ܐܬܐ ܒܡܲܐܕܬܐ ܢܬܟܒ̈ܫܢ܂
42:25	ܘܩܘܪ̈ܝܐ ܘܟܦܪ̈ܘܬܐ ܒܢܘܪܐ ܢܐܩܕܘܢ܂
42:26	ܒܙܒ̈ܢܐ ܗܠܝܢ ܚܡܬܐ ܬܣܓܐ ܥܠ ܐܪܥܐ܂
42:27	ܘܛܥܝܘܬܐ ܒܥܠܡܐ ܬܬܝܲܬܪܝ܂
42:28	ܘܬܣܓܐ ܚܛܝܬܐ ܒܐܪܥܐ܂
42:29	ܘܒܝܫܬܐ ܪܝܫܗ݀ ܬܦܩܝ܂

42:30	ܘܚܕ ܚܕܢ̈ܝܢ ܘܕܠܝܠܝܢ ܢܫܬܚܪܘܢ ܒܓܘܗ݀ ܕܐܪܥܐ܂