The Comprehensive Aramaic Lexicon

43:01	ܘܢܣܓ̈ܝܢ ܪ̈ܘܚܐ ܘܦܓ̈ܥܐ܂
43:02	ܘܢܦܩܘܢ ܠܡܕܘܕܘ ܒܐܪܥܐ ܘܠܡܚܒܠܘ ܒܓܘܗ݀܂
43:03	ܒܙܒ̈ܢܐ ܗ݀ܢܘܢ ܚܟܡܬܐ ܥܠ ܐܪܥܐ ܬܣܓܐ܂
43:04	ܢܒ̈ܝܐ ܕܫܘܩܪܐ ܘܡ̈ܠܦܢܐ ܕܕܓܠܘܬܐ܂
43:05	ܘܢܲܠܦܘܢ ܝܘ̈ܠܦܢܐ ܕܙܢ̈ܝܢ ܙܢ̈ܝܢ܂
43:06	ܘܡܢܘ ܕܢܗܘܐ ܒܝܘ̈ܡܬܐ ܗ݀ܢܘܢ ܡܢ ܚܟܝ̈ܡܐ ܘܡܢ ܣܦܪ̈ܐ
43:07	ܗ݀ܢܘܢ ܕܠܥܠ ܢܕܡܘܢܗ݀ ܠܡܲܠܟܘܬܐ ܗ݀ܝ ܕܫܡܝܐ܂ ܘܗܕܐ ܡܲܠܟܘܬܐ ܠܐ
43:08	ܬܬܚܙܐ ܠܗܘܢ ܐܠܐ ܬܬܓܠܙܝ ܠܗ݀ ܡܢܗܘܢ܂ ܘܩܘܫܬܐ ܠܒܥ̈ܝܘܗܝ
43:09	ܢܬܚܙܐ܀
43:10	ܒܝܘ̈ܡܬܐ ܗ݀ܢܘܢ ܢܗܘܐ ܫܓܘܫܝܐ ܐܝܡܡܐ ܘܠܠܝܐ܂
43:11	ܘܗܝܟ̈ܠܐ ܪ̈ܡܐ ܢܦܠܘܢ܂
43:12	ܘܒܢ̈ܝܢܫܐ ܣܓܝ̈ܐܐ ܢܐܒܕܘܢ܂
43:13	ܘܒܢܝ̈ܢܐ ܪ̈ܡܐ ܢܣܬܚܦܘܢ܂
43:14	ܘܩܒܪ̈ܐ ܠܥܡܘܪ̈ܝܗܘܢ ܢܗܘܘܢ܂
43:15	ܘܩܘܪ̈ܝܐ ܣܓܝ̈ܐܬܐ ܒܝܡܐ ܢܫܬܩ̈ܠܢ܂
43:16	ܘܥܡܘܪ̈ܝܗܝܢ ܒܓܪܘܦܝܐ ܢܐܙܠܘܢ܂
43:17	ܒܙܒ̈ܢܐ ܗ݀ܢܘܢ ܢܗܘܐ ܓܠܘܙܝܐ ܒܐܪܥܐ܂
43:18	ܘܛܠܘܡܝܐ ܣܓܝܐܐ܂
43:19	ܘܒܢ̈ܝܢܫܐ ܕܠܐ ܕܝܠܗܘܢ ܢܗܘܘܢ ܚ݁ܛܦܝܢ ܘܒ݁ܝܙܝܢ܂
43:20	ܘܬܣܓܐ ܛܥܝܘܬܐ ܒܓܘܗ݀ ܕܐܪܥܐ܂
43:21	ܘܫܪܝܪ̈ܬܐ ܢܬܕ̈ܓܠܢ܂
43:22	ܘܕ̈ܓܠܬܐ ܢܬܗܝ̈ܡܢܢ܂
43:23	ܘܫܪܪܐ ܡܢ ܐܪܥܐ ܢܥܒܪ܂
43:24	ܘܡܠܟ̈ܝܗ݀ ܕܐܪܥܐ ܢܕܓܠܘܢ ܘܕ݁ܝ̈ܢܝܗ݀ ܢܫܬܚܠܦܘܢ܂
43:25	ܠܡܫܲ‍{‍ܝܢ‍}‍‍<‍ܢܝ‍>‍ܘ ܕܝܢܐ ܙܲܟܝܐ ܒܡܡܘܢܐ ܕܥܲܘܠܐ܂

43:26	ܘܢܬܚܲܒܨ ܥܠܡܐ ܒܚܲܘܒ̈ܘܗܝ܂

43:27	ܘܢܫܬܓܫܘܢ ܟܠܗܘܢ ܕܝܪ̈ܘܗܝ ܘܟܪ̈ܟܘܗܝ܂
43:28	ܘܥܬܐ ܥܠ ܫܘܪ̈ܐ ܕܡܓܕܠܝ̈ܗܘܢ ܢܬܚܙܐ܂
43:29	ܘܢܗܘܘܢ ܡܠܸܝܢ ܕܓܠܘܬܐ