The Comprehensive Aramaic Lexicon

54:01	ܘܢ݁ܬܪܝܢ ܐܝܟ ܛܪ̈ܦܐ ܡܢ ܐܝ̈ܠܢܐ܂
54:02	ܘܫܡܫܐ ܘܣܲܗܪܐ ܠܐ ܢܲܢܗܪܘܢ܂
54:03	ܘܪܩܝܥܐ ܕܐܚܝܕ ܡܛܪܐ ܘܛ݁ܐܠܐ܂
54:04	ܒܗ ܒܝܘܡܐ ܗ݀ܘ ܡܫܬܪܐ ܘܥܒ݁ܪ܂
54:05	ܘܡ̈ܠܐܟܐ ܕܬܗܘ̈ܡܐ ܬܚ̈ܬܝܐ ܢܥܪܘܢ ܐܝܕ̈ܝܗܘܢ܂
54:06	ܘܥܡ̈ܘܪܐ ܕܫܡܝܐ ܢܬܪܦܘܢ܀
54:07	ܘܗ݀ܝܕܝܢ ܐܠܗ ܐܠܗ̈ܝܢ ܘܡܪܐ ܡܪ̈ܘܢ ܘܡܠܟ ܡ̈ܠܟܝܢ
54:08	ܐܕܘܢܝ ܨܒܐܘܘܬ ܡܪܝܐ ܚܲܝܠܬܢܐ܂
54:09	ܥܠ ܨܗܝܘܢ ܓܡܝܪܐܝܬ ܢܬܚܙܐ܂
54:10	ܘܟܪܘܒܐ ܕܩܘܕܫܐ ܥܠ ܨܗܝܘܢ ܢ݁ܬܩܢ܂
54:11	ܘܟܘܪܣܝܐ ܕܙܕܝܩܘܬܐ ܥܠ ܛܘܪ̈ܐ ܕܐܘܪܝܫܠܡ܂
54:12	ܐܦ ܕܡܲܠܟܐ ܡܫܝܚܐ ܡܢ ܫܡܝܐ ܥܠ ܐܪܥܐ ܬܬܚܙܐ܂
54:13	ܘܣܪ̈ܦܝ ܙܝܘܐ ܢܗܘܘܢ ܩ݁ܝܡܝܢ ܩܕܡܘܗܝ܂
54:14	ܘܡ̈ܠܐܟܝ ܐܝܩܪܐ ܢܗܘܘܢ ܡܫܡܫܝܢ ܩܕܡܘܗܝ܂
54:15	ܘܢܫܪܐ ܫܟܝܢܬܗ ܥܠ ܛܘܪ̈ܐ ܕܐܘܪܝܫܠܡ܂
54:16	ܘܢܐܓܢ ܥܠܝܗ݀ ܘܢܩܕܫܝܗ݀܂
54:17	ܘܒܛܠܠܐ ܕܟܢ̈ܦܘܗܝ ܢܣܬܪܝܗ݀܂
54:18	ܘܢܲܨܡܚ ܥܠܝܗ݀ ܙܝܘܐ ܕܦܲܪܨܘܦܗ܂
54:19	ܘܝܡܝܢܐ ܕܝܠܗ ܗ݀ܝ ܓܢܒܪܬ ܚܲܝܠܐ܂ ܗ݂ܝ ܬܛܠܝ ܥܠܝܗ݀܀
54:20	ܗ݀ܝܕܝܢ ܬܗܘܐ ܡܐܬܝܬܗ ܕܡܲܠܟܐ ܡܫܝܚܐ ܒܫܘܒܚܐ ܪܒܐ܂
54:21	ܕܡܢ ܩܕܡ ܫܡܫܐ ܐܝܬܘܗܝ ܫܡܗ܂
54:22	ܘܡܢ ܩܕܡ ܣܗܪܐ ܐܝܬܘܗܝ ܫܘܠܛܢܗ ܘܡܲܠܟܘܬܗ܂
54:23	ܥܡܗ ܢܐܬܘܢ ܟܐܢ̈ܐ ܘܙܕܝ̈ܩܐ܂
54:24	ܘܢܬܚܙܘܢ ܒܥܢ̈ܢܐ ܩܕܝ̈ܫܬܐ ܒܪܝܫ ܓܠܝܢܐ ܕܡܐܬܝܬܗ܂
54:25	ܐܝܟ ܓܢܒܪܐ ܘܐܝܟ ܩܪܒܬܢܐ ܘܚܣܝܢܐ ܒܓܘ ܩܪܒܐ܂

54:26	ܢܘܪܐ ܬܟܘܠܝ ܩܕܡܘܗܝ ܘܫܠܗܒܝܬܐ ܚܕܪܘܗܝ ܬܬܓܘܙܠܝ܂

54:27	ܘܩܕܡܘܗܝ ܬܗܘܐ ܪܗܛܐ ܘܡܲܘܩܕܐ ܠܒܥܠܕܒ̈ܒܘܗܝ܂
54:28	ܘܬܗܘܐ ܐܟܠܐ ܒܐܪܥܐ ܟܐ̈ܦܐ ܘܐܝ̈ܠܢܐ܂
54:29	ܘܡܲܘܩܕܐ ܡܝ̈ܐ ܘܦܪܙܠܐ ܘܢܚܫܐ܂
54:30	ܘܬܫܬܠܛܝ ܒܛܘܪ̈ܐ ܘܒܡܒܘ̈ܥܐ ܕܢܗܪ̈ܘܬܐ܂
54:31	ܘܠܝܬ ܡ݁ܢ ܕܢܫܬܚܪ܂