The Comprehensive Aramaic Lexicon

56:01	ܗ݀ܝܕܝܢ ܢܫܩܠܘܢ ܛܘܪ̈ܐ ܫܠܡܐ܂
56:02	ܘܪ̈ܡܬܐ ܙܕܝܩܘܬܐ ܢܬܥ̈ܛܦܢ܂
56:03	ܗ݀ܝܕܝܢ ܢܪ‍<‍ܘ‍>‍ܙܘܢ ܕܝܪ̈ܐ ܕܡܕܒܪܐ܂
56:04	ܘܢܚܕܘܢ ܦܩ̈ܥܬܐ ܘܟܠ ܕܐܝܬ ܒܗܝܢ
56:05	ܩܕܡܘܗܝ ܕܡܫܝܚܐ ܝܫܘܥ ܡܪܢ܂
56:06	ܘܢܫܘܚ ܫܠܡܐ ܒܥܠܡܐ܂
56:07	ܘܬܫܬܪܬܚܝ ܙܕܝܩܘܬܐ ܒܐܪܥܐ܂
56:08	ܢܗܘܘܢ ܛܘܪ̈ܐ ܡܲܪܕܝܢ ܚܲܠܒܐ
56:09	ܘܪ̈ܡܬܐ ܢܒ̈ܥܢ ܕܒܫܐ܂
56:10	ܢܗܘܘܢ ܡܒܘ̈ܥܐ ܕܚܲܠܒܐ ܪܕܝܢ ܡܢ ܪ̈ܝܫܝ ܛܘܪ̈ܐ܂

56:11	ܘܥܝ̈ܢܬܐ ܕܡܫܚܐ ܢܒ̈ܥܢ ܡܢ ܫܦܘ̈ܠܝܗܘܢ܂

56:12	ܗ݀ܝܕܝܢ ܢܪܕܘܢ ܬܦ̈ܐ ܕܡܝ̈ܐ ܒܡܕܒܪܐ܂
56:13	ܘܢܗܪ̈ܘܬܐ ܫܒܝ̈ܚܐ ܒܝܬ ܨܗܘ̈ܢܐ܂
56:14	ܢܒ̈ܥܢ ܥܝ̈ܢܬܐ ܕܡܝ̈ܐ ܢܗܝܪ̈ܐ ܒܐܪܥܐ ܚܲܪܝܒܬܐ ܘܨܕܝܬܐ܂
56:15	ܢܫܘܚ ܐܪܙܐ ܘܙܝܬܐ ܒܛܘܪܐ ܕܨܗܝܘܢ܂
56:16	ܘܒܚܕܪ̈ܝܗ݀ ܕܐܘܪܝܫܠܡ ܐܣ݂ܐ ܘܫܪܘܝܢܐ
56:17	ܘܐܝܠܢܐ ܕܥܘܦܝܐ ܕܪܝܚܐ ܒܲܣܝܡܐ܂
56:18	ܘܢܗܘܘܢ ܪܗܛܝܢ ܥܠ ܪ̈ܝܫܝ ܛܘܪ̈ܐ ܕܨܗܝܘܢ ܬܦ̈ܐ ܕܡܝ̈ܐ ܢܗܪ̈ܘܬܐ܀
56:19	ܗ݀ܝܕܝܢ ܐܘܪܝܫܠܡ ܚܕܬܐ ܬܬܒܢܐ܂
56:20	ܘܨܗܝܘܢ ܓܡܝܪܐܝܬ ܬܬܥܡܪܝ܂
56:21	ܘܡܪܝܐ ܚܲܝܠܬܢܐ ܢܒܢܝܗ݀ ܠܨܗܝܘܢ܂
56:22	ܘܡܫܝܚܐ ܕܩܘܕܫܗ ܢ݂ܢܗܪ ܒܐܘܪܝܫܠܡ܂
56:23	ܓܢܒܪ̈ܝ ܚܲܝܠܐ ܢܒܢܘܢ ܫܘܪ̈ܝܗ݀܂
56:24	ܘܡ̈ܠܐܟܝ ܩܘܕܫܐ ܢܫܲܟܠܠܘܢ ܡܓܕ̈ܠܝܗ݀܂
56:25	ܒܟ̈ܐܦܐ ܕܟܐܢܘܬܐ ܬܬܒܢܝ܂
56:26	ܘܒܚܘܡܪ̈ܐ ܕܙܕܝܩܘܬܐ ܬܫܬܟܠܠܝ܂
56:27	ܘܐܪܕܝܟܠܐ ܢܗܘܐ ܡܫܝܚܐ܂
56:28	ܘܒܲܢܝܗ݀ ܡܠܐܟܐ ܕܫܠܡܐ
56:29	ܘܒܢܝܢܐ ܕܠܥܠܡ ܬܬܒܢܐ܂