← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60424: EphSerm

Click on a word for lexical analysis
Click on a red-colored coordinate for comments and/or translations of the line

1.009:01 ܡܠ‍<‍ܬ‍>‍ܐ ܙܥܘܪܬܐ ܕܬܣܝܒܪ ܡܢ ܕܠܩܐ ܙܥܘܪܐ ܪܬܚ
1.009:02 ܘܐܫ݁ܕ ܚܡܬܗ ܪܥܝܢܢ ܣܡܢ ܥܠܝܢ ܫܡܐ ܬܩܢܐ
1.009:03 ܘܗܦܟܝܝܢ ܐܢܚܢܢ ܒܥܒܕܐ ܗ݀ܘ ܕܪܘܩܗ ܦܬܚ ܣܡܝܐ
1.009:04 ܥܘܝܪ̈ܐ ܒܐ̈ܦܘܗܝ ܪܩܘ ܗܘܘ ܠܗ ܗ݀ܘ ܕܢܦܚ ܪܘܚܐ ܕܩܘܕܫܐ
1.009:05 ܪܘܩܐ ܛܡܐܐ ܩܒ݁ܠ ܗܘܐ ܐܨܛܥܪ ܗ݀ܘ ܦܪܨܘܦܐ
1.009:06 ܕܡܪܗܒ ܙܝܘܗ ܠܣܪ̈ܦܐ ܚܢܢ ܩܨܝܨܐ ܦܐܬܐ ܕܒ̈ܢܝܢ
1.009:07 ܣܩܝܠܢ ܐ̈ܦܐ ܕܒ̈ܢܬܢ ܠܐ ܝܕܥܢܢ ܠܐܝܟܐ ܐܬܝܢܢ
1.009:08 ܠܐ ܝܕܥܢܢ ܠܐܝܟܐ ܩܪܐܘܢ ܐܝܟ ܕܠܒܝܬ ܚܠܘܠܐ ܐܬܝܢܢ
1.009:09 ܠܨܒܬܐ ܫܢܝܐ ܘܒܣܡ݁ܐ ܐܝܢܐ ܕܦ݁ܓܥ ܒܩܛܝܠܐ
1.009:10 ܓܘܢܗ ܡܢ ܫܠܝ ܡܬܚܒܠ ܒܢܒ̈ܝܐ ܩܛܝ̈ܠܐ ܗܓܝܬ
1.009:11 ܒܫ̈ܠܝܚܐ ܪ̈ܓܝܡܐ ܩܪܝܬ ܟܕ ܓܚܟܝܢ ܚܢܢ ܩ݁ܪܝܢ ܚܢܢ
1.009:12 ܒܢܒ̈ܝܐ̈ ܐܦ ܒܫ̈ܠܝܚܐ ܐܠܗܐ ܬܠܐ ܥܠ ܩܝܣܐ
1.009:13 ܘܩܛܝܪ ܐܒܠܐ ܠܒܪ̈ܝܬܐ ܘܠܢ ܫܬܝܐ ܠܢ ܡܐܪܝܬܐ
1.009:14 ܘܪܟܝܒܐ ܠܢ ܪܡܘܬܐ ܢܫ̈ܝ ܓܒܪ̈ܐ ܐܣܬܡܥܠ
1.009:15 ܘܗܐ ܡܣܬܩܠܢ ܢܟ̈ܦܬܢ ܣܩܝܠ ܦܪܨܘܦܐ ܒܪܝܐ
1.009:16 ܡܟܬܡ ܡܢ ܓܘ ܪܥܝܢܐ ܐܦ ܐܠܘ ܠܝܬ ܩܪܒܐ
1.009:17 ܩܪ̈ܒܐ ܡܥܝܪܝܢ ܨܒ̈ܬܝܗܝܢ ܗܫܐ ܕܫܒܝܐ ܥܠ ܬܪܥܐ
1.009:18 ܡ݁ܢܘ ܟܝ ܕܡܛܝܒ ܠܢ ܒ̈ܢܬ ܥܠܡܐ ܠܥܘܡܪܐ ܫܛܝܗܝ
1.009:19 ܘܗܐ ܚܢܝܩܢ ܒܗ ܣ̈ܟܠܬܐ ܟܠ ܡܐ ܕܫܠܚܘ ܒܪ̈ܝܐ
1.009:20 ܗܐ ܠܒܝܫܝܢ ܠܗ ܓܘ̈ܝܐ ܒ̈ܢܝ ܐܪܥܐ ܫܒܩܘܗ݀ ܠܐܪܥܐ
1.009:21 ܘܗܐ ܬܥܫܝܢ ܒܗ݀ ܩܕܝ̈ܫܐ ܫܛܘ ܥܢܐ ܡܪ̈ܝ ܥܢܐ
1.009:22 ܘܩܢܐܘܗ݀ ܪ̈ܥܘܬܢ ܒܓܙܪ̈ܐ ܕܠܓܘ ܒ݁ܣܝܢ
1.009:23 ܘܒܗ݀ܢܘܢ ܕܠܒܪ ܠܐ݁ܝܢ ܚܠܦ ܥܢܐ ܥܢܐ ܩ݁ܢܝܢ
1.009:24 ܚܝܘ̈ܬܐ ܚܠܦ ܢܦܫ̈ܬܐ ܚܠܦ ܥܪ̈ܒܐ ܥܪ̈ܒܐ ܪܥ݁ܝܢ
1.009:25 ܥܒܘܪ̈ܐ ܚܠܦ ܫܪܝܪ̈ܐ ܟܘܠ ܥܠ ܐܝ̈ܕܝ ܡܢܝܐ
1.009:26 ܥܒܪܐ ܥܢܐ ܘܡܬܚܫܒܐ ܘܬܚܝܬ ܐܝܕܐ ܕܥ̈ܠܢܐ
1.009:27 ܡܬܦܩܕܐ ܐܦ ܡܣܬܥܪܐ ܥܢܐ ܕܢܟ̈ܦܐ ܘܢܟ̈ܦܬܐ
1.009:28 ܡ݂ܢܘ ܦܩ݁ܕ ܡܢܝܢܗ ܗܢܘܢ ܠܗܘܢ ܪܥ݁ܝܢ ܥܪ̈ܒܐ
1.009:29 ܒܟܠ ܐܝܟܐ ܕܨܒܘ ܦܗܝܢ ܗ݂ܝ ܠܗ݀ ܢܛܪܐ ܡܪܥܝܬܐ