The Comprehensive Aramaic Lexicon

]03[048:03	ܢܡܘܣܐ݁ ܘܨ݂ܒܐ ܕܢܚܛܘܦ ܝܪܬܘܬܗ ܕܢܒܘܬ݂܂ ܠܡܢܐ ܕܝܢ
]03[048:04	ܐܝܙܒܠ܂ ܠܐ ܐܩܝܡܬܝ ܡܕܡ ܕܟܬܝܒ ܒܪܝܫ ܦܘܩ̈ܕܢܘܗܝ
]03[048:05	ܕܢܡܘܣܐ܃ ܕܟܬܝܒ ܕܠܐ ܬܣܓܘܕ ܠܐܠܗ ܐܚܪܝܢ܃ ܘܐܝܙܒܠ
]03[048:06	ܦܠܚܬ ܠܒܥܠܐ܂ ܬܘܒ ܟܬܝܒ܃ ܕܠܐ ܬܐܫܘܕ
]03[048:07	ܕܡܐ ܙܟܝܐ܃ ܒܐܪܥܐ ܕܝܗܒ ܠܟ ܡܪܝܐ ܐܠܗܟ܂ ܘ݁ܠܐ ܗܘ݂ܐ
]03[048:08	ܠܟܝ ܕܝܢ ܐܘܢ ܐܝܙܒܠ݂ ܕܬܬܕܟܪܝܢ ܕܟܬܝܒ܂ ܕܐܪܥܐ ܕܕܡܐ
]03[048:09	ܐܫܝܕ ܒܗ݂݀ ܠܐ ܢܬܚܣܐ ܥܠܝܗ݀܃ ܐܠܐ ܐܢ ܐܬܐܫܕ ܒܗ݀ ܕܡܐ
]03[048:10	ܕܡܢ ܕܐܫܕܗ܂ ܕܚܠܬܝ ܕܝܢ ܡܢ ܗܕܐ ܐܘܢ ܐܝܙܒܠ܃ ܘܗܝܕܝܢ
]03[048:11	ܛܢ݂ܬܝ ܛܢ݂ܢܐ ܕܥܘ݂ܠܐ܃ ܕܨܚܝ ܢܒܘܬ ܠܐܠܗܐ ܟܕ ܠܐ ܨܚܝ܂
]03[048:12	ܬܘܒ ܟܬܝܒ܃ ܕܡ݁ܢ ܕܐܫܕ ܕܡܐ ܕܐܢܫܐ݂ ܕܡܗ ܡܬܐܫܕ܂
]03[048:13	ܘܐܝܙܒܠ ܡܪܓܙܢܝܬܐ݂ ܐܫܕܬ ܕܡܐ ܙܟܝܐ ܕܢܒܘܬ܂ ܡܛܠ܆ܗܢܐ݁
]03[048:14	ܒܗ݀ܝ ܕܘܟܬܐ ܕܐܬܐܫܕ ܒܗ݀ ܕܡܐ ܙܟܝܐ ܒܨܘܡܐ ܕܥܘ݂ܠܐ
]03[048:15	ܕܐܬܓܙܪ܃ ܐܬܐܫܕ ܕܡܗ݀ ܕܐܝܙܒܠ ܘܐܟܠܘܗ݀ ܟ̈ܠܒܐ܂ ܘܐܚܒ
]03[048:16	ܕܐܫܬܡܥ ܠܡܘܠܟܢܗ݀܃ ܠܥ݂ܘ ܟ̈ܠܒܐ ܬܡܢ ܕܡܗ܂܂܂܂܂܂
]03[048:17	ܘܐܢ ܐܝܙܒܠ ܓܒܬ ܘܫܩܠܬ ܡܢ ܢܡܘܣܐ ܡܕܡ ܕܡܥܕܪ ܗܘܐ
]03[048:18	ܠܗ݀ ܠܣܘܓܦܢܗ݀܃ ܟܕ ܠܐ ܗܘܐ ܢܛܪ݂ܬ ܢܡܘܣܐ ܗܘܬ܃ ܐܢܬܘܢ
]03[048:19	ܓܒܪ̈ܐ ܪ̈ܫܝܥܐ ܒ̈ܢܝ ܐܝܙܪܥܝܠ܃ ܐܝܟܢܐ ܩܒܠܬܘܢ ܐܓܪܬܐ
]03[048:20	ܕܟܬܝܒ ܒܗ݀ ܨܘܡܐ ܕܥܘ݂ܠܐ܃ ܘܟܬܝܒܐ ܒܗ݀ ܣܗܕܘܬܐ
]03[049:01	ܕܫܘܩܪܐ ܘܕܐܫܕ ܕܡܐ܂ ܒܐܝܠܝܢ ܕܪ̈ܐ ܫܡܥܬܘܢ݂݁ ܕܨܡܘ
]03[049:02	ܨܘܡܐ ܘܐܫܕܘ ܕܡܐ ܙܟܝܐ܂ ܠܡܢܐ ܕܝܢ ܠܐ ܐܣܠܝܬܘܢ
]03[049:03	ܐܓܪܬܐ ܕܥܘܠܐ ܘܣܗܕܘܬܐ ܕܫܘܩܪܐ܂ ܡܛܠ ܗܢܐ݁ ܐܬܦܪܥ
]03[049:04	ܐܚܒ ܘܐܝܙܒܠ ܕܝܢ݂ܐ ܟܐܢܐ܂ ܒܕܡܗ ܙܟܝܐ ܕܢܒܘܬ ܕܐܫܕܘ܃
]03[049:05	ܘܒ̈ܢܝ ܐܝܙܪܥܝܠ ܕܐܫܬܡܥܘ ܠܗ݀ ܠܐܝܙܒܠ܃ ܐܦ ܗ݂ܢܘܢ
]03[049:06	ܐܬܦܪܥܘ ܒܕܝܢܐ ܟܐܢܐ܂ ܡܬܢܒܐ ܓܝܪ ܗܘܫܥ
]03[049:07	ܘܐܡ݂ܪ܃ ܕܥܕ ܩܠܝܠ ܬܒܥ ܐܢܐ ܕܡܗ ܕܐܝܙܪܥܝܠ ܥܠ ܒܝܬܐ

]03[049:08	ܕܝܗܘ܂ ܘܬܒܥ ܝܗܘ ܕܡܗ ܕܢܒܘܬ ܡܢ ܝܕ ܐܝܙܒܠ ܘܒܝܬܗ

]03[049:09	ܕܐܚܒ܃ ܘܠܒ̈ܢܝ ܐܝܙܪܥܝܠ ܚܪܒ ܐܢܘܢ ܒܒܝܬ ܒܥܠܐ܂ ܘܐܬܐ
]03[049:10	ܥܠܝܗܘܢ ܕܡܗ ܕܢܒܘܬ܃ ܐܝܟ ܕܐܡܪ ܝܗܘ ܒܝܘܡܐ ܗ݀ܘ
]03[049:11	ܕܦܘܪܥܢܐ܃ ܕܒܪܡܫܐ ܚ݁ܙܝܬ ܕܡܗ ܕܢܒܘܬ ܘܕܡܐ ܕܒܢ̈ܘܗܝ܂
]03[049:12	ܕܦܘܪܥܢܐ ܗܘ݂ܐ ܗܘ݂ܐ ܠܗ܃ ܘܗ݂ܘܐ ܨܘܡܐ ܕܨܡܘ ܒ̈ܢܝ
]03[049:13	ܐܝܙܪܥܝܠ ܠܚܝܒܘܬܐ܂ ܬܘܒ ܨܡܘ ܒ̈ܢܝ ܢܝܢܘܐ ܨܘܡܐ
]03[049:14	ܕܟܝܐ݂܂ ܟܕ ܐܟܪܙ ܥܠܝܗܘܢ ܝܘܢܢ ܗܦܘܟܝܐ܂ ܗܟܢܐ ܓܝܪ
]03[049:15	ܟܬܝܒ܂ ܕܟܕ ܫܡܥܘ ܟܪܘܙܘܬܗ ܕܝܘܢܢ܂ ܓܙܪܘ ܨܘܡܐ ܐܡܝܢܐ݂܂
]03[049:16	ܘܬܚܢܢܬܐ ܬܟܝܒܬܐ݂ ܟܕ ܝܬܒܝܢ ܥܠ ܣܩ̈ܐ ܘܩܛܡܐ܂ ܘܫܩܠܘ
]03[049:17	ܠܒ̈ܘܫܝ ܦܘܢܩ̈ܝܗܘܢ܃ ܘܠܒܫܘ ܣܩ̈ܐ ܚܠܦܝܗܘܢ܂ ܘܟܠܘ ܝܠܘ̈ܕܐ
]03[049:18	ܡܢ ܬ̈ܕܝ ܐܡ̈ܗܬܗܘܢ܃ ܘܥܢܐ ܘܒܩܪ̈ܐ ܡܢ ܪܥܝܐ܂ ܗܟܢܐ
]03[049:19	ܓܝܪ ܟܬܝܒ܂ ܕܡܛܬ ܡܠܬܐ ܠܡܠܟܐ ܕܢܝܢܘܐ݂܂ ܘܩܡ ܡܢ
]03[049:20	ܟܘܪܣܝܗ݂ ܘܫܩ݂ܠ ܬܓܗ ܡܢܗ܂ ܘܝܬܒ ܥܠ ܣܩܐ݁ ܘܩܛܡܐ݂ ܡ݂ܟ
]03[049:21	ܠܗ܂ ܘܐܟܪܙ ܒܢܝܢܘܐ ܡܕܝܢܬܗ݂ ܘܐܡܪ܂ ܡܢ ܦܘܩܕܢܐ ܕܡܠܟܐ
]03[049:22	ܘܕܪ̈ܘܪܒܢܘܗܝ݂܂ ܒܢ̈ܝܢܫܐ ܘܒܥܝܪܐ݂ ܠܐ ܢܛܥܡܘܢ ܡܕܡ܂ ܘܠܐ
]03[049:23	ܢܪܥܘܢ݁ ܘܐܦܠܐ ܡܝܐ ܢܫܬܘܢ݁ ܐܠܐ ܢܬܟܣܘܢ ܣܩ̈ܐ ܒܢ̈ܝ ܐܢܫܐ
]03[050:01	ܘܒܥܝܪܐ݂܂ ܘܢܩܪܘܢ ܠܐܠܗܐ ܒܚܢܓܬܐ܂
]03[050:02	ܘܢܗܦܟ ܡܢܢ݁ ܚܡܬܐ ܘܪܘܓܙܐ݂ ܘܠܐ ܢܐܒܕ܂ ܘܗܟܢܐ ܟܬܝܒ܂
]03[050:03	ܕܚ݂ܙܐ ܐܠܗܐ ܥ݁ܒ̈ܕܝܗܘܢ ܕܬܒܘ ܡܢ ܐܘܪ̈ܚܬܗܘܢ ܒܝ̈ܫܬܐ݂܂
]03[050:04	ܘܐܗܦܟ ܡܢܗܘܢ ܚܡܬܐ ܘܠܐ ܐܘܒܕ ܐܢܘܢ݁ ܘܠܐ ܐܡ݂ܪ܂
]03[050:05	ܕܚ݂ܙܐ ܨܘܡܐ ܕܡܢ ܠܚܡܐ ܘܡܢ ܡܝܐ܃ ܘܡܢ ܣܩܐ ܘܩܛܡܐ܂
]03[050:06	ܐܠܐ ܕܬܒܘ ܡܢ ܐܘܪ̈ܚܬܗܘܢ ܒܝܫ̈ܬܐ݂܂ ܘܡܢ ܒܝܫܘܬ ܥܒܕ̈ܝܗܘܢ܂
]03[050:07	ܡܛܠ ܕܗܟܢܐ ܐ݁ܟܪܙ ܡܠܟܐ ܕܢܝܢܘܐ ܘܐܡ݂ܪ܃ ܕܢܗܦܘܟ ܐܢܫ
]03[050:08	ܡܢ ܐܘܪܚܗ ܒܝܫܬܐ݂܂ ܘܡܢ ܚܛܘܦܝܐ ܕܐܝܬ ܒܐ̈ܝܕܝܗܘܢ܂
]03[050:09	ܘܗܘ݂ܐ ܨܘܡܐ ܕܟܝܐ݂܂ ܘܐܬܩܒܠ ܨܘܡܐ ܕܨܡܘ ܢܝܢܘ̈ܝܐ܃ ܟܕ
]03[050:10	ܗܦܟܘ ܡܢ ܐܘܪ̈ܚܬܗܘܢ ܒܝܫ̈ܬܐ܂ ܘܡܢ ܚܛܘܦܝܐ ܕܒܐܝ̈ܕܝܗܘܢ܂