← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60450: AphDem Aphrahat

Click on a word for lexical analysis
Click on a red-colored coordinate for comments and/or translations of the line

▲ earlier lines

]14[303:06 ܕܐܝܠܢܐ ܛܒܐ ܦܐܪ̈ܐ ܛܒܐ̈ ܝܗ݀ܒ܂ ܘܐܝܠܢܐ ܒܝܫܐ ܦܐܪ̈ܐ
]14[303:07 ܒܝܫ̈ܐ ܝܗ݀ܒ܂ ܠܐ ܡܫܟܚ ܐܝܠܢܐ ܛܒܐ ܠܡܬܠ ܦܐܪ̈ܐ ܒܝ̈ܫܐ܂
]14[303:08 ܘܠܐ ܐܝܠܢܐ ܒܝܫܐ ܠܡܬܠ ܦܐܪ̈ܐ ܛܒ̈ܐ܂ ܓܒܪܐ ܛܒܐ ܡܢ
]14[303:09 ܣܝܡ̈ܬܐ ܛܒ̈ܬܐ ܕܒܠܒܗ ܡܦܩ ܘܡܡܠܠ ܛܒ̈ܬܐ܂ ܘܓܒܪܐ
]14[303:10 ܒܝܫܐ ܡܢ ܬܘܬܪ̈ܝ ܠܒܗ ܡܦܩ ܘܡܡܠܠ ܒܝܫ̈ܬܐ܂ ܡܛܠ ܕܡܢ
]14[303:11 ܬܘܬܪ̈ܝ ܠܒܐ ܗ݂ܘ ܡܡܠܠܢ ܣܦܘ̈ܬܐ ܐܝܟ ܕܐܠܦ ܘܐܡܪ
]14[303:12 ܦܪܘܩܢ܂ ܟܠܢܫ ܓܝܪ ܡܢ ܡܐ ܕܐܝܬ ܠܗ ܡܦܩ܂ ܘܡܢ ܡܕܡ
]14[303:13 ܕܩܢܐ ܡܚܘܐ܂ ܣܒܪ ܠܗ ܒܪܢܫܐ ܕܡܠܐ ܫܓܝܫܘܬܐ܂ ܕܓܙܐ
]14[303:14 ܕܡܝܬܪ ܡܢ ܕܝܠܗ ܠܝܬ܂ ܘܡܐ ܕܐܬܐ ܫܠܡܐ
]14[303:15 ܡ݁ܥܒܪ ܚܪܝܢܐ ܒܛܠܐ ܫܓܝܫܘܬܐ܂ ܘܡܣܬܪܩ ܒܝܫܐ ܡܢ ܓܙܗ܂
]14[303:16 ܐ̈ܚܝܢ ܥܠܡܐ ܠܐ ܚܣܝܪ ܒܗ ܡܕܡ܂ ܘܡܠܐ ܟܘܠ
]14[303:17 ܓܢܣ̈ܢܝܢ܂ ܛܒ̈ܐ ܘܒܝ̈ܫܐ܂ ܘܥܬܝܪ̈ܐ ܘܡܣ̈ܟܢܐ܂ ܘܚ̈ܠܝܐ
]14[303:18 ܘܡܪܝܪ̈ܐ܂ ܘܢܗܝܪ̈ܐ ܘܚ̈ܫܘܟܐ܂ \ܘܥܢ̈ܬܐ ܘܚ̈ܛܝܐ܂ ܘܪ̈ܫܝܥܐ
]14[303:19 ܘܥܘ̈ܠܐ/ܘܙܕܝ̈ܩܐ ܘܚ̈ܛܝܐ܂ ܘܟܐ̈ܢܐ ܘܥܘ̈ܠܐ#02#܂/ ܘܟܠ ܡܕܡ ܚܕܐ ܠܘܩܒܠ ܚܕܐ ܩܝܡܢ܂ ܘܠܝܬ
]14[304:01 ܒܥܠܡܐ ܗܢܐ ܓܡܝܪܘܬܐ܂ ܡܛܠ ܕܐ݁ܬܐ ܡܦܪܫܢܐ
]14[304:02 ܘܦܪܫ ܬܒܢܐ ܘܥܩ݁ܪ ܙܝܙ̈ܢܐ܂ ܝܘܡܢܐ ܕܝܢ ܚܠܝܛܝܢ ܙܝܙ̈ܢܐ
]14[304:03 ܥܡ ܚ̈ܛܐ܂ ܘܚܠܝܛܝܢ ܛܒ̈ܐ ܥܡ ܒܝܫܐ̈܂ ܘܠܐ ܦܪ̈ܝܫܝܢ ܙܕܝܩ̈ܐ
]14[304:04 ܡܢ ܚ̈ܛܝܐ܂ ܘܠܐ ܟܐܢ̈ܐ ܡܢ ܥܘ̈ܠܐ܂ ܘܠܐ ܣܟ̈ܠܐ ܡܢ
]14[304:05 ܚܟܝܡ̈ܐ܂ ܒܗ݀ܘ ܕܝܢ ܙܒܢܐ ܦܩ݁ܕ ܡܪܐ ܚܨܕܐ ܘܡܟܢܫܝܢ ܚ̈ܛܐ
]14[304:06 ܘܥܩܪܝܢ ܙܝܙܢܐ̈܂ ܘܦܪܫܝܢ ܙܕܝܩ̈ܐ ܠܚ̈ܝܐ܂ ܘܥܘܠܐ̈ ܐܙܠܝܢ
]14[304:07 ܠܚܫܘܟܐ܂ ܘܥܡ ܚܬܢܐ ܥܠܢ ܚܟܝܡ̈ܬܐ ܘܡܬܟܠܝܢ ܣܟ̈ܠܬܐ܂
]14[304:08 ܘܟܣܦܐ ܡܬܢܣܒ ܡܢ ܥܒ̈ܕܐ ܒܝܫ̈ܐ ܘܝܪܬܝܢ ܥܒ̈ܕܐ ܛܒ̈ܐ
]14[304:09 ܟܟܪ̈ܝܗܘܢ܂ ܘܟܠ ܕܒܥܝܢ ܡܫܟܚܝܢ ܡܐ ܕܫܐܠܘ܂ ܘܟܠܢܫ ܕܙܪܥ
]14[304:10 ܥܡܠܗ ܡܟܢܫ܂ ܒܪܡ ܕܝܢ ܥܠܝܟܘܢ ܬܟܝܠܝܢܢ ܐܚ̈ܝܢ ܕܪܗܛܝܢ
]14[304:11 ܐܢܬܘܢ ܒܬܪ ܫܠܡܐ ܘܡܥܒܪܝܢ ܐܢܬܘܢ ܫܓܝܫܘܬܐ ܘܚܪܝܢܐ
]14[304:12 ܘܚܣܡܐ܂ ܘܛܢܢܐ ܘܦܠܓܘܬܐ܂ ܡܛܠ ܕܠܐ ܥܓܠ ܟܠܢܫ ܚܙܐ
]14[304:13 ܢܦܫܗ ܟܕ ܩܐܡ ܒܝܫܐܝܬ܂ ܐܝܟ ܕܐܦ ܠܐ ܦܪܨܘܦܗ ܡܫܟܚ
]14[304:14 ܠܡܚܙܐ܂ ܚܢܢ ܓܝܪ ܗܟܢܐ ܐܬܚܙܝ ܠܢ܂ ܐܝܟ ܡܐ ܕܐܕܪܟܢ
]14[304:15 ܒܗܢܐ ܙܒܢܐ ܕܢܥܗܕܟܘܢ ܕܘܒܪ̈ܐ ܕܩܕܡ̈ܝܐ܂ ܕܟܡܐ ܛܒ̈ܝܢ
]14[304:16 ܟܫܝܪ̈ܐ ܘܓܡܝܪ̈ܐ܂ ܘܟܡܐ ܒܝܫ̈ܝܢ ܣܟ̈ܠܐ ܕܪܡܝܢ ܫܓܝܫܘܬܐ܂
]14[304:17 ܐܢܬܘܢ ܐܢܘܢ ܒܢ̈ܝ ܫܠܡܐ ܪܚܡܘ ܫܠܡܐ ܕܬܩܒܠܘܢ ܦܘܪܥܢܐ
]14[304:18 ܡܢ ܡܪܗ ܕܫܠܡܐ܂ ܕܬܫܬܘܬܦܘܢ ܠܛܘܒܐ ܕܝܗܒ ܦܪܘܩܢ܂ ܟܕ
]14[304:19 ܝܗܒ ܛܘܒܐ ܠܣ̈ܓܝܐܐ܂ ܐܡܪ ܓܝܪ ܕܛܘܒܝܗܘܢ ܠܥܒ̈ܕܝ
]14[304:20 ܫܠܡܐ ܕܗܢܘܢ ܒܢܘܗ̈ܝ ܕܐܠܗܐ ܢܬܩܪܘܢ܂܂܀܂܂ ܟܬܝܒܐ
]14[304:21 ܐܓܪܬܐ ܗܕܐ ܒܝܪܚ ܫܒܛ ܕܫܢܬ ܫܬܡܐܐ ܘܚܡܫܝܢ ܘܚܡܫ
]14[305:01 ܕܡܠܟܘܬܗ ܕܐܠܟܣܢܕܪܘܣ ܒܪ ܦܝܠܝܦܘܣ ܡܩܕܘܢܝܐ܂ ܘܒܫܢܬ
]14[305:02 ܬܠܬܝܢ ܘܚܡܫ ܕܫܒܘܪ ܡܠܟܐ ܦܪܣܝܐ܂ ܢܗܘܐ ܕܘܟܪܢ ܛܒ
]14[305:03 ܠܗ ܠܡ݁ܢ ܕܥܡܠ ܘܟܬܒ܂ ܘܐܦ ܠܡ݁ܢ ܕܫܡ݁ܥ ܘܡܬܛܦܝܣ
]14[305:04 ܠܡܘ̈ܠܟܢܐ ܛܒ̈ܐ܂ ܘܪܗܛ ܒܫܝܢܐ ܘܠܐ ܡܥܝܪ ܚܪܝܢܐ܂
]14[305:05 ܡܛܠ ܕܒ̈ܢܝ ܚܪܝܢܐ ܡܬܩܪܝܢ ܒܢ̈ܝ ܩܐܝܢ܂ ܘܒܢ̈ܝ ܫܠܡܐ
]14[305:06 ܐܝܬܝܗ̈ܘܢ ܐܚܘܗ̈ܝ ܕܡܫܝܚܐ ܒܢ̈ܝ ܐܒܐ ܕܒܫܡܝܐ ܕܝܪܬܝܢ
]14[305:07 ܡܠܟܘܬܐ܂܂܂܂
]14[305:08 ܫܠܡܬ ܕܦܝܣܐ܂܂܂