← Back
The Comprehensive Aramaic Lexicon
← Return to the Text Browser
click on the file description for more information

60450: AphDem Aphrahat

Click on a word for lexical analysis
Click on a red-colored coordinate for comments and/or translations of the line

▲ earlier lines

]23[495:06 ܘܫܡܝܐ ܟܘܪܣܝܟ܂ ܘܠܐ ܡܣܝܒܪܝܢ ܠܟ܂ ܘܟܕ ܪܒ ܫܡܟ
]23[495:07 ܘܪܘܪ̈ܒܝܢ ܥܒܕ̈ܝܟ܂ ܐܙܥܪܬ ܪܒܘܬܟ ܡܣܬ ܠܫܢܢ܂ ܣܦܩ ܠܟ
]23[495:08 ܦܘܡܢ܂ ܘܥܡܪܬ ܒܓܘܢ܂ ܫܪܐ ܐܢܬ ܒܙܕܝܩ̈ܐ ܘܪܘܝܚ ܠܟ
]23[495:09 ܐܬܪܐ݂܂ ܘܚܠܕܬ ܪܒܘܬܟ ܒܠܒܐ ܙܥܘܪܐ܂ ܗܝܟ̈ܠܐ ܥܒܕܬܢ
]23[495:10 ܡܥܡܪܐ ܠܐܝܩܪܟ܂ ܘܢܘܣܟ ܩܪܝܬܢ܂ ܘܗܠܟܬ ܒܢ
]23[495:11 ܪܒܘܬܟ܂ ܐܝܟ ܕܩܕܡ݁ܬ ܐܘܕܥܬ ܒܦܘܡܐ ܕܢܒ̈ܝܝܟ܂
]23[495:12 ܕܐܥܡܪ ܒܗܘܢ ܘܐܗܠܟ ܒܗܘܢ܂ ܥܡܪ ܐܢܬ ܒܢ̈ܝܚܐ܂ ܫܪܐ
]23[495:13 ܐܢܬ ܒܡܟܝ̈ܟܐ܂ ܢܝܚ ܐܢܬ ܒܢܝ̈ܚܐ ܘܛܒ̈ܐ܂ ܨܒܝܬ ܒܬܝܒ̈ܐ܂
]23[495:14 ܚܐܪ ܐܢܬ ܒܟܐܢ̈ܐ܂ ܘܪܘܙܬ ܒܡܣܟ̈ܢܐ܂ ܝܙܦ ܐܢܬ ܡܢ
]23[495:15 ܣܢܝܩ̈ܐ ܐܝܟ ܓܒܪܐ ܒܨܝܪܐ܂ ܠܝܬ ܣܟܐ ܠܪ̈ܚܡܝܟ܂ ܠܝܬ
]23[495:16 ܡܘܫܚܐ ܠܛܝܒܘܬܟ܂ ܠܐ ܡܘܦܝܢ ܠܟ ܟܘܠ ܦܘܡ̈ܝܢ܂ ܠܐ
]23[495:17 ܣܦܩܝܢ ܠܟ ܟܠ ܠܫܢ̈ܝܢ܂ ܟܕ ܡܣܝܟ ܒܪܢܫܐ ܟܬܪ ܠܗ܂ ܘܡܐ
]23[495:18 ܕܡܬܚ ܪܥܝܢܗ ܠܐ ܣܦܩ܂ ܐܢ ܢܪܝܡ ܬܪܥܝܬܗ ܠܥܠ ܡܢ
]23[495:19 ܫܡܝܐ܂ ܐܫܬܟܚ ܠܗ ܡܗܠܟ ܥܠ ܐܪܥܐ܂ ܘܐܢ
]23[496:01 ܬܚܘܬ ܠܥܘܡܩܐ ܡܚܫܒܬܗ܂ ܒܙܒܢܐ ܙܥܘܪܐ ܗܦܟ ܠܐܪܥܗ܂
]23[496:02 ܘܒܛܠܬ ܡܪܢܝܬܗ܂ ܠܥܠ ܡܢ ܫܡܝܐ ܡܢܐ ܐܝܬ܂ ܡ݁ܢ ܡܘܦܐ܂
]23[496:03 ܠܬܚܬ ܡܢ ܐܪܥܐ ܡܢܐ ܣܝܡ܂ ܠܝܬ ܠܡܐܡܪ܂ ܪܩܝܥܐ ܒܡܢܐ
]23[496:04 ܡܬܝܚ ܐܘ ܫܡܝܐ ܒܡܢܐ ܬܠܝܢ܂ ܐܪܥܐ ܥܠ ܡܢܐ ܟܒܝܫܐ܂
]23[496:05 ܐܘ ܬܗܘܡܐ ܒܡܢܐ ܩܒܝܥ܂ ܚܢܢ ܡܢ ܐܕܡ ܘܠܟܐ ܐܪܓܫܢ
]23[496:06 ܩܠܝܠ܂ ܒܠܚܘܕ ܗܕܐ ܝܕܥܢ܂ ܕܚܕ ܗ݂ܘ ܐܠܗܐ܂ ܘܚܕ ܡܫܝܚܗ܂
]23[496:07 ܘܚܕܐ ܪܘܚܐ܂ ܘܚܕܐ ܗܝܡܢܘܬܐ܂ ܘܚܕܐ ܡܥܡܘܕܝܬܐ܂
]23[496:08 ܝܬܝܪ ܡܢ ܗܟܢܐ ܠܐ ܡܥܕܪܐ ܠܢ ܕܢܡܠܠ܂ ܘܐܢ ܢܐܡܪ
]23[496:09 ܢܚܣܪ܂ ܘܐܢ ܢܥܩܒ ܢܣܬܓܦ܂ ܣܓܝܐ̈ܐ ܕܛܥܘ ܐܘܪܚܐ
]23[496:10 ܘܫܒܩܘ ܫܒܝܠܐ ܘܪܕܘ ܒܬܘܫܐ ܐܘܪܚܐ ܕܬܘܩ̈ܠܬܐ܂
]23[496:11 ܒܛܢܘ ܘܐܬܚܫܒܘ ܡ̈ܠܐ ܕܚܒ݁ܠܐ܂ ܐܬܢܒܝܘ ܟܕܒܘܬܐ
]23[496:12 ܘܫܒܩܘ ܠܐܠܗܐ܂ ܘܕܨܒܝܢ ܕܢܣܬܟܠܘܢ ܗܘܘ ܠܐ ܦܪ̈ܘܫܐ܂
]23[496:13 ܚܫܘ̈ܟܝ ܡܕܥܐ܂ ܡܝܫ̈ܝ ܒܥܡܛܢܐ܂ ܐܘ ܒܪ ܐܕܡ ܥܦܪܐ
]23[496:14 ܕܡܢ ܐܪܥܐ܂ ܕܩܐܡ ܒܪܥܝܢܐ ܕܡܪܕܐ ܠܐܒܕܢܐ܂ ܐܘܠܕܬ
]23[496:15 ܬܪܥܝܬܟ ܐܠܗ̈ܐ ܐܚܪ̈ܢܐ܂ ܚܫܠܬ ܡܚܫܒܬܟ ܡܕܡ ܕܠܐ
]23[496:16 ܚܙܐ ܠܗ܂ ܠܥܠ ܠܐ ܣܠܩܬ܂ ܒܐܪܥܐ ܐܣܝܪ ܐܢܬ܂ ܠܬܚܬ
]23[496:17 ܠܐ ܢܚܬܬ܂ ܕܬܕܥ ܕܬܡܢ܂ ܕܡܝܬ ܘܡܠܠܬ ܟܕ ܠܐ ܚܙܝܬܝܗܝ܂
]23[496:18 ܗܘܝܬ ܠܟ ܕܓܠܐ ܡܡܠܠ ܫܘܩܪܐ ܘܙܐܦܐ܂ ܐܫܐܠܟ
]23[496:19 ܬܐܡܪ ܠܝ܂ ܫܡܫܐ ܕܚܙܝܬܝܗܝ ܕܡܢܐ ܗ݂ܘ ܩܢܘܡܗ܂ ܐܝܬ
]23[496:20 ܒܗ ܢܦܫܐ܂ ܐܝܬ ܒܗ ܝܕܥܬܐ܂ ܐܘ ܐܝܬ ܒܗ ܦܘܪܫܢܐ܂ ܐܢ
]23[496:21 ܬܗܝܡܢ ܒܡܕܡ ܕܐܡܪ ܐܢܐ ܠܟ ܗܟܢܐ ܐܝܬܘܗܝ܂ ܫܡܫܐ
]23[497:01 ܘܣܗܪܐ܂ ܐܝܟ ܢܘܪܐ ܘܡ̈ܝܐ܂ ܕܠܐ ܪܓܫܝܢ ܘܠܐ ܦܪܫܝܢ܂ ܟܠ
]23[497:02 ܕܬܬܠ ܠܢܘܪܐ ܠܐ ܬܣܠܐ܂ ܘܠܐ ܓܥܨܐ ܡܢ ܕܒܝܫ ܘܣܢܐ܂
]23[497:03 ܠܐ ܠܕܡܝܩܪ ܠܗ݀ ܝܕܥܐ܂ ܘܠܐ ܠܕܫܐܛ ܠܗ݀ ܦܪܫܐ܂ ܘܐܦ
]23[497:04 ܡ̈ܝܐ ܗܟܢܐ ܐܝܬܝܗܘܢ܂ ܒܪܝܬܐ ܐܢܘܢ ܓܝܪ ܕܠܐ ܦܘܪܫܢܐ܂
]23[497:05 ܫܡܫܐ ܘܣܗܪܐ ܘܟܘܟܒ̈ܐ܂ ܘܪ̈ܘܚܐ ܘܒܪ̈ܩܐ ܘܥܢ̈ܢܐ܂ ܘܢܘܪܐ
]23[497:06 ܘܡ̈ܝܐ܂ ܗܠܝܢ ܟܠܗܝܢ ܒܪ̈ܝܬܐ ܕܡܪܕܝܬܐ ܐܝܬ ܠܗܝܢ܂
]23[497:07 ܠܬܫܡܫܬܗ ܕܥܠܡܐ ܥܒ̈ܝܕܢ ܡܢ ܠܘܩܕܡ܂ ܘܟܕ ܡܪܕܐ ܪܕܝܢ
]23[497:08 ܠܝܬ ܒܗܝܢ ܦܘܪܫܢܐ܂ ܐܟܠܐ ܢܘܪܐ ܙܒܠܐ ܘܣܪܝܘܬܐ܂ ܘܠܐ
]23[497:09 ܐܡܪܐ ܟܕܘ܂ ܕܗܢܘ ܟܝܢܗ݀܂ ܘܕܢܚ ܫܡܫܐ ܥܠ ܫ̈ܠܕܐ ܘܥܠ
]23[497:10 ܣܝܢܐ܂ ܘܪܬܚ ܒܚܝܠܗ ܘܠܝܬ ܦܘܪܫܢܐ܂ ܓܪܦܝܢ ܡ̈ܝܐ ܟܠܗ݀
]23[497:11 ܛܡܐܘܬܐ܂ ܘܡܚܠܛܝܢ ܂܂܂݁ ‍[‍ܨܐܘܬܐ‍]‍ ܕܣܝܢܐ܂ ܘܠܝܬ
]23[497:12 ܒܗܘܢ ܝܕܥܬܐ ܕܢܦܫܐ܂ ܘܗܠܝܢ ܟܘܠܗܘܢ ܥܒ̈ܕܐ ܕܫܡܝܐ
]23[497:13 ܘܕܐܪܥܐ܂ ܠܬܫܡܫܬܗ ܗ݂ܘ ܕܥܠܡܐ ܥܒܝܕܝܢ܂ ܕܠܐ ܢܦܫܐ܂
]23[497:14 ܘܐܦ ܐܪܥܐ ܕܩܝܡܐ ܫܠܝܐܝܬ ܟܕ ܨܒ݁ܐ ܡܙܝܥ ܠܗ݀ ܡܢ
]23[497:15 ܫܪ̈ܫܝܗ݀܂ ܗܘܝܬ ܝܕܥ ܒܪ ܐܢܫܐ ܕܠܐ ܡܣܬܟܠ܂ ܕܨܒܝܢܗ
]23[497:16 ܕܐܠܗܐ ܫܩܝܠ ܠܟܠ ܡܕܡ܂ ܘܠܝܬ ܡܕܡ ܠܒܪ ܡܢ ܨܒܝܢܗ܂ ܚܢܢ

▼ later lines