← Back
The Comprehensive Aramaic Lexicon
← Return to the Text Browser
click on the file description for more information

60450: AphDem Aphrahat

Click on a word for lexical analysis
Click on a red-colored coordinate for comments and/or translations of the line

▲ earlier lines

]23[503:10 ܕܨܕܩܝܐ ܕܟܕܒ ܒܐܠܗܐ ܕܐܝܣܪܝܠ ܘܫܛ ܡܘܡ̈ܬܝ܂ ܘܒܛܠ
]23[503:11 ܩܝܡܝ܂ ܐܣܩܝܗ݀ ܒܪܫܗ܂ ܘܐܪܡܝܐ ܩܪܐ ܘܙܗܪ ܐܢܘܢ܂
]23[503:12 ܕܦܠܘܚܘ ܠܡܠܟܐ ܕܒܒܠ ܘܚܝܘ܂ ܘܠܐ ܬܗܘܐ ܩܪܝܬܐ ܗܕܐ
]23[503:13 ܠܚܘܪܒܐ܂ ܘܠܐ ܫܡܥܘܗܝ ܬܘܒ܂ ܘܟܕ ܕܓܠܘ ܒܡܘܡ̈ܬܐ
]23[503:14 ܘܠܐ ܫܡܥܘ ܠܢܒܝܐ/ܠܢܒ̈ܝܐ#02#܂/ ܐܬ݂ܐ܂ ܥܠܝܗܘܢ ܚܝܠܐ ܕܟܠܕܝ̈ܐ܂
]23[503:15 ܘܟܪܟܘܗ݀ ܠܐܘܪܫܠܡ܂ ܡܢ ܫܢܬܐ ܬܫܝܥܝܬܐ ܕܨܕܩܝܐ܂
]23[503:16 ܘܥܕܡܐ ܠܫܢܬ ܚܕܥܣܪܐ܂ ܘܐܦ ܟܕ ܡܪ̈ܝܕܝܢ ܐܡܪ ܐܡܪ ܠܗܘܢ
]23[503:17 ܐܪܡܝܐ܂ ܕܦܘܩܘ ܠܘܬ ܡܠܟܐ ܕܒܒܠ܂ ܘܚܝܘ ܘܠܐ ܬܡܘܬܘܢ܂
]23[503:18 ܘܠܐ ܫܡܥܘܗܝ܂ ܘܩܡܬ ܩܪܝܬܐ ܒܐܘܠܨܢܐ ܙܒܢܐ ܣܓܝܐܐ܂
]23[503:19 ܟܕ ܟܪ̈ܝܟܝܢ ܠܗ݀ ܟܠܕܝ̈ܐ ܬܫܬܥܣܪ ܝܪ̈ܚܝܢ܂ ܡܢ ܥܣܪܬܐ ܒܝܪܚܐ
]23[504:01 ܕܥܣܪܐ ܕܫܢܬ ܬܫܥ܂ ܕܗ݂ܘ ܟܢܘܢ ܐܚܪܝ܂ ܘܥܕܡܐ ܠܝܪܚܐ
]23[504:02 ܚܡܝܫܝܐ ܕܫܢܬ ܚܕܥܣܪܐ܂ ܕܗ݂ܘ ܐܒ܂ ܘܐܬܟܒܫܬ
]23[504:03 ܩܪܝܬܐ ܒܬܫܥܬܐ ܒܝܪܚܐ ܚܡܝܫܝܐ܂ ܘܥܠܘ ܟܠܕ̈ܝܐ
]23[504:04 ܠܐܘܪܫܠܡ܂ ܘܐܘܩܕܘ ܠܒܝܬܐ ܕܐܠܗܐ܂ ܕܝܡܘ ܒܗ ܘܕܓܠܘ܂
]23[504:05 ܘܥܩܪܘ ܡܕܒܚܐ ܕܐܣܩܘ ܥܠܘܗܝ ܥܛܪܐ \ܕܡܘܡܐ ܡܢ
]23[504:06 ܥܓܠܐ ܕܡܘܡ̈ܬܐ܂ /ܕܡܘܡܬܐ#02#/ ܘܫܩܠܘ ܟܠܗܘܢ ܡܐܢ̈ܐ ܕܬܫܡܫܬܐ ܕܒܝܬܐ
]23[504:07 ܕܐܠܗܐ ܕܐܝܣܪܝܠ܂ ܘܐܘܩܕܘ ܒ̈ܬܐ ܕܪܘܪ̈ܒܢܐ܂ ܕܝܡܘ ܘܕܓܠܘ܂
]23[504:08 ܘܢܦܩܘ ܟܗ̈ܢܐ ܒܫܒܝܐ ܘܐܙܠܘ ܠܒܒܠ܂ ܘܟܕ ܥܪܩ
]23[504:09 ܨܕܩܝܐ ܘܢܦܩ ܡܢ ܩܪܝܬܐ܂ ܐܕܪܟܘܗܝ ܚܝܠܐ ܕܟܠܕ̈ܝܐ
]23[504:10 ܒܦܩܥܬܐ ܕܐܝܪܝܚܘ܂ ܘܐܣܪܘܗܝ ܒܫܝܫ̈ܠܬܐ ܘܠܪܘܪ̈ܒܢܐ ܕܝܡܘ
]23[504:11 ܥܡܗ ܘܐܘܒܠܘܗܝ ܠܘܬ ܡܠܟܐ ܕܒܒܠ܂ ܠܐܪܥܐ ܕܚܡܬ܂
]23[504:12 ܘܟܬܝܒ ܕܡܠܠ ܥܡܗ ܕܝܢܐ܂ ܘܐܡܪ ܠܗ܂ ܕܠܡܢܐ ܟܕܒܬ
]23[504:13 ܒܡܘܡ̈ܬܐ ܕܐܠܗܐ ܕܐܝܣܪܝܠ܂ ܗܫܐ ܐܣܝܡܗ݀ ܒܪܫܟ܂
]23[504:14 ܘܥܘܪ ܥܝܢܘܗ̈ܝ ܘܐܣܪܗ ܒܫܫ̈ܠܬܐ܂ ܘܢܟܣ ܠܒܢܘܗ̈ܝ ܠܥܝܢܘܗ̈ܝ܂
]23[504:15 ܘܢܟܣ ܠܪܘܪ̈ܒܢܐ ܕܝܡܘ ܘܕܓܠܘ܂ ܘܠܗ ܐܘܒܠ ܟܕ ܐܣܝܪ
]23[504:16 ܠܒܒܠ܂ ܘܬܡܢ ܗܘܐ ܥܕܡܐ ܠܝܘܡܐ ܕܡܝܬ܂ ܘܐܚܪܒܗ݀
]23[505:01 ܠܐܘܪܫܠܡ܂ ܡܛܠ ܡܘܡܬܐ ܟܕܒܬܐ܂ ܘܡܠܟܘܬܗܘܢ
]23[505:02 ܐܬܝܗܒܬ ܠܢܒܘܟܕܢܨܪ܂ ܕܗܝܡܢ ܒܐܠܗܐ ܕܬܒܥ ܡܘܡ̈ܬܗ܂
]23[505:03 ܥܠ ܗܕܐ ܙܗܪ ܡܚܝܢܢ܂ ܕܒܩܢܘܡܟܘܢ ܠܐ ܬܐܡܘܢ܂ ܡܛܠ
]23[505:04 ܕܠܐ ܡܙܟܐ ܡܪܝܐ ܠܡ݁ܢ ܕܝܡ݁ܐ ܒܫܡܗ ܒܕܓܠܘܬܐ܂ ܕܠܐ ܟܕ
]23[505:05 ܢܠܦ ܒܪܢܫܐ ܦܘܡܗ ܠܡܘܡ̈ܬܐ܂ ܒܟܠ ܥܕܢ ܢܬܬܩܠ܂ ܒܥܠܬ
]23[505:06 ܕܐܠܦ ܦܘܡܗ ܠܡܐܡܐ ܘܗܘܐ ܠܗ ܠܫܢܗ ܡܥܒܪܬܐ
]23[505:07 ܠܡܘܡܬܐ܂ ܘܝܕܥܝܢܢ ܚܒܝܒܝ܂ ܕܣܓܝܐ̈ܐ ܒܢ̈ܝ ܐܢܫܐ ܡܢ
]23[505:08 ܐܚ̈ܝܢ ܝܡܘ ܘܕܓܠܘ܂ ܘܐܠܨܘ ܘܐܘܡܝܘ܂ ܘܩܛܠܘ ܢܦܫܗܘܢ܂
]23[505:09 ܘܡܝܬܘ ܚܒܪ̈ܝܗܘܢ ܕܥܒܪܘ ܦܘܩܕܢܐ ܘܐܠܦ ܦܪܘܩܢ܂ ܠܝܬ ܠܢ
]23[505:10 ܬܘܟܠܢܐ ܥܠ ܥܠܡܐ ܗܢܐ܂ ܘܟܠ ܡܕܡ ܕܒܗ ܐܝܬ ܥܠ ܚܠܐ
]23[505:11 ܡܫܟܠܠ܂ ܠܐ ܡܩܘܐ ܥܠܡܐ ܘܨܒܘ̈ܬܗ܂ ܦܪ̈ܚܢ ܪ̈ܓܝܓܬܗ
]23[505:12 ܒܓܦܐ̈ ܩ̈ܠܝܠܐ܂ ܥܪܛܠ ܥܐܠܝܢ ܠܗ ܒ̈ܢܝ ܐܕܡ܂ ܘܢܦܩܝܢ ܡܢܗ
]23[505:13 ܐܝܟ ܡܐ ܕܐܬܘ ܠܗ܂ ܕܪܗܛܝܢ ܒܥܘܬܪܐ ܠܐ ܡܩܕܝܢ ܠܗ܂
]23[505:14 ܕܡܫܬܩܠ ܠܗ ܡܢܗܘܢ܂ ܘܡܬܝܗܒ ܠܐܚܪ̈ܢܐ܂ ܕܝܠܕܝܢ ܒ̈ܢܝܐ
]23[505:15 ܒܗܘܢ ܠܐ ܚܕܝܢ܂ ܕܓܕܫܐ ܠܗܘܢ ܕܡܡܪܝܢ ܚܟܗܘܢ܂
]23[505:16 ܡܢܗܘܢ ܒܡܘܬܐ ܘܡܢܗܘܢ ܒܫܒܝܐ܂ ܘܕܡܟܬܪܝܢ ܡܢܗܘܢ
]23[505:17 ܡܨܥܪܝܢ ܐܒܗܝܗ̈ܘܢ܂ ܘܕܩܢܝܢ ܪ̈ܚܡܐ ܠܐ ܢܬܬܟܠܘܢ
]23[505:18 ܥܠܝܗܘܢ܂ ܕܒܥܓܠ ܐܝܟ ܓܝܓܠܐ ܡܬܗܦܟܝܢ܂ ܘܕܒܢܝܢ
]23[506:01 ܘܢܨܒܝܢ ܠܐ ܣܓܝ ܢܚܕܘܢ ܒܗܘܢ܂ ܕܡܥܕܝܢ ܠܗܘܢ
]23[506:02 ܒܥܠܕܒܒܝ̈ܗܘܢ ܠܢܟܣܝܗ̈ܘܢ܂ ܘܚܙܝܢ ܠܗܘܢ ܘܢܦܫܗܘܢ
]23[506:03 ܡܫܬܢܩܐ܂ ܠܘܩܒܠ ܥܡܠܗܘܢ ܕܗܘܐ ܠܗ ܕܐܚܪ̈ܢܐ܂ ܘܕܒܢܝܢ
]23[506:04 ܡܕܝܢ̈ܬܐ ܘܡܘܬܒܝܢ ܩܘܪ̈ܝܐ܂ ܓܕܫܐ ܠܗܘܢ ܕܒܓܘܗܝܢ ܠܐ
]23[506:05 ܡܫܬܒܩܝܢ܂ ܕܫܒܝܢ ܠܗܘܢ ܒܥܠܕܒܒܝ̈ܗܘܢ܂ ܘܗܘܝܢ ܢܘܟܪ̈ܝܐ
]23[506:06 ܡܢ ܐܬܪܐ ܕܝܠܝܕܝܢ ܒܗ܂ ܕܡܟܪܝܢ ܢܫ̈ܐ ܘܨܒܝܢ ܠܡܚܕܐ܂
]23[506:07 ܡܝܬܝܢ ܘܥܢܕܝܢ ܒܙܒܢܐ ܙܥܘܪܐ܂ ܘܗܘܝܢ ܡܟܝܪ̈ܬܗܘܢ ܠܐܚܪ̈ܢܐ

▼ later lines