The Comprehensive Aramaic Lexicon

]23[502:01	ܢܒܘܟܕܢܨܪ ܠܟܗ̈ܢܐ ܘܐܡܪ ܠܗܘܢ܂ ܕܒܡܢܐ ܐܕܥ ܕܦܠܚܝܢ
]23[502:02	ܐܢܬܘܢ ܠܝ܂ ܘܠܐ ܡܪܕܝܢ ܐܢܬܘܢ܂ ܘܐܡܪܘ ܠܗ܂ ܕܚܢܢ
]23[502:03	ܘܡܠܟܢ ܝܡܝܢ ܚܢܢ ܒܐܠܗܐ ܕܐܝܣܪܐܝܠ/ܕܐܝܣܪܝܠ#02#܂/ ܘܡܩܝܡܝܢܢ ܩܝܡܐ
]23[502:04	ܒܩܘܪܒܢܐ ܕܣ݁ܠܩ ܥܠ ܡܕܒܚܐ܂ ܗܝܕܝܢ ܐܡܪ ܢܒܘܟܕܢܨܪ܂
]23[502:05	ܕܐܢܐ ܐܘܡܝܟܘܢ ܒܐܠܗܐ ܕܐܝܣܪܝܠ܂ ܕܐܢ ܡܕܓܠܝܢ
]23[502:06	ܐܢܬܘܢ ܒܡܘܡܬܗ ܡܫܠܡ ܠܟܘܢ ܒܐܝ̈ܕܝ܂ ܘܠܐ ܐܘܡܝܟܘܢ
]23[502:07	ܒܐ̈ܠܗܐ ܕܒܒܠ܂ ܗܝܕܝܢ ܐܝܬܝܘ ܥܓܠܐ܂ ܨܕܩܝܐ ܡܠܟܐ
]23[502:08	ܘܟܗ̈ܢܐ ܘܪܘܪ̈ܒܢܐ܂ ܘܣܡܘ ܐܝ̈ܕܝܗܘܢ ܥܠ ܪܫܗ ܕܥܓܠܐ
]23[502:09	ܘܢܟܣܘܗܝ܂ ܘܢܣܒܘ ܟܗ̈ܢܐ ܡܢ ܕܡܗ ܕܥܓܠܐ܂ ܘܐܫܕܘ ܚܕܪ̈ܝ
]23[502:10	ܡܕܒܚܐ܂ ܘܬܪܒܗ ܐܣܩܘ ܥܠ ܡܕܒܚܐ܂ ܠܪܝܚܐ ܕܣܘܬܐ܂
]23[502:11	ܘܢܣܒܘܗܝ ܠܥܓܠܐ ܘܦܣܩܘܗܝ ܠܬܪ̈ܝܢ ܘܥܒܪܘ
]23[502:12	ܒܝܬ ܦܠܓܘ̈ܗܝ ܪܘܪ̈ܒܢܐ ܕܝܗܘܕܐ܂ ܘܟܗ̈ܢܐ ܘܡ̈ܠܦܢܐ ܕܥܡܐ܂
]23[502:13	ܘܨܕܩܝܐ ܡܠܟܐ ܥܡܗܘܢ܂ ܘܐܩܝܡܘ ܩܝܡܐ ܒܡܘܡܬܐ
]23[502:14	ܕܐܠܗܐ ܕܐܝܣܪܝܠ ܕܠܐ ܡܪܕܝܢܢ܂ ܘܗܝܡܢ ܐܢܘܢ ܢܒܘܟܕܢܨܪ܂
]23[502:15	ܘܡܢ ܒܬܪܟܢ ܕܓܠܘ ܒܡܘܡ̈ܬܗ ܕܐܠܗܐ ܕܐܝܣܪܝܠ܂ ܘܡܪܕܘ
]23[502:16	ܥܠ ܡܠܟܐ ܕܒܒܠ܂ ܘܒܗ݀ܘ ܙܒܢܐ ܡܬܢܒܝܢ ܗܘܘ ܠܗܘܢ ܐܪܡܝܐ
]23[502:17	ܘܚܙܩܝܐܝܠ܂ ܐܪܡܝܐ ܒܐܘܪܫܠܡ܂ ܘܚܙܩܝܐܝܠ ܒܫܒܝܬܐ
]23[502:18	ܕܒܒܠ܂ ܘܟܕ ܕܓܠܘ ܒܡܘܡܬܐ ܘܡܪܕܘ܂ ܩܪܐ ܠܗܘܢ
]23[502:19	ܐܪܡܝܐ ܢܒܝܐ܂ ܕܐܘܢ ܓܒܪ̈ܐ ܕܝܗܘܕܐ ܘܥܡܘܪ̈ܝܗ݀
]23[503:01	ܕܐܘܪܫܠܡ܂ ܘܨܕܩܝܐ ܡܠܟܐ ܘܟܠܗ ܝܗܘܕܐ܂ ܦܠܘܚܘ ܠܡܠܟܐ
]23[503:02	ܕܒܒܠ ܘܚܝܘ܂ ܘܠܐ ܬܕܓܠܘܢ ܒܡܘܡ̈ܬܐ ܕܝܡܝܬܘܢ܂
]23[503:03	ܐܬܕܟܪܘ ܥܓܠܐ ܕܦܣܩܬܘܢ ܠܬܪ̈ܝܢ ܘܥܒܪܬܘܢ ܒܝܬ ܦܠܓܘܗ̈ܝ܂
]23[503:04	ܘܠܐ ܫܡܥܘܗܝ ܠܢܒܝܐ܂ ܘܟܕ ܐܣܓܝ ܘܩܪܐ ܠܗܘܢ ܫܩܠܘܗܝ
]23[503:05	ܘܫܕܐܘܗܝ ܒܓܘܒܐ ܕܣܝܢܐ܂ ܘܡܢܗܘܢ ܐܡܪܝܢ܂ ܬܘ
]23[503:06	ܢܡܚܝܘܗܝ ܒܠܫܢܗ܂ ܘܠܐ ܢܫܡܥ ܡܕܡ ܕܡܡܠܠ܂ ܘܐܦ
]23[503:07	ܚܙܩܝܐܝܠ ܫܠܚ ܠܗܘܢ ܡܢ ܒܒܠ܂ ܕܠܐ ܬܕܓܠܘܢ ܒܡܘܡ̈ܬܐ
]23[503:08	ܕܐܠܗܐ ܕܐܝܣܪܝܠ ܕܝܡܝܬܘܢ܂ ܘܠܐ ܫܡܥܘܗܝ܂ ܘܟܕ ܠܐ
]23[503:09	ܫܡܥܘܗܝ ܐܡܪ ܒܢܒܝܘܬܗ܂ ܚܝ ܐܢܐ ܐܡܪ ܡܪܐ ܡܪ̈ܘܬܐ
]23[503:10	ܕܨܕܩܝܐ ܕܟܕܒ ܒܐܠܗܐ ܕܐܝܣܪܝܠ ܘܫܛ ܡܘܡ̈ܬܝ܂ ܘܒܛܠ
]23[503:11	ܩܝܡܝ܂ ܐܣܩܝܗ݀ ܒܪܫܗ܂ ܘܐܪܡܝܐ ܩܪܐ ܘܙܗܪ ܐܢܘܢ܂
]23[503:12	ܕܦܠܘܚܘ ܠܡܠܟܐ ܕܒܒܠ ܘܚܝܘ܂ ܘܠܐ ܬܗܘܐ ܩܪܝܬܐ ܗܕܐ
]23[503:13	ܠܚܘܪܒܐ܂ ܘܠܐ ܫܡܥܘܗܝ ܬܘܒ܂ ܘܟܕ ܕܓܠܘ ܒܡܘܡ̈ܬܐ
]23[503:14	ܘܠܐ ܫܡܥܘ ܠܢܒܝܐ/ܠܢܒ̈ܝܐ#02#܂/ ܐܬ݂ܐ܂ ܥܠܝܗܘܢ ܚܝܠܐ ܕܟܠܕܝ̈ܐ܂
]23[503:15	ܘܟܪܟܘܗ݀ ܠܐܘܪܫܠܡ܂ ܡܢ ܫܢܬܐ ܬܫܝܥܝܬܐ ܕܨܕܩܝܐ܂
]23[503:16	ܘܥܕܡܐ ܠܫܢܬ ܚܕܥܣܪܐ܂ ܘܐܦ ܟܕ ܡܪ̈ܝܕܝܢ ܐܡܪ ܐܡܪ ܠܗܘܢ
]23[503:17	ܐܪܡܝܐ܂ ܕܦܘܩܘ ܠܘܬ ܡܠܟܐ ܕܒܒܠ܂ ܘܚܝܘ ܘܠܐ ܬܡܘܬܘܢ܂
]23[503:18	ܘܠܐ ܫܡܥܘܗܝ܂ ܘܩܡܬ ܩܪܝܬܐ ܒܐܘܠܨܢܐ ܙܒܢܐ ܣܓܝܐܐ܂
]23[503:19	ܟܕ ܟܪ̈ܝܟܝܢ ܠܗ݀ ܟܠܕܝ̈ܐ ܬܫܬܥܣܪ ܝܪ̈ܚܝܢ܂ ܡܢ ܥܣܪܬܐ ܒܝܪܚܐ
]23[504:01	ܕܥܣܪܐ ܕܫܢܬ ܬܫܥ܂ ܕܗ݂ܘ ܟܢܘܢ ܐܚܪܝ܂ ܘܥܕܡܐ ܠܝܪܚܐ
]23[504:02	ܚܡܝܫܝܐ ܕܫܢܬ ܚܕܥܣܪܐ܂ ܕܗ݂ܘ ܐܒ܂ ܘܐܬܟܒܫܬ
]23[504:03	ܩܪܝܬܐ ܒܬܫܥܬܐ ܒܝܪܚܐ ܚܡܝܫܝܐ܂ ܘܥܠܘ ܟܠܕ̈ܝܐ
]23[504:04	ܠܐܘܪܫܠܡ܂ ܘܐܘܩܕܘ ܠܒܝܬܐ ܕܐܠܗܐ܂ ܕܝܡܘ ܒܗ ܘܕܓܠܘ܂
]23[504:05	ܘܥܩܪܘ ܡܕܒܚܐ ܕܐܣܩܘ ܥܠܘܗܝ ܥܛܪܐ \ܕܡܘܡܐ ܡܢ
]23[504:06	ܥܓܠܐ ܕܡܘܡ̈ܬܐ܂ /ܕܡܘܡܬܐ#02#/ ܘܫܩܠܘ ܟܠܗܘܢ ܡܐܢ̈ܐ ܕܬܫܡܫܬܐ ܕܒܝܬܐ
]23[504:07	ܕܐܠܗܐ ܕܐܝܣܪܝܠ܂ ܘܐܘܩܕܘ ܒ̈ܬܐ ܕܪܘܪ̈ܒܢܐ܂ ܕܝܡܘ ܘܕܓܠܘ܂
]23[504:08	ܘܢܦܩܘ ܟܗ̈ܢܐ ܒܫܒܝܐ ܘܐܙܠܘ ܠܒܒܠ܂ ܘܟܕ ܥܪܩ
]23[504:09	ܨܕܩܝܐ ܘܢܦܩ ܡܢ ܩܪܝܬܐ܂ ܐܕܪܟܘܗܝ ܚܝܠܐ ܕܟܠܕ̈ܝܐ
]23[504:10	ܒܦܩܥܬܐ ܕܐܝܪܝܚܘ܂ ܘܐܣܪܘܗܝ ܒܫܝܫ̈ܠܬܐ ܘܠܪܘܪ̈ܒܢܐ ܕܝܡܘ
]23[504:11	ܥܡܗ ܘܐܘܒܠܘܗܝ ܠܘܬ ܡܠܟܐ ܕܒܒܠ܂ ܠܐܪܥܐ ܕܚܡܬ܂
]23[504:12	ܘܟܬܝܒ ܕܡܠܠ ܥܡܗ ܕܝܢܐ܂ ܘܐܡܪ ܠܗ܂ ܕܠܡܢܐ ܟܕܒܬ
]23[504:13	ܒܡܘܡ̈ܬܐ ܕܐܠܗܐ ܕܐܝܣܪܝܠ܂ ܗܫܐ ܐܣܝܡܗ݀ ܒܪܫܟ܂