← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60453: GregOr Oration XLI ms. S1

Click on a word for lexical analysis
Click on a red-colored coordinate for comments and/or translations of the line

▲ earlier lines

26.02:22 ܡ݁ܢ ܗܟܝܠ ܕܒ̈ܝܘܡܬܐ݂ ܫܒܬܐ܂ ܗܢܐ ܕܝܢ܃ ܗ݀ܘ
26.02:23 ܕܣܒܝܣܐܝܬ ܡܢܗܘܢ ܡܬܝܩܪ܃ ܕܒܗ
26.02:24 ܘܡܫܬܩܠܢܘܬܐ ܕܚܡܝܪܐ ܒܫܘܝܘܬ ܡܢܝܢܐ܂ ܗ݀ܘ
26.02:25 ܕܝܢ ‍[‍ܕ‍]‍ܫ̈ܢܝܐ܃ ܫܒܝܥܝܬܐ ܫܢܬܐ ܕܫܘܒܩܢܐ܂ ܘܠܘ
26.02:26 ܒܫ̈ܒܐ ܒܠܚܘܕ܃ ܐܠܐ ܘܒܫ̈ܒܐ ܕܫ̈ܒܐ ܒܗ݀ ܕܝܢ
26.02:27 ܒܕܡܘܬܐ܃ ܘܒܝ̈ܘܡܬܐ݂ ܘܒ̈ܫܢܝܐ܂ ܫ̈ܒܐ ܡ݁ܢ ܗܟܝܠ
26.02:28 ܕܒ̈ܝܘܡܬܐ܃ ܡܘ̈ܠܕܢ ܠܦܢ݂ܛܩܘܣܬܐ܂ ܝܘܡܐ ܩܪܝܐ݂
26.02:29 ܘܩܕܝܫܐ ܠܘܬܗܘܢ܂ ܗ݀ܢܝܢ ܕܝܢ ܕܫ̈ܢܝܐ܃ ܝܘܒܠܝܐ
26.02:30 ܠܘܬܗܘܢ ܡܫܬܡܗ܂ ܒܗ݀ ܒܕܡܘܬܐ ܫܘܒܩܢܐ
26.02:31 ܕܐܪܥܐ ܐܝܬ ܒܗ܃ ܘܚܪ̈ܘܪܐ ܕܥ̈ܒ݂ܕܐ܃
26.02:32 ܘܡܬܪܚܩܢܘܬܐ ܕܡܢ ܩ̈ܢܝܢܐ ܙܒ̈ܝ݂ܢܝܐ܂ ܡܟ݁ܗܢܝܢ
26.02:33 ܓܝܪ ܗܢܐ ܓܢܣܐ ܪ̈ܝܫ݂ܝܬܐ ܠܐܠܗܐ܃ ܠܘ ܡܢ
26.02:34 ܥܒܘܪܐ ܒܠܚܘܕ ܘܡܢ ܒܘܟܪ̈ܐ܃ ܐܠܐ ܡܢ ܟܕܘ܃
26.02:35 ܘܡܢ ܝܘ̈ܡܬܐ ܘܫ̈ܢܝܐ܂ ܗܟܢܐ ܡܢܝܢܐ ܗ݀ܘ
26.02:36 ܕܫܒܥܐ ܗ݀ܘ ܕܡܬܝܩܪ܃ ܐܝܩܪܐ ܕܦܢ݂ܛܩܘܣܛܐ݂
26.02:37 ܐܟܚܕܐ ܐܥ݂ܠ܂ ܗ݀ܘ ܓܝܪ ܟܕ ܫܒ̈ܥܐ ܫܒܝܥܐܝܬ
28.02:38 ܡܬ݁ܪܟܒ ܥܠ ܢܦܫܗ܃ ܡܘܠܕ݂ ܠܗ݀ܘ ܕܚ̈ܡܫܝܢ ܟܕ ܚܕ
28.02:39 ܝܘܡܐ ܚܣܝܪ܂ ܗ݀ܘ ܕܡܢ ܥܠܡܐ ܕܥܬܝܕ ܩܕܡܢ
28.02:40 ܢܣ݂ܒܢ܃ ܘܐܝܬܘܗܝ ܗ݀ܘ ܟܕ ܗ݀ܘ ܩܕܡܝܐ
28.02:41 ܘܬܡܝܢܝܐ܃ ܡܠܘܢ ܕܝܢ ܚܕ ܘܠܐ ܡܫܬܪܝܢܐ ܙ݁ܕܩ
28.02:42 ܓܝܪ݂ ܕܬܡܢ ܢܫܬ݁ܠܡ ܫܘܒܬܐ ܕܗܪܟܐ ܕܢ̈ܦܫܬܐ܂
28.02:43 ܐܝܟ ܕܬܬܝܗܒ ܡܢ݁ܬܐ ܠܫ̈ܒܥܐ܃ ܐܦ
28.02:44 ܠܬܡܢܝܐ܃ ܐܝܟܢܐ ܕܡܢ ܟܕܘ ܐ̈ܢܫܝܢ ܕܡܢ ܩܕܡܝܢ܃
28.02:45 ܠܗ݀ܝ ܕܫܠܝܡܘܢ ܫܩܠܘ܂
28.03:01 ܣܗ̈ܕܘܬܐ ܕܝܢ ܕܐܝܩܪܐ ܕܡܢܝܢܐ ܕܫܒܥܐ
28.03:02 ܣܓ̈ܝܐܢ܂ ܠܢ ܕܝ݂ܢ ܙܥܘܪ̈ܝܬܐ ܡܢ ܣܓ̈ܝܐܬܐ
28.03:03 ܢ݁ܣܦܩ̈ܢ܂ ܫܒܥ ܡ݁ܢ ܪ̈ܘܚܐ ܡܝܩܪ̈ܬܐ ܡܫܬܡܗܢ
30.03:04 ܠܡܥ̈ܒܕܢܘܬܐ ܓܝܪ ܕܪܘܚܐ ܣܒܪܢܐ܃ ܪ̈ܘܚܐ
30.03:05 ܪ̈ܚܝܡܢ ܠܐܫܥܝܐ ܕܢܩ݂ܪܐ܂ ܘܡ̈ܠܐ ܕܝܢ ܕܡܪܝܐ
30.03:06 ܕܕܟܝܢ ܐܝܟ ܡܠܬܗ ܕܕܘܝܕ܃ ܥܦܝܦܬ ܫܒܝܥܐܝܬ܂
30.03:07 ܘܙܕܝܩܐ ܡ݁ܢ ܫܬܝܬܐܝܬ ܡܢ ܐܘ̈ܠܨܢܐ ܡܬܦ݁ܠܛ܃
30.03:08 ܒܗ݀ܝ ܕܝܢ ܕܫܒܥ݂ ܐܦܠܐ ܡܬܢܟܐ܂ ܚܛܝܐ ܕܝܢ
30.03:09 ܠܘ ܫܒܝܥܐܝܬ ܒܠܚܘܕ܃ ܐܠܐ ܘܫܒܝܥܐܝܬ ܫܒܥܐ
30.03:10 ܡܫܬ݂ܒܩ ܠܗ܂ ܘܡܢ ܗܠܝܢ ܕܠܩܘܒܠܐ ܬܘܒ܂
30.03:11 ܡܩܠܣܐ ܓܝܪ݂ ܐܦ ܫܘܢܩܐ ܕܒܝ݂ܫܬܐ܂ ܩܐܝܢ ܡ݁ܢ
30.03:12 ܡܬ݁ܬܒܥ ܗܘܐ݂ ܫܒܝܥܐܝܬ܂ ܗܝ ܕܐܝܬܝܗ݀܃
30.03:13 ܕܕܝ݂ܢܐ ܡܬܬ݂ܒܥ ܗܘܐ ܕܩܛܘܠܘܬ ܐܚܐ܂ ܠܡܟ
32.03:14 ܕܝܢ܃ ܫܒܝܥܐܝܬ ܘܫܒܥܐ܃ ܕܒܬܪ ܢܡܘܣܐ
32.03:15 ܘܚܘܝܒܐ ܗ݀ܘܐ ܩܛܘܠܐ܂ ܫ̈ܒܒܐ ܕܝܢ ܒ̈ܝ݂ܫܐ܃
32.03:16 ܒܫ̈ܒܥܐ ܥ̈ܐܦܝܢ ܡܬܦܪܥܝܢ ܒܥܘܒܗܘܢ܂ ܒ̈ܫܒܥܐ
32.03:17 ܕܝܢ ܥܡ̈ܘܕܐ݂ ܒܝܬܐ ܕܚܟܡܬܐ ܡܣܬ݂ܡܟ܂
32.03:18 ܒܟܠܗܝܢ ܕܝܢ ܗܠܝܢ ܥ̈ܝܢܐ܃ ܘܟܐܦܐ ܕܙܘܪܒܒܝܠ
32.03:19 ܡܨܛܒܬܐ ܗ݀ܘܬ܂ ܫܒܝܥܐܝܬ ܕܝܢ ܒܝܘܡܐ ܐܠܗܐ
32.03:20 ܡܫܬ݁ܒܚ܂ ܘܥܩܪܬܐ ܕܝܠܕܐ ܫ̈ܒܥܐ ܡܢܝ̈ܢܐ܃
32.03:21 ܫܒܥܐ ܠܡܢܝܢܐ ܡܫܡܠܝܐ܃ ܗ݀ܝ ܕܣܝ݂ܡܐ
32.03:22 ܣܩܘܒܠܐܝܬ ܠܗ݀ܝ ܕܠܐ ܡܫܡܠܝܐ ܒܒ̈ܢܝܐ܃
32.04:01 ܐܢ ܕܝܢ ܙ݁ܕܩ ܕܒ̈ܬܫܥܝܬܐ ܥ̈ܬܝܩܬܐ ܢܬܒ݁ܩܐ܃
32.04:02 ܡܣܬ݁ܟܠ ܐܢܐ ܡ݁ܢ܃ ܠܚܢܘܟ ܗ݀ܘ ܕܫ̈ܒܥܐ ܒ̈ܝܠܕܐ
34.04:03 ܩ̈ܕܡܝܐ܃ ܕܒܫܘܢܝܐ ܡܬܝܩܪ܂ ܡܣܬ݁ܟܠ ܐܢܐ ܕܝܢ݂
34.04:04 ܘܠܐܒܪܗܡ ܗ݀ܘ ܕܥܣܪ̈ܝܢ ܘܚܕ܃ ܕܒܪܝܫ
34.04:05 ܐܒܗܘܬܐ ܡܫܬ݁ܒܚ܃ ܬܘܣܦܬܐ ܕܪܐܙܐ ܪܒܐ܂

▼ later lines