← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60453: GregOr Oration XLI ms. S1

Click on a word for lexical analysis
Click on a red-colored coordinate for comments and/or translations of the line

▲ earlier lines

36.04:19 ܕܝܠܗ܃ ܐܫܝܕܘܬܐ ܕܥܠ ܨܠܝ̈ܚܐ܃ ܟܕ ܢܘܪܐ
36.04:20 ܡܫܬܕܪܬ ܡܢ ܐܠܗܐ ܠܕܒܚܐ ܛܠܩ݂ܬ܃ ܘܠܢ̈ܒܝܐ
36.04:21 ܕܒܗܬܬܐ ܚܝ݂ܒܬ܃ ܕܠܐ ܐܫܟܚܘ ܕܫܘܝܐ ܡܢ
36.04:22 ܩܕܝܡܘܬ ܩܪܝܬܐ܂ ܗܟܢܐ ܘܕܘܩܐ ܕܫ̈ܒܥܐ
36.04:23 ܕܥܢܢܐ܃ ܕܐܬ݂ܦܩܕ ܠܗ̈ܘ ܛܠܝܐ܃ ܗܦܘܟܝܐ ܕܝܢ
36.04:24 ܫܘܝܐ ܕܐܠܝܫܥ ܕܠܘܬ ܒܪܗ݀ ܕܫܝܠܘܡܝܬܐ܃
38.04:25 ܕܒܣܘܩܐ ܐܚܝ܂ ܕܝܠܗ ܕܝܢ ܕܝܘܠܦܢܐ ܣ݁ܒܪ ܐܢܐ܂
38.04:26 ܕܠܐ ܐ݁ܡܪ܃ ܡܢܪܬܐ ܕܫ̈ܒܥܐ ܩܢ̈ܝܢ ܘܕܫ̈ܒܥܐ
38.04:27 ܫܪ̈ܓܐ ܕܗܝܟܠܐ܂ ܒܫ̈ܒܥܐ ܕܝܢ ܝܘ̈ܡܝܢ ܟܗܢܐ
38.04:28 ܡܫܬܡܠܐ܂ ܘܒܫ̈ܒܥܐ ܓܪܒܢܐ ܡܬ݁ܕܟܐ܂
38.04:29 ܘܒܟܠܗܘܢ ܗܠܝܢ ܗܝܟܠܐ ܡܬܚܕܬ܂ ܒܫܢܬܐ
38.04:30 ܕܝܢ ܕܫ̈ܒܥܝܢ܃ ܘܥܡܐ ܡܢ ܫܒܝܐ ܦܲܢܐ܂ ܐܝܟܢܐ
38.04:31 ܕܗ݀ܝ ܕܐܝܬܝܗ݀ ܒܠܚ̈ܘܕܝܬܐ܃ ܗܕܐ݂ ܒܥܣܝܪ̈ܝܬܐ
38.04:32 ܬܗܘܐ܂ ܘܒܡܢܝܢܐ ܕܝܬܝܪ ܓܡܝܪ܃ ܪܐܙܐ ܕܫܒܬܐ
38.04:33 ܢܬܝܩܪ܂ ܠܡܢܐ ܠܝ ܕܗܠܝܢ ܕܪ̈ܚܝܩܢ ܐ݁ܡܪ܂ ܗ݀ܘ ܕܝܢ
38.04:34 ܝܫܘܥ ܕܟܝܘܬܐ ܗ݀ܝ ܓܡܝܪܬܐ܃ ܝ݁ܕܥ ܡ݁ܢ
38.04:35 ܕܢܬܪܣܐ ܒܚܘܪܒܐ ܘܒܚ̈ܡܫܐ ܠܚ̈ܡܝܢ ܚ̈ܡܫܐ
38.04:36 ܐ̈ܠܦܝܢ܃ ܝ݁ܕܥ ܕܝܢ܃ ܘܒܫ̈ܒܥܐ ܐܪ̈ܒܥܐ ܐ̈ܠܦܝܢ܂
38.04:37 ܘܬܘܒ ܫܪ̈ܟܢܐ ܕܣܒܥܐ܃ ܠܗܠ ܡ݁ܢ݂ ܬܪܥܣܪ
38.04:38 ܩ̈ܘܦܝܢܝܢ܂ ܗܪܟܐ ܕܝܢ݂ ܫܒܥܐ ܣܦܪ̈ܕܝܢ܂ ܘܠܐ
38.04:39 ܕܝܢ ܚܕܐ ܡܢܗܝܢ ܕܠܐ ܡܠܬܐ܂ ܐܝܟ ܕܣ݁ܒܪ
40.04:40 ܐܢܐ܃ ܘܠܐ ܕܠܐ ܫ̈ܘܝܢ ܠܪܘܚܐ܂ ܘܐܢܬ ܠܘܬ
40.04:41 ܢܦܫܟ ܟܕ ܡܟܢܫ ܐܢܬ܃ ܡ̈ܢܝܢܐ ܣ̈ܓܐܐ ܢܛ݁ܪ
40.04:42 ܐܢܬ܃ ܕܐܝܬ ܒܗܘܢ ܡܕܡ ܕܝܬܝܪ ܥܡ݂ܝܩ܃ ܡܢ ܗ݀ܘ
40.04:43 ܡܐ ܕܡܬܚܙܐ܃ ܗ݀ܘ ܕܝܢ ܕܝܬܝܪ ܡܢ ܟܠܡܕܡ ܚ݁ܫܚ
40.04:44 ܠܙܒܢܐ ܕܗܫܐ܃ ܕܟܒܪ ܐܝܟ ܡ̈ܠܐ ܗܠܝܢ܃ ܐܘ
40.04:45 ܕܩܪ̈ܝܒܢ ܠܗܠܝܢ܃ ܐܚܪ̈ܢܝܬܐ ܐܘ ܕܝܬܝܪ ܐ̈ܠܗܝܢ܂
40.04:46 ܡܝܩܪ̈ܝܢ ܡ݁ܢ ܥܒܪ̈ܝܐ ܠܝܘܡܐ ܕܦܢ݂ܛܩܘܣܛܐ܂
40.04:47 ܡܝܩܪܝܢ ܚܢܢ ܕܝܢ ܘܚܢܢ܂ ܐܝܟܢܐ ܕܐܝܬ ܐܚܪ̈ܢܝܬܐ
40.04:48 ܡܢ ܥܒܪ̈ܝܬܐ܃ ܕܠܘܬ ܗ݀ܢܘܢ ܡܫܬ݁ܡܠܝܢ ܡ݁ܢ
40.04:49 ܛܘܦܣܢܐܝܬ܃ ܪܐܙܢܐܝܬ ܕܝܢ ܠܢ ܡܬܩܝܡܢ܂ ܟܕ
40.04:50 ܟܠܗܝܢ ܗܠܝܢ ܡܛܠ ܗܢܐ ܝܘܡܐ ܩܕܡܢ
40.04:51 ܐܡܪܢܢ܃ ܠܘܬ ܫܪܟܢܐ ܕܡܠܬܐ ܢܫܬܘܫܛ܂
42.05:01 ܦܢܛܩܣܬܐ ܡܥܕܥܝܕܝܢܢ ܘܡܐܬܝܬܐ ܕܪܘܚܐ܂
42.05:02 ܘܦܪܘܬܣܡܝܐ ܕܫܘܘܕܝܐ܃ ܘܡܘܠܝܐ ܕܣܒܪܐ܂
42.05:03 ܘܪܐܙܐ ܕܟܡܐ ܪܒ ܘܣܓܝܕ܂ ܦܓܪ̈ܢܝܬܐ ܡ݁ܢ
42.05:04 ܕܡܫܝܚܐ܃ ܫܘܠܡܐ ܐܝܬ ܠܗܝܢ܃ ܡܠܘܢ ܕܝܢ݂ ܗܠܝܢ
42.05:05 ܕܒܡܐܬܝܬܐ ܦܓܪܢܝܬܐ܂ ܡܡܐܢ ܐܢܐ ܓܝܪ
42.05:06 ܕܐܡܪ ܗܠܝܢ ܕܦܓܪܐ ܥܕܡܐ ܕܡܠܬܐ ܡܕܡ
42.05:07 ܠܐ ܡܦܝܣܐ ܠܝ ܕܫܦܝܪܐܝܬ ܐܫ݁ܬܠܡ ܗܠܝܢ
42.05:08 ܕܦܓܪܐ܃ ܗܠܝܢ ܕܝܢ ܕܪܘܚܐ ܡܫܪܝܢ܂ ܐܝܠܝܢ ܕܝܢ
42.05:09 ܐܝܬܝܗܝܢ ܗ̈ܘܝ ܕܡܫܝܚܐ܂ ܐܝܠܝܕܘܬܐ
42.05:10 ܕܒܬܘܠܬܐ݂ ܐܘܪܝܐ܂ ܟܘܪܟ ܥܙܪܘܪ̈ܐ܂ ܡܠܐ̈ܟܐ
44.05:11 ܕܡܫܒܚ‍[‍ܝܢ‍]‍܂ ܪ̈ܥܘܬܐ ܕܨܐܕܘܗܝ ܪܗܛܝܢ܂ ܪܗܛܐ
44.05:12 ܕܟܘܟܒܐ܂ ܣܓܕܬܐ ܕܡ̈ܓܘܫܐ ܘܡܝܬܝܘܬ
44.05:13 ܐܝܩܪܐ܂ ܩܛܝܠܘܬ ܫܒܪ̈ܐ ܕܗܪܘܕܝܣ܂ ܝܫܘܥ ܕܥ݁ܪܩ
44.05:14 ܠܡܨܪ̈ܝܢ ܕܦܢ݁ܐ ܡܢ ܡܨܪܝܢ܂ ܕܓܙܝܪ܂ ܕܥ݁ܡܕ܂
44.05:15 ܕܡܣܬ݂ܗܕ ܡܢ ܠܥܠ܂ ܕܡܬܢܣܐ܂ ܕܡܬܪܓܡ
44.05:16 ܡܛܠܬܢ܂ ܠܗ݀ܢܘܢ ܕܛܘ̈ܦܣܐ ܙܕܩܢ ܗ̈ܘܝ
44.05:17 ܕܢܬܝܗ̈ܒܢ܃ ܠܩܘ̈ܦܚܐ ܕܚܠܦ ܡܠܬܐ܂ ܕܡܫ݂ܬܠܡ܂
44.05:18 ܕܡܬܩ݁ܒܥ܂ ܕܡܬܩܒܪ܂ ܕܩܐܡ܃ ܕܣܠ݂ܩ܂ ܕܡܢܗܝܢ

▼ later lines