The Comprehensive Aramaic Lexicon

92.16:13	ܛܒ݁ܥ ܡܪܝܐ ܘܦܲܠܓ ܠܫ̈ܢܝܗܘܢ܂ ܠܡܢܐ܂ ܕܪܚܡܘ
92.16:14	ܟܘܠ ܡܠܬܐ ܕܛܘܒ݁ܥܐ܂ ܠܫܢܐ ܢܟܘܠܬܢܐ܂
92.16:15	ܒܠܚܘܕ݂ ܕܠܐ ܓܠܝܐܝܬ ܠܠܫ̈ܢܐ ܕܗܪܟܐ ܥ݁ܕܠ܃ ܗܠܝܢ
94.16:16	ܕܐܠܗܘܬܐ ܡܦܣ݁ܩܝܢ܂ ܗܠܝܢ ܡ݁ܢ ܗܟܝܠ ܟܠܗ
94.16:17	ܗܢܐ܂
94.17:01	ܡܛܠ ܕܝܢ ܕܠܝܗ̈ܘܕܝܐ ܢܟ̈ܦܐ ܕܥܡܪܝܢ
94.17:02	ܒܐܘܪܫܠܡ܃ ܦܪ̈ܬܘܝܐ܃ ܡ̈ܕܝܐ܃ ܐ̈ܠܢܝܐ܃ ܡܨܪ̈ܝܐ܃
94.17:03	ܘܠܘ̈ܒܝܐ܃ ܩܪ̈ܛܝܐ܃ ܥܪ̈ܒܝܐ܃ ܗܠܝܢ ܕܒܝܬ ܢܗܪ̈ܝܢ܃
94.17:04	ܘܠܩ̈ܦܘܕܩܝܐ ܕܝܠܝ܃ ܡܡܠܠܝܢ ܗܘܘ ܠܫ̈ܢܐ܃ ܘܠܗܠܝܢ
94.17:05	ܕܡܢ ܟܠ ܥ̈ܡܡܐ ܡܢ ܝܗ̈ܘܕܝܐ ܗܠܝܢ ܕܬܚܝܬ
94.17:06	ܫܡܝܐ܃ ܐܢ ܠܐܢܫ ܪܚܝܡܐ ܕܗܟܢܐ ܢܣܬ݁ܟܠ܃
94.17:07	ܕܬܡܢ ܡܟܢܫܝܢ ܗܘܘ܃ ܫ݁ܘܝܐ ܠܡܚܙܐ܃ ܐܝܠܝܢ
94.17:08	ܐܝܬܝܗܘܢ ܗܠܝܢ܂ ܘܡܢ ܐܝ̈ܕܐ ܫܒܝܬܐ܂ ܗ݀ܝ ܡ݁ܢ
94.17:09	ܓܝܪ ܕܒܡܨܪܝܢ ܘܒܒܒܠ܃ ܡܣܝܟܬܐ ܐܝܬܝܗ݀
94.17:10	ܗܘܬ ܘܡܢ ܢܘܓܪܐ܃ ܒܦܘܢܝܐ ܫܪܝܐ ܗܘܬ܂ ܗ݀ܝ
94.17:11	ܕܝܢ ܕܡܢ ܪ̈ܗܘܡܝܐ܃ ܠܐ ܥܕܟܝܠ ܗܘ݂ܬ ܗܘܬ܂
94.17:12	ܥܬܝܕܐ ܗܘܬ ܕܝܢ܃ ܕܬܒܥܬܐ ܐܝܬܝܗ݀ ܗܘܬ܃
94.17:13	ܕܡܪܚܘܬܐ ܕܥܠ ܦܪܘܩܢ܂ ܫܪܟܐ ܕܝܢ ܕܗ݀ܝ
96.17:14	ܕܒܝ̈ܘܡܬܗ ܕܐܢܛܝܘܟܘܣ ܗܕܐ ܢܣ݂ܒܪ ܕܠܘ
96.17:15	ܣ݁ܓܝ ܡܢ ܗܠܝܢ ܙܒ̈ܢܐ ܩܫܝܫܐ ܗܘܬ܂ ܐܢ ܕܝܢ
96.17:16	ܐܢܫ܃ ܠܗܢܐ ܦܘܫܩܐ ܠܐ ܡܩ݁ܒܠ܃ ܐܝܟ ܡܐ
96.17:17	ܕܝܬܝܪ ܡ݁ܥܩܒ܃ ܠܘ ܓܝܪ ܝܬܝܪ ܥܬܝܩܬܐ ܐܝܬܝܗ݀
96.17:18	ܗܘܬ ܫܒܝܬܐ܃ ܘܠܐ ܒܣܘܓܐܐ ܕܬܒܝܠ
96.17:19	ܐܬܐܫܕܬ܃ ܒܥ݁ܐ ܕܝܢ ܗ݀ܝ ܕܝܬܝܪܐܝܬ ܡܦܝܣܐ܃
96.17:20	ܗ݀ܝ ܟܒܪ ܕܢܣ݂ܒܪ܃ ܡܝܬܪܐ ܕܙܒ̈ܢܝܢ ܡ݁ܢ
96.17:21	ܣ̈ܓܝܐܢ܃ ܘܡܢ ܣ̈ܓܝܐܐ܃ ܚ݁ܠ݂ܦ ܥܡܐ ܕܘ̈ܟܬܝܐ܂
96.17:22	ܐܝܟ ܡܐ ܕܐܫ݁ܬܥܝ ܥܙܪܐ܃ ܡܢܗܝܢ ܡ݁ܢ ܕܫܪ̈ܒܬܐ݂
96.17:23	ܐܫܬܘܙܒ܂ ܡܢܗܝܢ ܕܝܢ ܐܫܬ݂ܒܩ܂ ܗ݀ܢܝܢ ܕܐܝܟ
96.17:24	ܕܡܣܬ݂ܒܪܐ ܐܙܕܪܥ ܒܥ̈ܡܡܐ ܣ̈ܓܝܐܐ܂ ܗܝܕܝܢ
96.17:25	ܩܪܝܒܝܢ ܗܘܘ ܐܢ̈ܫܝܢ܃ ܘܡܫܬܘܬܦܝܢ ܗܘܘ
96.17:26	ܠܬܕܡܘܪܬܐ܂
98.18:01	ܘܗܠܝܢ ܩ݁ܕܡ ܐܬܒ݁ܚܢ܃ ܠܪ̈ܚܡ݁ܝ ܝܘܠܦܢܐ܂ ܟܒܪ
98.18:02	ܕܝܢ ܠܘ ܡܥܩܒ݁ܢܐܝܬ܂ ܘܐܢ ܗ݂ܘ ܕܐܢܫ ܡܕܡ
98.18:03	ܐܚܪܢ ܐܟܚܕܐ ܢ݁ܝܬܐ ܠܝܘܡܐ ܗܢܐ܃ ܘܠܢ ܗܕܐ
98.18:04	ܗ݀ܘܐ ܕܟܢܫ܂ ܠܢ ܕܝܢ ܟܢܘܫܝܐ ܡܢ ܟܕܘ ܙ݁ܕܩ ܕܢܫ݂ܪܐ܂
98.18:05	ܣܦܩܐ݁ ܓܝܪ ܡܠܬܐ܂ ܚܓܐ ܕܝܢ ܘܠܐ ܡܡܬܘܡ܂
98.18:06	ܐܠܐ ܙ݁ܕܩ݂ ܕܢܥܕܥܝܕ ܗܫܐ ܡܢ ܘܓܘܫܡܢܐܝܬ܂
98.18:07	ܒܬܪ ܩܠܝܠ ܕܝܢ ܟܠܗܲ ܪܘܚܢܐܝܬ܂ ܐܝܟܐ ܕܐܦ
98.18:08	ܡ̈ܠܐ ܗܠܝܢ ܐܝܬ ܠܢ ܕܢܕܥ܃ ܝܬܝܪ ܕܟܝܐܝܬ݂ ܘܝܬܝܪ
98.18:09	ܢܗܝܪܐܝܬ܂ ܒܗ ܒܡܠܬܐ ܘܐܠܗܐ ܘܡܪܢ܃ ܝܫܘܥ
98.18:10	ܡܫܝܚܐ܃ ܒܥܐܕܐ ܕܫܪܪܐ ܘܕܝܝ݁ܨܐ ܕܗ݀ܢܘܢ
98.18:11	ܕܡܬ݂ܦܪܩܝܢ܂ ܕܥܡܗ ܬܫܒܘܚܬܐ ܘܣܓܕܬܐ
98.18:12	ܠܐܒܐ ܥܡ ܪܘܚܐ ܩܕܝܫܐ܃ ܠܥܠܡ ܥܠܡܝܢ ܐܡܝܢ܀