60454: ThMAA (Theodore of Mopsuestia, Against the Allegorists)
Click on a word for lexical analysis
Click on a red-colored coordinate for comments and/or translations of the line
| 01:01 | ܬܘܒ ܥܠ ܚܝܠܐ ܡܚܝܠܢܐ ܕܡܚܝ̈ܠܐ܃ ܟܬܒܝܢܢ ܩܠܝܠ ܢܘܗܪܐ |
| 01:02 | ܕܝܠܗܘܢ ܕܡܙܡܘܪ̈ܐ ܕܛܘܒܢܐ ܕܘܝܕ܃ ܕܥܒܝܕ ܠܩܕܝܫܐ ܡܪܝ |
| 01:03 | ܬܐܕܘܪܘܣ ܪܒܐ ܡܦܫܩܢܐ ܬܒܝܠܝܐ ܣܓܝ ܢܘܗܪܐ܂ ܒܪܡ ܕܝܢ |
| 01:04 | ܐܨܚܬܐ ܕܡܢܗ݀ ܢܣܒܢܢ܃ ܗܟܢܐ ܥܬܝܩܐ ܗܘܬ ܕܠܐ ܡܬܩܪܝܢ |
| 01:05 | ܗܘܘ ܒܗ݀ ܟܠܗܘܢ ܦܬܓܡ̈ܐ ܡܫܡܠܝܐܝܬ ܐܝܟ ܕܚܙܐܢܬ܂ |
| 01:06 | [܂܂܂] ܠܗ ܠܡܫܬܥܒܕܘ ܠܡܫܝܚܐ [܂܂܂] ܬܘܒ ܐܢܝܢ |
| 01:07 | ܠܢܫ̈ܐ܃ ܐܝܟ ܕܐܦ ܡܫܝܚܐ ܡܬܚܙܐ ܕܡܚܒ ܠܗ݀ ܠܥܕܬܐ܂ ܬܘܒ |
| 01:08 | ܕܝܢ ܕܐܦ ܠܡܚܫ ܥܠ ܐܦܝ̈ܗ݀ ܓܒ݂ܐ ܠܗ܂ |
| 01:09 | ܘܟܢ ܡܢ ܒܬܪ ܩܠܝܠ ܐܡ݂ܪ܂ ܡ݁ܢ ܕܪܚ݁ܡ ܐܢܬܬܗ ܢܦܫܗ ܪܚ݁ܡ܂ ܠܐ |
| 01:10 | ܓܝܪ ܐܢܫ ܡܡܬܘܡ ܣ݁ܢܐ ܦܓܪܗ܂ ܐܠܐ ܡܬܪܣܐ ܠܗ ܘܡܚܒܒ |
| 01:11 | ܠܗ܂ ܟܕ ܠܗܕܐ ܕܦܓܪܗ ܕܓܒܪܐ ܐܝܬܝܗ݀ ܐܢܬܬܐ܃ ܐܡܪܗ݀ ܡܢ |
| 01:12 | ܥܒܘܕܘܬܐ ܩܕܡܝܬܐ܂ ܘܟܕ ܡܩܦ ܠܗܝܢ ܬܘܒ ܠܗܠܝܢ ܕܡܫܝܚܐ |
| 01:13 | ܡܝܬܐ ܘܐܡ݁ܪ܃ ܐܟܙܢܐ ܕܐܦ ܡܫܝܚܐ ܠܥܕܬܐ܂ |
| 01:14 | ܘܡܛܠ ܕܕܠܐ ܦܝܣܐ ܒܕܘܟ ܡܣܬܒܪܐ ܗܘܬ ܗܕܐ ܕܦܓܪܗ |
| 01:15 | ܢܗܘܐ ܐܝܬܝܢ ܕܡܫܝܚܐ܃ ܘܐܝܟ ܕܒܕܡܘܬܐ ܕܡܬܬܚܒܐ |
| 01:16 | ܥܕܬܐ ܡܢܗ܃ ܟܗܢܐ ܢܚܒܘܢ ܓܒܪ̈ܐ ܢܫܝ̈ܗܘܢ܃ ܡܝܬܐ |
| 01:17 | ܘܐܡ݁ܪ܂ ܡܛܠ ܕܗܕܡ̈ܐ ܚܢܢ ܕܦܓܪܗ܂ ܘܡܢ ܒܣܪܗ ܘܡܢ ܓܪ̈ܡܘܗܝ܂ |
| 01:18 | ܢܩܝܦܘܬܐ ܠܡ ܡܕܡ ܟܝܢܝܬܐ ܩܢܝܢܢ ܘܐܦ ܚܢܢ ܠܘܬܗ܂ ܐܟܙܢܐ |
| 01:19 | ܕܐܦ ܡܢ ܠܘܬ ܐܕܡ ܩܒܠܬ ܚܘܐ ܩܘܝܡܐ܃ ܕܡܢܬܐ ܡܕܡ |
| 01:20 | ܙܥܘܪܬܐ ܐܬܢܣܒܬ ܡܢܗ܃ ܗܟܢܐ ܡܘܗܒܬܐ ܕܪܘܚܐ ܗ݀ܝ |