← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60454: ThMAA (Theodore of Mopsuestia, Against the Allegorists)

Click on a word for lexical analysis
Click on a red-colored coordinate for comments and/or translations of the line

02:01 ܕܩܒܠܢܢ ܟܕ ܡܢܥܢܢ ܬܢܢ ܠܡܘܠܕܐ ܕܡܢܕܪܫ ܕܒܡܥܡܘܕܝܬܐ܃ ܗ݀ܝ
02:02 ܪܒܗ݀ ܡܣܟܝܢ ܚܢܢ ܠܡܗܘܐ ܒܥܠܡܐ ܕܥܬܝܕ ܒܗ ܒܛܟܣܐ܂
02:03 ܓܠܝܐ ܗܝ ܓܝܪ ܕܢܣܝܒܘܬܐ ܕܗܠܝܢ ܕܥ̈ܬܝܕܢ܃ ܗ݀ܢܘ ܕܝܢ ܩܝܡܬܐ
02:04 ܘܠܐ ܡܝܘܬܘܬܐ ܢܬܠ ܠܢ ܫܘܬܦܘܬܐ ܕܠܘܬܗ܂ ܐܟܙܢܐ ܓܝܪ
02:05 ܕܐܕܡ ܒܥܠܡܐ ܗܢܐ ܗܘܐ܃ ܐܝܟ ܕܢܗܘܐ ܪܫܐ ܕܟܠܗܘܢ
02:06 ܒܢܝ̈ܢܫܐ܃ ܗܟܢܐ ܐܦ ܒܥܠܡܐ ܕܥܬܝܕ ܡܫܝܚܐ ܕܒܒܣܪ ܢܬܚܙܐ
02:07 ܕܐܝܬܘܗܝ ܪܫܐ ܕܟܠ܂ ܘܡܩܒܠܝܢ ܚܢܢ ܕܝܢ ܒܥܠܡܐ ܗܢܐ ܕܡܝܘܬܐ
02:08 ܕܟܝܢܐ ܕܠܘܬ ܐܕܡ܂ ܒܗ݀ܘ ܕܝܢ ܕܥܬܝܕ ܠܘܬ ܡܫܝܚܐ ܕܒܒܣܪ܂
02:09 ܘܟܢ ܐܡ݁ܪ܂ ܡܛܠ ܗܢܐ ܢܫܒܘܩ ܓܒܪܐ ܠܐܒܘܗܝ ܘܠܐܡܗ܃
02:10 ܘܢܩܦ ܠܐܢܬܬܗ܂ ܘܢܗܘܘܢ ܬܪ̈ܝܗܘܢ ܚܕ ܒܣܪ܂ ܡܢ ܣܡܗ݀
02:11 ܠܗܕܐ ܡܢ ܟܬܒܐ ܐܠܗܝܐ ܡܝܬܐ ܘܐܡ݁ܪ܂ ܫܪܝܪܐܝܬ ܪܒܘ ܐܪܙܐ
02:12 ܗܢܐ܂ ܘܕܠܐ ܬܣܬܒܪ ܠܢ ܕܟܠ ܐܕܡ ܘܚܘܐ ܐܡ݁ܪ܃ ܠܘܩܕܡ ܠܗ
02:13 ܡܚܘܐ ܘܐܡ݁ܪ܂ ܐܢܐ ܕܝܢ ܐܡ݁ܪ ܐܢܐ ܥܠ ܡܪܢ ܘܥܠ ܥܕܬܐ܂
02:14 ܚܠܦ ܕܢܐܡܪ܃ ܗܕܐ ܕܐܡܝܪܐ ܥܠ ܓܒܪܐ ܘܐܢܬܬܐ ܐܪܙܢܐܝܬ
02:15 ܥܠ ܡܫܝܚܐ ܘܥܕܬܐ ܡܫܬܡܠܝܐ ܬܡܝܗܐܝܬ܂ ܡܢܬܐ ܓܝܪ
02:16 ܙܥܘܪܬܐ ܐܬܢܣܒܬ ܡܢ ܐܕܡ܂ ܗ݀ܝ ܕܡܢܗ݀ ܗܘܬ ܚܘܐ܃
02:17 ܘܐܬܩܝܡ ܓܢܣܐ ܟܠܗ ܕܒܢܝ̈ܢܫܐ܂ ܘܒܗ݀ ܒܕܡܘܬܐ ܘܐܦ ܥܠ
02:18 ܡܫܝܚܐ܂ ܕܟܕ ܠܟܠܗ݀ ܡܘܗܒܬܐ ܕܪܘܚܐ ܩܢܐ ܗܘܐ ܒܗ܃ ܡܕܡ
02:19 ܠܥܘܪܐ ܐܬܢܣܒ ܡܢܗ ܘܐܬܝܗܒ ܠܫܠܝ̈ܚܐ܃ ܘܗܟܢܐ ܒܝܕ
02:20 ܢܣܝܒܘܬܐ ܡܬܝܒܠܐ ܨܝܕ ܗܠܝܢ ܕܫܪܟܐ ܒܐܝܕܐ ܒܐܝܕܐ܃ ܒܝܕ
02:21 ܟܗ̈ܢܐ ܕܒܙܒܢ܃ ܘܡܟܪܙܐ ܠܟܠ ܡܘܠܕܐ ܕܡܢܕܪܫ
02:22 ܒܡܥܡܘܕܝܬܐ܃ ܗ݀ܝ ܕܡܢܗ݀ ܡܬܝܗܒ ܠܢ ܡܢ ܗܪܟܐ܃ ܕܡܝܘܬܐ
02:23 ܕܛܘܦܣܐ ܕܡܫܝܚܐ܂ ܒܥܠܡܐ ܕܝܢ ܕܥܬܝܕ܂ ܢܣ݁ܒܝܢ ܠܗ݀
02:24 ܠܕܡܝܘܬܐ ܚܬܝܬܬܐ ܕܩܝܡܬܐ ܘܠܐ ܡܝܘܬܘܬܐ܂ ܐܝܟ ܕܐܦ
02:25 ܫܠܝܚܐ ܐܡ݁ܪ܂ ܗ݀ܝ ܕܗܘ ܢܫܚܠܦ ܦܓܪܐ ܕܡܘܟܟܢ܃ ܕܢܗܘܐ ܒܢܝ̈
02:26 ܕܡܘܬܐ ܕܫܘܒܚܗ܂ ܐܝܟ ܕܗܘܬ ܝܕܝܥܐ ܠܟܠ܃ ܕܠܘ ܐܝܟ ܡ݁ܢ
02:27 ܕܥܠ ܡܪܢ ܘܥܕܬܐ ܐܡܝܪ̈ܢ ܗܘܝ̈ ܗܠܝܢ ܕܐܡ݁ܪ܂ ܐܠܐ ܥܠ
02:28 ܓܒܪ̈ܐ ܘܢܫ̈ܐ܂ ܟܕ ܡܡܠܠ ܗܘܐ܃ ܡܛܠ ܕܣܓܝ ܐ݁ܠܨܐ ܗܘܬ܃
02:29 ܐܬܪܥܝ ܕܒܝܕ ܬܚܘܝܬܐ ܗܠܝܢ ܕܡܫܝܚܐ ܢܠܦ ܐܢܘܢ܃ ܕܗܘܘ