← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60454: ThMAA (Theodore of Mopsuestia, Against the Allegorists)

Click on a word for lexical analysis
Click on a red-colored coordinate for comments and/or translations of the line

04:01 ܓܘܕܐ ܒܚܪܒܬܐ܂ ܐܘ ܕܓܪ̈ܡܝ ܚܘܪܘ ܐܝܟ ܡܘ̈ܩܕܐ܂ ܘܠܫܪܟܐ
04:02 ܕܐܡܝܪ̈ܢ ܒܕܡܘܬܐ ܗܕܐ܂ ܓܠܝܐܝܬ ܐܝܟ ܐܘܚܕܬܐ ܚܕܬܐ
04:03 ܣܐ݁ܡ ܠܗܝܢ܃ ܒܐܣܟܝܡܐ ܕܦܐܐ ܠܗܝܢ ܠܗܠܝܢ ܕܡܬܐܡܪ̈ܢ܂
04:04 ܐܡܬܝ ܕܢܐܡܪ ܕܥܒ݂ܕ ܐܝܟ ܩܫܬܐ ܕܢܚܫܐ ܕܪ̈ܥܝ܃ ܐܘ ܗ݀ܝ
04:05 ܕܠܡܫܕܐ ܒܛܘܫܝܐ ܒܬܡܝܡܐ܃ ܘܕܫܪܟܐ ܕܐܝܟ ܗܠܝܢ ܠܘ
04:06 ܐܘܚܕܬܢܐܝܬ ܐܡ݁ܪ ܠܗܝܢ ܠܕܡܘ̈ܬܗܝܢ ܒܠܚܘܕ ܐܠܐ ܐܝܟ ܕܐܦ
04:07 ܢܣܬܒܪ̈ܢ ܕܚܠܦܝܗܘܢ ܕܝܠܗܘܢ ܕܣܘܥܪ̈ܢܐ ܣܝ̈ܡܢ܂ ܙܕܩ݁ ܗܘܐ
04:08 ܓܝܪ ܕܢܐܡܪ܂ ܕܥܒ݂ܕ ܐܝܟ ܩܫܬܐ ܕܢܚܫܐ ܕܪ̈ܥܝ܂ ܡܛܠ ܕܐܦܠܐ
04:09 ܓܝܪ ܩܫܬܐ ܕܢܚܫܐ ܥܒ݂ܕ ܐܢܘܢ ܠܕܪ̈ܥܘܗܝ܂ ܐܠܐ ܐܢ ܟܕ
04:10 ܕܠܡܐ ܐܝܟ ܩܫܬܐ܂ ܘܐܟܘܬܗ݀ ܕܗܕܐ ܐܝܬܝܗ݀ ܘܐܦ ܗ݀ܝ
04:11 ܕܠܡܫܕܐ ܒܥܡܛܢܐ ܒܬܪ̈ܝܨܝ ܠܒܐ܂ ܚܠܦ ܕܢܐܡܪ܃ ܠܡܫܕܐ ܐܝܟ
04:12 ܕܒܥܡܛܢܐ܂ ܗܕܐ ܓܝܪ ܒܥ݁ܐ ܠܡܐܡܪ܂ ܕܐܝܟ ܗ݀ܘ ܕܒܚܫܘܟܐ
04:13 ܥܡܘܛܐ ܟܠܡܕܡ ܣܥܪܝܢ ܗܘܘ܂ ܘܟܣܝܢ ܥܠ ܐܦܝ̈ ܐܝܠܝܢ
04:14 ܕܣܥ݁ܪܝܢ܂ ܗܟܢܐ ܠܒܝܒܝܢ܂ ܐܡ݁ܪ ܕܝܢ ܠܡܫܕܐ ܒܥܡܛܢܐ܃ ܟܕ
04:15 ܡܬܚܫܚ ܒܥܝܕܐ ܗܢܐ ܣܒܝܣܐܝܬ܂ ܟܕ ܐܝܟ ܕܒܬܡܗܐ ܐܡ݁ܪ
04:16 ܠܗܝܢ ܠܐܘܚ̈ܕܬܗ ܙܒ̈ܢܬܐ ܣܓܝ̈ܐܬܐ܂ ܕܐܝܟ ܐܝܟܢ܂ ܓܘܪܝܐ
04:17 ܕܐܪܝܐ ܩ݁ܪܐ ܛܘܒܢܐ ܕܘܝܕ ܠܐܪܝܐ ܥܠܝܡܐ܂ ܒܡܙܡܘܪܐ ܓܝܪ
04:18 ܕܚܡܫܝܢ ܘܫܒܥܐ ܐܡ݁ܪ ܗܟܢܐ܂ ܕܫܕܪ ܐܠܗܐ ܛܝܒܘܬܗ
04:19 ܘܩܘܫܬܗ܃ ܘܦ݂ܪܩ ܢܦܫܝ ܡܢ ܒܝܢܬ ܟ̈ܠܒܐ܂ ܗܟܢܐ ܓܝܪ ܐܡ݁ܪ
04:20 ܝܘܢܝܐ܂ ܚܠܦ ܕܢܐܡܪ܂ ܒܐܪ̈ܝܘܬܐ ܬܩܝ̈ܦܐ܂ ܙ݁ܕܩ ܗܘܐ ܓܝܪ
04:21 ܕܢܐܡܪ܂ ܫܕܪ ܐܠܗܐ ܛܝܒܘܬܗ ܘܩܘܫܬܗ܃ ܘܦ݂ܪܩ ܢܦܫܝ ܐܝܟ
04:22 ܕܡܢ ܒܝܬ ܐܪ̈ܝܘܬܐ܂ ܐܡ݁ܪ ܕܝܢ ܗܘ ܕܠܐ ܗ݀ܝ ܕܐܝܟ܃ ܐܝܕܐ ܕܝܢ
04:23 ܕܐܠܨܐ܃ ܝܬܝܪ ܒܐܣܟܝܡܐ ܥܒ݁ܕ ܠܗ݀ ܕܐܘܚܕܬܐ܂ ܘܬܘܒ ܡܛܠ
04:24 ܕܥܝܕܐ ܐܝܬ ܠܐܪ̈ܝܘܬܐ ܒܫܢܝ̈ܗܘܢ ܠܡܬܒܪ܃ ܘܒܠܫܢܗܘܢ
04:25 ܕܡܐ ܠܡܐܠܥ܃ ܒܐܪ̈ܝܘܬܐ ܓܥܫ ܘܦ݁ܚܡ ܐܢܘܢ ܠܒܥܠܕܒܒ̈ܐ܂
04:26 ܘܡܝܬܐ ܘܐܡ݁ܪ܂ ܒܢܝ̈ܢܫܐ ܫܢܝ̈ܗܘܢ ܢܝ̈ܙܟܐ ܘܓܐܪ̈ܐ܂
04:27 ܘܠܫܢܗܘܢ ܐܝܟ ܣܝܦܐ ܚܪܝܦܐ܂ ܟܕ ܠܡܐܢܝ̈ ܩܪܒܐ ܣܡ
04:28 ܒܕܘܟܬ ܫ̈ܢܐ ܘܠܫܢܐ܂ ܘܠܐ ܐܡ݂ܪ ܕܙܝܢܗܘܢ ܘܓܐܪ̈ܝܗܘܢ ܐܝܟ
04:29 ܫ̈ܢܐ܃ ܘܣܝܦܝ̈ܗܘܢ ܐܝܟ ܠܫ̈ܢܐ܂ ܐܠܐ ܫܢܝ̈ܗܘܢ