← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60454: ThMAA (Theodore of Mopsuestia, Against the Allegorists)

Click on a word for lexical analysis
Click on a red-colored coordinate for comments and/or translations of the line

07:01 ܩܕܡܢ ܐܡܪܢ ܐܢܝܢ܂ ܟܠܗ ܓܝܪ ܗܘ ܕܡܘ̈ܬܐ ܐܝܬܘܗܝ
07:02 ܘܐܣܟܝ̈ܡܐ܂ ܐܝܟ ܗ݀ܝ ܕܪܟ݂ܒ ܥܠ ܟܪ̈ܘܒܐ ܘܦ݂ܪܚ܂ ܘܛܣ ܥܠ
07:03 ܟܢ̈ܦܝܗ݀ ܕܪܘܚܐ܂ ܚܫܘܟܐ ܕܡܝ̈ܐ ܒܥܢ̈ܢܐ ܕܐܐܪ܂ ܘܒܪܕܐ
07:04 ܘܓܘܡܪ̈ܐ ܕܢܘܪܐ܂ ܗܠܝܢ ܕܡܢܗܝܢ ܡܫܘ̈ܕܥܢ ܥܠ ܚܪܝܦܘܬܐ
07:05 ܕܥܘܕܪܢܗ܂ ܡܢܗܝܢ ܕܝܢ ܥܠ ܡܣܡ ܒܪܫܐ ܕܒܥܠܕܒ̈ܒܐ܂ ܘܒܗ݀
07:06 ܒܕܡܘܬܐ ܐܝܟ ܣܘܥܪܢܐ ܡܕܡ ܡܬܢܐ ܠܗܝܢ܃ ܟܕ
07:07 ܒܐܣܟܝܡܐ ܐܡ݁ܪ ܠܗܝܢ ܗܘ܂
07:08 ܓܠܝܐ ܗܝ ܓܝܪ ܕܟܠ ܕܡܘ ܐܝܕܐ ܕܗܝ܂ ܡܢ ܥܠܬܐ ܡܕܡ ܐܡ݁ܪ
07:09 ܠܗ݀܂ ܘܗܕܐ ܟܕ ܛܒ ܡܦܬܟܐܝܬ ܐܡ݁ܪ ܠܗܝܢ܂ ܐܝܟ ܗ݀ܝ ܕܛܣ ܥܠ
07:10 ܟܢ̈ܦܐ ܕܪܘܚܐ ‍[‍܂܂܂‍]‍ ܕܡܘܬܐ ‍[‍܂܂܂‍]‍ ܝܡܐ܃ ܐܝܟ
07:11 ܕܢܚܘܝܗ݀ ܠܬܟܝܒܘܬܐ܂ ܡܝܬܐ ܘܐܡ݁ܪ ܢܪܥܐ ܕܐܒܐ ܥܡ
07:12 ܐܡܪܐ܃ ܐܝܟ ܕܢܚܘܐ ܠܠܐ ܡܫܝܢܘܬܗܘܢ ܕܒܙܒܢ܂ ܠܘܬ
07:13 ܬܚܘܝܬܐ ܪܒܬܐ ܕܫܘܚܠܦܗܘܢ ܬܡܝܗܐ܂ ܗ݀ܘ ܕܥܒܕܬ
07:14 ܡܦܪܢܣܢܘܬܗ ܕܐܠܗܐ ܠܘܬ ܒܝܬܝܘܗ̈ܝ܂
07:15 ܒܗܕܐ ܗܟܝܠ ܕܡܘܬܐ ܟܕ ܢܬܦܫܩܘܢ ܗܠܝܢ ܥܝ̈ܕܐ
07:16 ܝܚܝ̈ܕܝܐ ܕܟܬܒ̈ܐ ܐܠܗܝ̈ܐ܃ ܠܐ ܗܘܐ ܒܠܚܘܕ ܐܝܠܝܢ ܕܥܡ̈ܘܛܢ
07:17 ܡܬܦܫ̈ܩܢ ܠܢ܃ ܐܠܐ ܐܦ ܓܘܫܡܗ ܕܪܥܝܢܐ ܕܠܐ ܚܒܠ ܡܬܢܛܪ܂
07:18 ܘܗܠܝܢ ܕܐܡܝܪ̈ܢ ܐܘܚܕܬܢܐܝܬ ܐܘ ܒܙܢܐ ܐܚܪܢܐ ܘܡܬܚ̈ܙܝܢ
07:19 ܥܡܘ̈ܛܬܐ܃ ܠܣܓ̈ܝܐܬܐ ܡܝܬܐ ܠܓܠܝܐ܂ ܘܥܒ݁ܕ ܠܗ݀
07:20 ܠܬܫܥܝܬܐ܃ ܕܠܐ ܗܘܬ ܢܘܟܪܝܐ ܠܪܥܝܢܐ ܕܡܢܗܘܢ ܕܦܬܓܡ̈ܐ
07:21 ܡܬܚܙܐ܃ ܘܕܠܐ ܢܣܬܒܪ ܕܐܚܪ̈ܢܝܬܐ ܚܠܦ ܐܚܪ̈ܢܝܬܐ ܐܡ݁ܪ
07:22 ܡܚܘܐ ܢܦܫܗ܃ ܕܠܩܘܒܠܐ ܕܝܢ ܘܕܗܘܬ ܡܬܚܙܝܐ ܫܠܡܘܬܗ
07:23 ܕܦܘܫܩܐ ܠܘܬ ܗܠܝܢ ܕܟܬܝܒ̈ܢ܃ ܐܠܨܐܝܬ ܐܦ ܗܕܐ ܐܡܬܝ
07:24 ܕܢܬܚܙܐ ܗܘܐ ܦܘܫܩܐ ܕܢܩ݁ܦ ܠܓܘܫܡܗ ܕܟܬܒܐ܃ ܘܠܪܥܝܢܐ
07:25 ܕܡܢܗܘܢ ܡܬܚܙܐ ܕܦܬܓܡ̈ܐ܃ ܘܗܠܝܢ ܕܐܡܝܪ̈ܢ ܐܘ ܐܝܟܢ
07:26 ܕܗܘ܂ ܡܒܚܢ ܦܪܥ ܠܗܝܢ ܒܝܕ ܬܫܥܝܬܗ ܠܦܘܫܩܐ ܕܝܠܗܘܢ
07:27 ܕܦܬܓܡ̈ܐ܂