← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60454: ThMAA (Theodore of Mopsuestia, Against the Allegorists)

Click on a word for lexical analysis
Click on a red-colored coordinate for comments and/or translations of the line

08:01 ܠܡܚܒܠܘ ܕܝܢ ܠܬܫܥܝܬܐ ܟܠܗ݀܃ ܐܘ ܠܡܫܚܠܦܘ ܠܓܘܫܡܗ
08:02 ܕܟܬܒܐ܃ ܐܝܟܢ ܠܘ ܫܢܝܘܬܐ ܡܠܝܐ ܘܪܫܝܥܘܬܐ ܓܠܝܬܐ܂ ܗ݀ܢܘ
08:03 ܕܝܢ ܐܢ ܙ݁ܕܩ ܫܪܝܪܬܐ ܠܡܐܡܪ ܕܠܐ ܟܘܚܕ܃ ܦܩܪܘܬܐ
08:04 ܡܫܝܚܝܬܐ ܕܕܡܘܬܐ ܡܕܡ ܕܦܬܟܪ̈ܐ܃ ܚܠܦ ܓܘܫܡܐ
08:05 ܫܪܝܪܬܐ ‍[‍܂܂܂‍]‍ ܕܦܬܓܡ̈ܐ ܡܚܒܠܝܢ܂ ܐܚܪ̈ܢܐ ܕܝܢ ܡܢܗܘܢ
08:06 ‍[‍܂܂܂‍]‍܃ ܘܡܥܠܝܢ܃ ܕܠܐ ܩܢ̈ܝܢ ܘܠܐ ܚܕܐ ܫܠܡܘܬܐ ܠܘܬ
08:07 ܗܠܝܢ ܕܟܬܝ̈ܒܢ܂ ܘܫܝܥܐܝܬ ܡܬܚܫܚܝܢ ܒܗܝܢ ܒܡ̈ܠܐ ܕܟܬܒ̈ܐ
08:08 ܐܠܗ̈ܝܐ܃ ܠܘܬ ܛܥܝܘܬܐ ܘܐܒܕܢܐ ܕܣܓܝ̈ܐܐ܂ ܕܢܬܚܙܘܢ
08:09 ܡܝܬܪ̈ܐ ܘܝܨܘ̈ܦܝܗ݀ ܕܗ݀ܝ ܬܫܥܝܬܐ ܡܟܗܢܬܐ܂ ܗ݀ܝ ܕܗܠܝܢ ܩܪܝܢ
08:10 ܠܗ݀ ܦܘܫܩܐ ܕܦܠܐ̈ܬܐ܂
08:11 ܐܢܐ ܕܝܢ ܐܢ ܢܐܡܪܘܢ ܦܘܫܩܐ ܕܦܠܐ̈ܬܐ܃ ܐܝܟ ܕܒܝܬ
08:12 ܚܢ̈ܦܐ ܐܡ݁ܪ ܐܢܐ ܐܦ ܐܢܐ ܕܐܝܬܘܗܝ ܒܫܪܪܐ܃ ܗ݀ܘ
08:13 ܕܐܫܟܚܘܗܝ ܗ݀ܢܘܢ ܠܘܬ ܒܘܛܠܐ ܕܫܘܥܝܬ̈ܗܘܢ܃ ܘܗܠܝܢ ܠܘܬ
08:14 ܒܘܛܠܐ ܕܣܘܥܪ̈ܢܐ ܫܪܝܪ̈ܐ ܕܒܟܬܒ̈ܐ ܐܠܗ̈ܝܐ܂ ܐܢ ܕܝܢ ܐܝܟ
08:15 ܕܣܝܡ ܒܫܠܝܚܐ ܢܐܡܪܘܢ ܕܐܝܬܘܗܝ ܠܐ ܡܬܘܡ ܡܬܛܦܝܣ
08:16 ܐܢܐ ܠܡܫܠܡ ܠܗܘܢ ܒܗܕܐ܂ ܣܓܝ ܓܝܪ ܡܬܚܙܐ ܦܘܫܩܗܘܢ
08:17 ܗܢܐ ܫܝܛܐ ܕܪܚܝܩ ܡܢ ܛܘܒܢܐ ܦܘܠܘܣ܂ ܐܝܟ ܕܐܦ ܒܦܘܫܩܐ
08:18 ܚܘܝܢܢ ܣܦܩܐܝܬ܂ ܠܘ ܐܝܟ ܕܢܥܠܝܗ݀ ܠܡܟܬܒܢܘܬܐ ܕܬܫܥܝܬܐ
08:19 ܥܒܕܗ݀ ܠܦܠܐܬܐ ܕܦܘܫܩܗ܂ ܘܠܘ ܬܘܒ ܐܝܟ ܡ݁ܢ ܕܒܢܒܝܘܬܐ
08:20 ܐܬܒܕܩܘ ܗܘܘ ܗܠܝܢ ܒܝܕ ܗ݀ܢܘܢ ܛܘܦܣܢܐܝܬ܂ ܦܠܐܬܐ ܓܝܪ
08:21 ܠܗ݀ܝ ܕܢܣ݁ܒ ܐܢܫ ܪܥܝܢܐ ܐܚܪܢܐ ܡܢ ܗܠܝܢ ܕܟ̈ܬܝܒܢ܂ ܣܛܪ ܡܢ
08:22 ܪܥܝܢܗ݀ ܕܡܟܬܒܢܘܬܐ ܠܘܬ ܬܚܘܝܬܐ ܕܐܝܠܝܢ ܕܣܝ̈ܡܢ ܠܗ ܠܐܢܫ
08:23 ܠܡܐܡܪ܃ ܘܠܘ ܠܗ݀ܝ ܕܢܥܠܝܗ݀ ܠܬܫܥܝܬܐ ܘܠܪܥܝܢܗ݀
08:24 ܕܡܟܬܒܢܘܬܐ܃ ܐܠܐ ܟܕ ܡܩܘܝܐ ܗ݀ܝ ܒܩܕܡܐ ܐܝܟ ܕܐܝܬܝܗ݀܂
08:25 ܕܐܝܟ ܐܝܟܢ܃ ܐܢ ܢܐܡܪ ܕܩܘܡܬܐ ܡܝܩܪܐ ܠܘܬ ܐܠܗܐ
08:26 ܕܡܨܒܬܐ ܒܙܢܝ̈ܐ ܣܓܝ̈ܐܐ ܕܡܝܬܪܘܬܐ܂ ܗ݀ܝ ܕܐܦ ܝܘܣܦ ܐܬܚܙܝ
08:27 ܡܝܩܪ ܡܢ ܟܠܗ ‍[‍܂܂܂‍]‍ ܡܝܬܪܘܬܗ܂ ܘܗܕܐ ܟܕ ‍[‍܂܂܂
08:28 ܐܝܬܘܗܝ ܗܘܐ܂ ܘܕܐܝܟ ܗܕܐ ܐܝܬܝܗ݀ ܘܐܦ ܗ݀ܝ ܕܐܓܪܬܐ ܕܠܘܬ
08:29 ܓܠܛܝ̈ܐ܂ ܕܡܝܬܪܐ ܗܝ ܠܡ ܙܕܝܩܘܬܐ ܕܒܛܝܒܘܬܐ ܡܢ ܗ݀ܝ
08:30 ܕܡܣܬܒܪܐ ܕܠܦܘܬ ܢܩܝܦܘܬܐ ܡܕܡ ܕܢܡܘܣܟ ܡܫܬܠܡܐ܂