← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60454: ThMAA (Theodore of Mopsuestia, Against the Allegorists)

Click on a word for lexical analysis
Click on a red-colored coordinate for comments and/or translations of the line

10:01 ܕܟܠ ܓܢܣܝ̈ܢ ܡܩܢܝܐ ܠܕܦܓܥܝܢ ܒܗ݀܂ ܡܢ ܡܟܬܒܢܘܬܐ
10:02 ܕܬܫܥܝܬܐ܃ ܘܠܐ ܕܐܝܟ ܗ݀ܝ ܕܚܢ̈ܦܐ܃ ܕܗܠܝܢ ܡܝܬܪ̈ܐ ܐܥܠܘܗ݀
10:03 ܥܠ ܟܬܒ̈ܐ ܐܠܗ̈ܝܐ܂ ܟܕ ܐܦܠܐ ܒܗ݀ܝ ܐܬܒܝܢܘ܂ ܕܚܢ̈ܦܐ ܠܚܪܬܐ
10:04 ܡܢ ܕܐܪܓܫܘ ܒܦܘܪܣܝܐ ܕܫܘܥܝ̈ܬܗܘܢ܃ ܗܠܝܢ ܕܩܢܝܢ ܗܘܘ
10:05 ܕܣܝ݁ܡܝܢ ܗܘܘ ܥܡ ܐܠܗܝ̈ܗܘܢ܃ ܬܚܘܝܬܐ ܐܫܟܚܘ
10:06 ܠܫܟܝܪܘܬܐ ܕܫܘܥܝ̈ܬܗܘܢ ܦܠܐܬܐ܂ ܟܕ ܣܓܝ ܐܬܚܫܚܘ ܒܙܢܗ݀
10:07 ܕܦܠܐܬܐ ܠܦܘܬ ܬܪ̈ܬܝܢ܂ ܚܕܐ ܥܠ ܕܫܘܥܝ̈ܬܐ ܠܐ ܩܢ̈ܝܢ ܡܕܡ
10:08 ܕܫܪܝܪ܂ ܫܠܝܛ ܗܘܐ ܠܗܘܢ ܠܡܫܚܠܦܘܬܗܘܢ ܠܐܣܟܝ̈ܡܐ
10:09 ܕܦܠܐܬܐ܂ ܕܬܪ̈ܬܝܢ܃ ܡܢ ܫܟܝܪܘܬܐ ܕܡ̈ܠܝܢ ܗܘ̈ܝ ܫܘܥܝ̈ܬܗܘܢ܂
10:10 ܚܕܪܘ ܐܢܘܢ ܐܠܗ̈ܐ ܕܡܬܩܪܝܢ ܗܘܘ ܡܢܗܘܢ܂ ܠܢ ܕܝܢ ܠܐ
10:11 ܠܚ݁ܡܐ ܗܘܬ ܠܢ ܗܕܐ ܠܡܥܒܕ ܘܠܐ ܠܦܘܬ ܚܕܐ ܕܡܘܬܐ܂ ܡܛܠ
10:12 ܕܠܘ ܫܘܥ̈ܝܬܐ ܐܢܝܢ ܕܓ̈ܠܬܐ ܗܠܝܢ ܕܟܬܒ̈ܐ ܐܠܗ̈ܝܐ܂ ܕܣܝ̈ܡܢ
10:13 ܠܦܘܬ ܦܘܪܓܝܐ ܕܐܝܠܝܢ ܕܦܓܥܝܢ ܒܗܝܢ܂ ܐܝܟ ܕܢܐܨܦ ܕܠܐ
10:14 ܢܫܬܟܚ ܕܡܥܠܝܢܢ ܠܬܫܥܝܬܐ ܕܗܠܝܢ ܕܟܬܝܒ̈ܢ ܐܝܟ ܗ݀ܢܘܢ܂ ܐܠܐ
10:15 ܐܝܬܝܗܝܢ ܪܘܪ̈ܒܬܐ ܡܩ̈ܢܝܢ ܠܐܝܠܝܢ ܕܦܓܥܝܢ ܒܗܝܢ܂ ܡܛܠ ܕܐܦܢ
10:16 ܢܐܡܪܘܢ ܟܕ ܡܬܢܝܢ ܥܠ ܡܕܡ ܕܗܘ ܫܟܝܪܐ ܕܐܣܬܥܪ ܒܙܒܢ܃
10:17 ܐܠܐ ܐܦ ܐܠܨܐ ܕܗܕܐ ܡܛܠ ܡܠܦܢܘܬܢ ܕܝܠܢ܂ ܠܘ ܐܝܟ ܕܢܥܒܕ
10:18 ܐܠܐ ܕܠܐ ܢܣܥܘܪ܂ ܥܡ ܚ̈ܣܕܐ ܓܝܪ ܘܓܘܢܝ̈ܐ ܡܬܚܙܝܢ
10:19 ܕܡܙܗܪܝܢ ܠܐܝܠܝܢ ܕܐܝܟ ܗܠܝܢ܂ ܐܝܟ ܕܢܪܬܘܢܢ ܠܐ ܠܡܣܥܪ
10:20 ܒܕܡܘܬܗܘܢ܂ ܕܚܘܪܗܘܢ ܗܟܝܠ ܘܢܝܫܗܘܢ ܕܟܬܒ̈ܐ ܐܠܗ̈ܝܐ
10:21 ܠܘܬ ܝܘܬܪܢܢ ܕܝܠܢ ܐܝܬܘܗܝ܃ ܘܠܦܘܬ ܗܢܐ ܥܒܕܝܢ ܠܗ ܒܫܪܪܐ
10:22 ܠܣܝܡܐ ܕܡܟܬܒܢܘܬܗܘܢ܃ ܠܐ ܗܘܐ ܒܠܚܘܕ ܡܢ ܗܠܝܢ
10:23 ܕܐܬܐܡܪ̈ ܐܝܬ ܠܡܚܙܐ܃ ܐܠܐ ܐܦ ܒܗ݀ ܟܠܗܘܢ ܐܝܠܝܢ
10:24 ܕܐܫܬܘܝܘ ܠܛܝܒܘܬܐ ܐܠܗܝܬܐ܂ ܘܩܕܡ ܕܝܢ ܟܠܗܘܢ ܡܘܫܐ܂
10:25 ܗ݀ܘ ܕܗܘ ܠܘܩܕܡ ܣܡ ܘܐܫܬܥܝ ܗܠܝܢ ܕܗܘ̈ܝ ܡܢ
10:26 ܩܕܡܘܗܝ܃ ܘܕܫܪܟܐ ܕܗܠܝܢ ܕܠܘܬ ܒܢܝ̈ ܝܣܪܝܠ܂ ܕܠܐ ܐܡ݂ܪ ܘܠܐ
10:27 ܚܟܝ̈ܡܐ ܢܒܥܬ܂ ܟܕ ܡܚܦܛ ܗܘܐ ܠܗܘܢ ܠܡܚܡܣܢܘ
10:28 ܒܕܚܠܬ ܐܠܗܐ܃ ܐܝܟ ܕܝܠܦܢܢ ܡܢ ܬܢܝܢ ܢܡܘܣܐ܂ ܕܠܘܩܒܠ ܕܝܢ ܟܕ
10:29 ܡܫܬܥܐ ܗܠܝܢ ܕܗܘ̈ܝ܂ ܡܢܗܝܢ ܩܢܘܡܗܝܢ ܡܠܦ ܗܘܐ ܠܗܘܢ܃
10:30 ܕܢܗܘܘܢ ܝܨ̈ܘܦܐ ܚܦܝ̈ܛܐ ܕܕܚܠܬ ܐܠܗܐ܂ ܟܕ ܒܗ݀ ܒܗܕܐ