← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60454: ThMAA (Theodore of Mopsuestia, Against the Allegorists)

Click on a word for lexical analysis
Click on a red-colored coordinate for comments and/or translations of the line

11:01 ܕܡܘܬܐ ܡܬܚܙܐ ܐܦ ܫܡܘܐܝܠ ܢܒܝܐ ܒܣܦܪܐ ܕܡܠܟ̈ܘܬܐ܃
11:02 ܕܡܠܠ ܗܘܐ ܠܘܬ ܥܡܐ܂ ܘܕܘܝܕ ܬܘܒ ܢܒܝܐ ܐܟܚܕ ܡܠܟ
11:03 ܒܡܙܡܘܪ̈ܘܗܝ܂ ܟܕ ܒܝܕ ܥܘܗܕܢܐ ܕܗܠܝܢ ܕܗܘ̈ܝ ܡܠܦ ܠܗܘܢ
11:04 ܐܝܠܝܢ ܕܙܕܩ̈ܢ܂ ܐܠܐ ܐܦܠܐ ܛܘܒܢܐ ܐܣܛܦܢܘܣ ‍[‍܂܂܂
11:05 ܥܝܕܗ ܗܘܐ ܠܕܪܫܗ ܠܘܬ ܝܗܘ̈ܕܝܐ ܒܙܒܢܐ ܕܟܘܠܠܗ܂ ܐܠܐ ܠܟܠܗܝܢ
11:06 ܣܡ ܐܢܝܢ ܡܢ ܫܘܪܝܐ ܘܥܕܡܐ ܠܫܘܠܡܐ܃ ܐܝܟ ܕܣܝ̈ܡܢ
11:07 ܒܡܟܬܒܢܘܬܐ ܕܬܫܥ̈ܝܬܐ܂ ܘܫܠܝ̈ܚܐ ܕܝܢ ܬܘܒ ܟܠܗܘܢ܃
11:08 ܕܠܥܠ ܘܕܠܬܚܬ ܠܡܘܠܟܢܐ ܕܠܘܬ ܐܒܗ̈ܬܐ ܡܢܗ ܕܝܢ ܗܘܘ܂
11:09 ܐܝܟ ܡ݁ܢ ܕܒܗܕܐ ܕܡܘܬܐ ܐܬܪܥܝܘ ܠܡܫܬܩܘܬܗܘܢ ܝܬܝܪ
11:10 ܠܝܗܘ̈ܕܝܐ܂ ܕܢܬܚܙܘܢ ܕܠܐ ܣܥܪܝܢ ܡܕܡ ܕܡܢܟܪܝ ܘܡܒܪܝ
11:11 ܠܐܒܗܝ̈ܗܘܢ܂ ܚܘܝܢܢ ܕܝܢ ܐܦ ܒܗܠܝܢ ܥ̈ܠܝܬܐ ܠܛܘܒܢܐ
11:12 ܦܘܠܘܣ܃ ܘܠܗ ܩܢܘܡܗ ܠܡܪܢ ܡܫܝܚܐ܃ ܕܗܘ ܗܟܢܐ ܢܣ݂ܒ
11:13 ܠܗܠܝܢ ܥܬܝܩ̈ܬܐ܂ ܘܟܬܒ̈ܐ ܬܘܒ ܕܐܘܢܓܠܣ̈ܛܐ܃ ܕܒܗ݀ ܒܗܕܐ
11:14 ܕܡܘܬܐ ܣܝܡܝܢ܂
11:15 ܐܠܐ ܕܝܢ ܠܘ ܫܦܝܪ ܐܬܚܙܝܬ ܠܗ ܠܡܝܬܪܐ ܐܘܪܓܢܝܣ
11:16 ܠܡܬܒܩܝܘ ܒܗܠܝܢ܂ ܣܝܡ ܕܝܢ ܕܡܝܬܪ ܡܢ ܗܠܝܢ ܝܬܝܪ܃ ܦܝܠܘܢ
11:17 ܐܢܫ ܝܗܘܕܝܐ܂ ܗ݀ܘ ܕܡܢ ܕܐܬܪܕܝ ܕܡܪܕܘܬܐ ܒܪܝܬܐ܃ ܡܕܡ
11:18 ܕܙܥܘܪ ܘܫܝܛ ܚܫܒܗ ܠܪܥܝܢܐ ܕܟܬܒ̈ܐ ܐܠܗ̈ܝܐ܃ ܗ݀ܘ ܕܡܬܚܙܐ
11:19 ܡܢ ܡܟܬܒܢܘܬܗܘܢ܂ ܘܗܘ ܠܘܩܕܡ ܐܥܠܗ݀ ܠܬܫܥܝܬܐ ܕܦܠܐܬܐ
11:20 ܕܚܢ̈ܦܐ ܡܢ ܝܘܠܦܢܐ ܕܡܢ ܥܡܡ̈ܐ܂ ܒܕܐܣܒܪ ܕܒܗ݀ ܒܕܡܘܬܐ
11:21 ܡܙܕܝܢܝܢ ܐܦ ܗܠܝܢ ܒܙܝܢܗ݀ ܕܦܠܐܬܐ܂ ܟܕ ܠܐ ܐܪܓܫ ܕܣܓܝ
11:22 ܡܨܥܪܐ ܠܟܬܒ̈ܐ ܐܠܗ̈ܝܐ܃ ܕܢܪܝܡ ܐܢܝܢ ܐܢܫ ܠܬܫܥ̈ܝܬܐ
11:23 ܕܡܟܬܒܢܘܬܗܘܢ܂ ܘܕܓ̈ܠܐ ܡܬܚܙܝܢ ܕܐܝܬܝܗܘܢ ܒܕܡܘܬ
11:24 ܗܠܝܢ ܕܚܢ̈ܦܐ ܘܠܐ ܫܪܝܪ̈ܐ܂ ܠܐ ܕܝܢ ܫܘܝܐ ܠܬܕܡܘܪܬܐ ܗܕܐ܃
11:25 ܕܗܟܢܐ ܐܬܛܟܢ ܦܝܠܘܢ ܠܘܩܒܠ ܟܬܒ̈ܐ ܐܠܗ̈ܝܐ܂ ܐܝܟܢܐ
11:26 ܕܐܦ ܠܡܢܝܘܬܐ ܕܗܪܓܐ ܐܢܫܝܐ ܐܡܪܚ ܠܡܥܠܘ ܥܠ ܝܘܠܦܢܐ
11:27 ܕܡܘܫܐ܃ ܗ݀ܢܘ ܕܝܢ ܕܟܬܒ̈ܐ ܐܠܗ̈ܝܐ܂ ܘܐܓܡܕ ܠܡܚܘܝܘ
11:28 ܕܠܦܘܬ ܗܠܝܢ ܐܬܩܝܡ ܥܠܡܐ ܒܛܟܣܐ ܕܒܪܝܬܗ܃ ܗܢܐ ܕܐܦ