The Comprehensive Aramaic Lexicon

206:01	ܕܠܐ ܒܨܒܝܢܗ݀ ܡܬܕܚܝܐ ܠܡܚܬ܃\ ܐܝܟܢܐ ܕܥܘܡܩܐ ܗܢܐ
206:02	ܕܝܬܒܗܘܢ ܕܒܢ̈ܝ ܐܢܫܐ܃/ ܡܢ ܝܘܬܪܢܐ ܕܫܚܝܢܘܬܗ݀ ܠܐ ܢܗܘܐ
206:03	ܓܠܝܙ܂ ܟܕ ܓܝܪ ܗ݂ܝ ܗܕܐ ܚܡܝܡܘܬܐ܃ ܠܬܠܝܠܘܬܐ ܐܝܕܐ ܕܥܠ
206:04	ܐܦ̈ܝܗ݀ ܕܐܪܥܐ ܒܝܕ ܡܛܪ̈ܐ ܘܪ̈ܣܝܣܐ ܡܬܐܫܕܐ ܬܫܬܘܬܦ܃\
206:05	ܪ̈ܒܘܬ ܡܘܥ̈ܝܬܐ ܕܥܩܪ̈ܐ ܘܐܕܫ̈ܐ ܕܟܠ ܫܘܚ̈ܠܦܝܢ ܡܢܗ݀
206:06	ܕܐܪܥܐ܃ ܟܕ ܚܕܐ ܐܝܬܝܗ݀ ܝܥܝܢ ܘܫܘܚܝܢ܂ ܘܣܝܒܪܬܐ ܠܟܠ ܕܚܝ
206:07	ܠܦܘܬ ܚܫܚܬܐ ܕܟܝܢܗ܃ ܐܝܟ ܡܫܥܒܕܬܐ ܝܗܒܐ܂ ܘܟܕ ܬܘܒ
206:08	ܒܚܪܝܦܘܬ‍{‍ܐ‍}‍ ܓܝܓܠܐ ܗܕܐ ܕܠܥܠ ܡܢܢ ܐܢܫ ܢܬܒܩ݁ܐ܃ ܘܒܙܘܢ̈ܘܣ
206:09	ܕܚܘܕܪ̈ܐ ‍{‍ܕܡܪܝܬܐ‍}‍‍<‍ܡܪܕܝܬܐ‍>‍ ܕܡܘܙܠܬܐ ܕܒܓܘܗ݀܂ ܘܕܐܝܟܢܐ ܒܙܒܢ ܠܬܚܬ

206:10	ܡܬܬܚܬܝܢ܃ ܘܒܙܒܢ ܬܘܒ ܠܥܠ ܡܬܥܠܝܢ܃ ܘܕܐܝܟܢܐ ܐܝܬܘܗܝ

206:11	ܪܗܛܐ ܕܡܪܕܝܬܗܘܢ ܘܛܘܟܣܐ ܕܟܢ̈ܘܫܝܗܘܢ ܕܟܘ̈ܟܒܐ܃
206:12	ܘܕܐܝܟܢܐ ܐܝܟ ܕܒܡܫܘܚܬܐ ܟܠ ܚܕ ܚܕ ܡܢܗܘܢ ܡܬܚܡ ܡܢ
206:13	ܚܒܪܗ܃ ܗ݀ܘ ܗܟܝܠ ܕܗܠܝܢ ܟܠܗܝܢ ܬܡܝܗ̈ܬܐ܃ ܒܥܝܢܐ ܫܦܝܬܐ
206:14	ܕܢܦܫܐ ܢܣܬ݁ܟܠ܃ ܠܐ ܗܐ ܓܠܝܐܝܬ ܒܝܕ ܗܠܝܢ ܕܡܬܚ̈ܙܝܢ ܡܬܪܕܐ
206:15	ܐܦ ܝ݁ܠܦ܃ ܕܚܝܠܐ ܡܕܡ ܐܠܗܝܐ ܐܝܬ ܡܗܝܪ ܒܚܟܡܬܐ
206:16	ܕܥܒܘܕܘܬܗ܃ ܗ݀ܘ ܕܒܝܕ ܗܠܝܢ ܕܡܬܚ̈ܙܝܢ ܡܬܝܕܥ ܐܦ ܠܟܠ ܩܪܝܒ܃
206:17	ܘܠܗ̈ܕܡܐ ܟܠܗܘܢ ܕܒܪ̈ܝܬܐ܃ ܒܝܕ ܡܦܪܢܣܢܘܬܗ ܠܚܕܕܐ ܡܛܠ
206:18	ܩܘܝܡܐ ܕܟܠܐ ܡܠܚܡ܃ ܐܝܟܢܐ ܕܓܘܫܡܐ ܚܕ ܟܠܗܘܢ
206:19	ܫܘܝܐܝܬ ܢܗܘܘܢ܃ ܘܠܣܢܝܩܘܬܐ ܕܟܘܠܐ ܒܝܕ ܗ̈ܕܡܐ ܡܢܟܪ̈ܝܝ
206:20	ܠܚܕܕܐ ܡܡܠܐ܃ ܘܒܝܕ ܚܝܠܐ ܕܠܐ ܡܬܡܠܠ ܠܟܠ ܐܚܝܕ܃ ܘܒܗ ܟܠ
206:21	ܕܐܝܬ ܡܬܩܝܡ ܘܚܝ ܘܐܝܬܘܗܝ܃ ܘܒܗ ܡܬܬܙܝܥܝܢ܃ ܟܕ ܠܐ ܡܬܘܡ
206:22	ܐܬܒܨܪܘ ܡܢ ܪܗܛܐ ܕܙܘܥܝܗܘܢ܂ ܐܦܠܐ ܡܢ ܬܚܘܡܐ
206:23	ܕܡܪܕܝܬܗܘܢ ܫܢܝܘ ܠܓܡܪ ܐܘ ܡܫܢܝܢ܀
206:24	‍[‍3‍]‍ ܕܩܕܝܫܐ ܓܪܝܓܪܝܘܣ ܗ݀ܘ ܕܢܘܣܐ܃ ܡܢ ܡܐܡܪܐ ܕܥܠ
206:25	ܢܦܫܐ܂ ܠܐ ܓܝܪ ܒܡܬܘܥܕܢܘܬܗܘܢ ܕܐܣܛܘ̈ܟܣܐ ܕܠܘܬ
206:26	ܚ̈ܕܕܐ܃ ܘܒܚܝܨܘܬ ܓܘܫܡܐ ܡܬܐܠܨ܂ ܐܦܠܐ ܬܘܒ
206:27	ܒܫܘܢܝܗܘܢ ܕܠܘܬ ܒܢܝ ܓܢܣܗܘܢ܃ ܗܘ ܗܢܐ ܟܝܢܐ ܝܕܘܥܬܢܐ
206:28	ܠܓܡܪ ܫ݁ܒܩ ܠܗܘܢ܂ ܐܦܢ ܡܬܚܐ ܣܓܝܐܐ ܡܣܬܒܪ ܕܐܝܬ