← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60456: GregNysLR (Gregory of Nyssa on Physical Life and Resurrection)

Click on a word for lexical analysis
Click on a red-colored coordinate for comments and/or translations of the line

207:01 ܒܝܢܬܗܘܢ܂ ܒܝܕ ܢܘܟܪܝܘܬ ܚܒܪܘܬܐ܃ ܐܝܕܐ ܕܒܗܘܢ
207:02 ܒܐܣܛܘ̈ܟܣܐ ܗܠܝܢ ܡܬܚܙܝܐ܂ ܫܘܚܠܦܐ ܓܝܪ ܕܠܐ ܒܙܥܘܪ ܐܝܬ
207:03 ܒܝܢܬ ܟܝܢܐ ܩܠܝܠܐ ܠܝܩܝܪܐ܂ ܒܗ݀ܝ ܕܩܠܝܠܐ ܐܝܟ ܕܒܣܘܓܐܐ܃
207:04 ܙ̈ܘܥܝ ܚܐ̈ܦܘܗܝ ܠܪܘܡܐ ܡܪܝܡܝܢ ܠܗ܂ ܘܠܗ݀ܘ ܝܩܝܪܐ܃ ܠܬܚܬ ܒܝܕ
207:05 ܝܩܝܪܘܬܗ ܢ݁ܬܦ ܠܗ ܠܡܚܬ܂ ܗܟܢܐ ܐܦ ܒܝܢܬ ܚܡܝܡܘܬܐ
207:06 ܠܩܪܝܪܘܬܐ܃ ܐܦ ܒܝܢܬ ܪܛܝܒܘܬܐ ܠܝܒܝܫܘܬܐ܂ ܐܠܐ ܟܐܡܬ܃
207:07 ܠܐ ܐܝܬ ܠܗ ܥܡܠܐ ܠܟܝܢܐ ܗܢܐ ܝܕܘܥܬܢܐ܃ ܕܠܟܠܚܕ ܚܕ ܡܢ
207:08 ܐܣܛܘ̈ܟܣܐ ܗܢܘܢ ܕܚܕܐ ܙܒܢܬܐ ܫܘܬܦܘܬܐ ܥܡܗܘܢ ܒܝܕ
207:09 ܡܘܙܓܗ ܗ݂ܘܬ ܠܗ܃ ܕܬܘܒ ܡܢ ܒܬܪ ܫܪܝܗܘܢ ܠܗܘܢ ܢܗܘܐ
207:10 ܩܪܝܒ܂ ܟܕ ܒܝܕ ܢܘܟܪܝܘܬܐ ܕܡܒܥܕܬܗܘܢ ܕܡܢ ܚܕ̈ܕܐ ܠܐ
207:11 ܡܣܬܕܩ܂ ܠܐ ܗܘܐ ܓܝܪ ܡܢܟܪܝܘܬܗܘܢ ܕܚܕ ܡܢ ܚܕ ܘܫܘܚܠܦܐ
207:12 ܕܒܪܝܘܬ ܟ̈ܝܢܝܗܘܢ܃ ܘܕܡܣܬܒܪܝܢ ܕܠܐ ܒܙܥܘܪ ܡܢ ܚܕ̈ܕܐ
207:13 ܡܒ݁ܥܕܝܢ܃ ܡܛܠ܆ܗܢܐ ܥ݁ܡܠ ܠܗ ܟܝܢܐ ܗܢܐ ܩܠܝܠ ܙ̈ܘܥܐ ܕܢܦܫܐ܃
207:14 ܕܠܐܝܠܝܢ ܕܒܐܬܪ̈ܘܬܐ ܡܢ ܚܕ̈ܕܐ ܡܒ݁ܥܕܝܢ ܢܬܢ݁ܩܦ܂ ܐܦ ܓܝܪ ܗܫܐ
207:15 ܫܠܝܛ ܗ݂ܘ ܠܗ݀ ܠܡܚܫܒܬܢ܃ ܕܟܕ ܠܥܠ ܡܢ ܫܡܝܐ ܬܬܥ݁ܠܐ܃
207:16 ܘܠܥܒܪ̈ܝ ܐܪܥܐ ܫܘܝܐܝܬ ܠܐܒܪ̈ܝ ܙܘ̈ܥܝܗ݀ ܬܡܬܘܚ܃ ܘܠܐ
207:17 ܟܐܡܬ ܡܬܗܕܡ ܠܗ ܚܝܪܐ ܗܢܐ ܟܣܝܐ ܕܢܦܫܐ܃ ܟܕ ܠܘܬ ܗܢܐ
207:18 ܟܠܗ ܡܬܚܐ ܚܝܪܗ ܡ݁ܬܚ܂ ܡܕܝܢ ܠܝܬ ܠܗ݀ ܥܘܘܟܐ ܡܕܡ ܠܢܦܫܐ܃
207:19 ܕܒܗ ܒܗܢܐ ܛܘܦܣܐ܃ ܫܘܝܐܝܬ ܠܟܠ ܚܕ ܚܕ ܡܢ ܐܣܛܘ̈ܟܣܘܗܝ
207:20 ܕܓܘܫܡܐ ܬܬܢܩ݁ܦ܂ ܘܐܝܟ ܕܟܕ ܒܡܘܙܓܗܘܢ ܒܗܘܢ
207:21 ܡܥܒܕܢܘܬܗ݀ ܡܬܚܙܝܐ ܗܘܬ܃ ܗܟܢܐ ܐܦ ܡܢ ܒܬܪ
207:22 ܦܘܪܫܢܗܘܢ ܡܢܗܘܢ ܠܐ ܡܢܟܪܝܐ܂ ܘܐܟܙܢܐ ܬܘܒ ܕܕܗܒܐ
207:23 ܘܣܐ݁ܡܐ ܟܕ ܐܝܟ ܚܕ ܢܬܦܫ݁ܪܘܢ܃ ܚܝܠܐ ܟܣܝܐ ܕܐܘܡܢܘܬܐ
207:24 ܗ݀ܘ ܕܠܗܘܢ ܡ݁ܦܪܫ ܓܠܝܐܝܬ ܒܗܘܢ ‍{‍ܡܬܚܙܝܐ‍}‍‍<‍ܡܬܚܙܐ‍>‍܃ ܘܟܕ ܢܓܕܫ
207:25 ܘܚܕ ܡܢܗܘܢ ܡܢ ܚܒܪܗ ܢܬܦܪܫ܃ ܘܠܐ ܡܕܡ ܒܨܝܪ ‍{‍ܚܝܪܗ݀‍}‍‍<‍ܚܝܠܗ݀‍>‍
207:26 ܕܐܘܡܢܘܬܐ ܕܒܬܪܝܗܘܢ ܓܒ̈ܐ ܫܘܝܐܝܬ ܢܬܒ݁ܩܐ܃ ܘܟܕ ܛܒ
207:27 ܗܘܠܐ ܗ݀ܝ ܕܕܗܒܐ ܘܕܟܣܦܐ ܐܬܦܠܓܬ܃ ܐܠܐ ܐܘܡܢܘܬܐ ܠܐ
207:28 ܐܬܦܠܓܬ܂ ܐܝܟܢܐ ܓܝܪ ܡܫܟܚܐ ܗܘܬ ܕܠܐ ܡܬܦܠܓܢܝܬܐ ܥܡ
207:29 ܡܬܦܠܓܢܐ ܬܬܦܠܓ܂ ܒܗ ܗܟܝܠ ܒܛܘܦܣܐ ܗܢܐ ܐܦ ܟܝܢܐ
207:30 ܝܕܘܥܬܢܐ ܕܢܦܫܐ ܫܘܝܐܝܬ ܐܝܟ ܚܕ ܒܝܕ ܡܬܘܥܕܢܘܬܗܘܢ