← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60457: IsNin (Isaac of Nineveh)

Click on a word for lexical analysis
Click on a red-colored coordinate for comments and/or translations of the line

01:002:01 ܕܝ݂ܠܵܗ݀܃ ܠܗܵܝ݁ ܕܟܲܕ݂ ܢܸܩܦܘ݁ܣ ܝܵܬܲܢ ܒܲܓ݂ܗܵܝܬ݂ܵܐ ܕܡ݂ܢ ܣܘ݂ܥܪ̈ܵܢܹܐ܃
01:002:02 ܠܘܵܬ݂ ܡܸܠܬ݂ܵܐ ܕܢܘ݂ܗܪܵܐ ܕܲܬ݂ܪܝ݂ܨܘ݂ܬ݂ ܫܒ݂ܝ݂̈ܠܹܐ ܩܲܕܝ݂̈ܫܹܐ܃ ܗܵܝ݁
01:002:03 ܕܲܡܚܵܘܝܵܢܝ݂ܬ݂ܵܐ ܡ݂ܢ ܡܙܲܡܪܵܢܵܐ ܒܝܲܕ݂ ܪܘ݂ܚܵܐ ܐܸܬ݂ܟܲܢܝܲܬ̤܀ ܠܡܲܚܣܸܢ
01:002:04 ܡܸܫܬ݁ܟܲܚ ܒܲܪܢܵܫܵܐ ܕܲܡܨܸܐ ܡܣܲܝܒܲܪ ܐܝ݂ܩܵܪܹ̈ܐ܃ ܐܵܘ ܕܲܠܡܵܐ ܟܠ
01:002:05 ܟ̄ܠܹܗ܂ ܘܗܵܕܹܐ܃ ܡܸܛܠ ܡܩܲܒ݁ܠܵܢܘ݂ܬ݂ܵܐ ܩܲܠܝ݂ܠܬ݂ܵܐ ܕܫܘ݂ܓ݂ܢܵܝܹ̈ܐ܃ ܐܲܝܟ݂
01:002:06 ܐܼܢܵܫ ܢܹܐܡܲܪ܃ ܘܐܸܢ ܐܲܝܟ݂ ܡܲܠܲܐܟ݂ܵܐ ܐܝ݂ܬ݂ܵܘܗܝ ܒܲܙܢܵܐ܀ ܪܹܫ ܐܘ݂ܪܚܵܐ
01:002:07 ܕܚܲܝܹ̈ܐ܃ ܠܡܲܥܢܵܝܘ݂ ܗܵܘܢܵܐ ܒܡܸ̈ܠܲܝ ܐܲܠܵܗܵܐ܃ ܘܕ݂ܘ݂ܪܵܫܵܐ ܕܒܲܡܣܲܝܒܪܵܢܘ݂ܬ݂ܵܐ܂
01:002:08 ܫܸܩܝܵܐ ܕܹܝܢ ܕܡ݂ܢ ܬܲܡܵܢ܃ ܡܥܲܕܲܪ ܠܘܵܬ݂ ܓܡܝ݂ܪܘ݂ܬ݂ܵܐ ܕܲܒ݂ܗܵܕܹܐ܂
01:002:09 ܗܵܟܲܢܵܐ ܡܲܢ ܘܕܲܫܩܝ݂ܠܘ݂ܬ݂ ܬܲܪܒ݁ܝ݂ܬ݂ܵܐ ܕܲܠܘܵܬ݂ ܫܘ݂ܡܠܵܝܵܐ ܕܲܒ݂ܗܵܕܹܐ܃
01:002:10 ܠܝܲܬ݂ܝ݂ܪܘ݂ܬ݂ ܣܘ݂ܢܩܵܢܵܐ܃ ܕܲܠܗܵܝ݁ ܐܲܬ݂ܪܵܐ ܬܸܬܸܠ܂ ܘܥܘ݂ܕ݂ܪܵܢܵܐ ܕܡ݂ܢ
01:002:11 ܬܲܪ̈ܬܲܝܗܹܝܢ܃ ܡܵܬܲܚ݁ ܩܲܠܝ݂ܠܵܐܝ݂ܬ݂ ܠܘܵܬ݂ ܡܲܣܲܩܬ݂ܵܐ ܕܟ݂ܠܹܗ ܒܸܢܝܵܢܵܐ܀
01:002:12 ܠܲܝܬ݁ ܕܐܸܫܟܲܚ݂ ܡܸܬ݂ܩܲܪܲܒ݂ ܠܘܵܬ݂ ܐܲܠܵܗܵܐ܃ ܐܸܠܵܐ ܐܲܝܢܵܐ ܕܐܸܬ݂ܪܲܚܲܩ
01:002:13 ܡ݂ܢ ܥܵܠܡܵܐ܂ ܫܘ݂ܢܵܝܵܐ ܕܹܝܢ܃ ܠܵܘ ܠܲܚܙܘ݂ܩܝܵܐ ܕܡ݂ܢ ܦܲܓ݂ܪܵܐ ܐܵܡܲ݁ܪܢܵܐ܃
01:002:14 ܐܸܠܵܐ ܕܡ݂ܢ ܨܸܒ݂̈ܘܵܬܹܗ܀ ܡܝܬܲܪܘ݂ܬ݂ܵܐ ܗܵܕܲܐ ܗ݂ܼܝ܃ ܕܐܼܢܵܫ ܒܪܸܥܝܵܢܹܗ
01:002:15 ܡ݂ܢ ܥܵܠܡܵܐ ܢܸܗܘܸܐ ܣܦܝ݂ܩ܂ ܟܠ ܟܡܵܐ ܕܪܸ̈ܓ݂ܫܹܐ ܣܵܥ݁ܪܝ݂ܢ
01:002:16 ܨܸܒ݂̈ܘܵܬ݂ܵܐ܃ ܠܸܒܵܐ ܕܢܸܫܟܲܬ݂ ܡ݂ܢ ܗܲܓܵܓܲܝ̈ܗܹܝܢ܃ ܠܵܐ ܡܲܨܝܵܐ܂ ܘܠܵܐ
01:002:17 ܚܲܫܹ̈ܐ ܒܵܛ݁ܠܝ݂ܢ܃ ܘܠܵܐ ܚܘ݂̈ܫܵܒܹܐ ܒܝ݂̈ܫܹܐ ܣܵܝ݁ܦܝ݂ܢ܃ ܒܸܠܥܵܕ݂ ܡ݂ܢ ܡܲܕ݂ܒ݁ܪܵܐ
01:002:18 ܘܚܘ݂ܪܒܵܐ܀ ܥܕܲܡܵܐ ܓܹܝܪ ܕܬܸܩܢܸܐ ܢܲܦܫܵܐ ܪܵܘܵܝܘ݂ܬ݂ܵܐ ܕܲܒ݂ܗܲܝܡܵܢܘ݂ܬ݂ܵܐ
01:002:19 ܕܒܲܐܠܵܗܵܐ܃ ܒܲܡܩܲܒ݁ܠܵܢܘ݂ܬ݂ܵܐ ܕܲܪܓܸܫܬ݂ܵܐ ܕܚܲܝ̈ܠܹܝܗ݀܃ ܠܵܐ ܡܚܝ݂ܠܘ݂ܬ݂ܵܐ
01:002:20 ܕܪܸܓ݂ܫܹܐ ܡܲܐܣܝܵܐ܃ ܘܠܵܐ ܒܚܲܝܠܵܐ ܡܸܬ݂ܡܲܨܝܵܐ ܠܲܡܕ݂ܵܫ ܠܗܘ݂ܠܹܗ
01:002:21 ܡܸܬ݂ܚܲܙܝܵܢܝ݂ܬ݂ܵܐ܃ ܕܐܝ݂ܬܹܝܗ݀ ܣܝܵܓ݂ܵܐ ܕܗܵܘ݁ ܕܲܠܓ݂ܵܘ܃ ܘܠܵܐ ܪܓ݂ܝ݂ܫܵܐ܀