← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60457: IsNin (Isaac of Nineveh)

Click on a word for lexical analysis
Click on a red-colored coordinate for comments and/or translations of the line

01:003:01 ܡܠܝ݂ܠܘ݂ܬ݂ܵܐ܃ ܥܸܠܬ݂ܵܐ ܗ݂ܼܝ ܕܚܹܐܪܘ݂ܬ݂ܵܐ܂ ܘܦܹܐܪܹ̈ܐ ܕܬܲܪ̈ܬܲܝܗܹܝܢ܃
01:003:02 ܡܸܨܛܲܠܝܵܢܘ݂ܬ݂ܵܐ܂ ܕܒܸܠܥܵܕ݂ ܩܲܕ݂ܡܵܝܬ݂ܵܐ܃ ܐܵܦܠܵܐ ܕܬܲܪܬܹܝܢ܂ ܘܐܲܝܟܵܐ
01:003:03 ܕܚܲܣܝ݂ܪܵܐ ܬܪܲܝܵܢܝ݂ܬ݂ܵܐ܃ ܬܲܡܵܢ ܐܲܝܟ݂ ܕܒܲܦܓ݂ܘ݂̈ܕܹܐ ܐܲܣܝ݂ܪܵܐ ܬܠܝ݂ܬ݂ܵܝܬ݂ܵܐ܀
01:003:04 ܐܸܡܲܬ݂ܝ ܕܛܲܝܒ݁ܘ݂ܬ݂ܵܐ ܬܸܣܓܸܐ ܒܒܲܪܢܵܫܵܐ܃ ܗܵܝܕܹܝܢ ܒܪܸܚ̄ܡܬ݂ܵܐ
01:003:05 ܕܙܲܕܝ݂ܩܘ݂ܬ݂ܵܐ܃ ܕܸܚܠܬ݂ܵܐ ܕܡܵܘܬܵܐ܃ ܬܸܬ݂ܒ݁ܣܸܐ܂ ܘܥܸܠ̈ܠܵܬ݂ܵܐ ܣܲܓ݁ܝ݂̈ܐܵܬ݂ܵܐ
01:003:06 ܡܸܫܟܲܚ ܒܢܲܦܫܹܗ܃ ܕܲܒ݂ܘܵܠܝ݂ܬ݂ܵܐ ܐܝ݂ܬܹܝܗ݀ ܕܲܚܠܵܦ ܕܸܚܠܲܬ݂ ܐܲܠܵܗܵܐ܃
01:003:07 ܐܼܢܵܫ ܐܘ݂̈ܠܨܵܢܹܐ ܢܸܣܒ݁ܘ݁ܠ܂ ܘܐܲܝܠܹܝܢ ܕܡܲܟ݁ܝܵܢ̈ܝܬ݂ܵܐ ܡܸܬ݂ܪ̈ܲܢܝܵܢ ܕܦܲܓ݂ܪܵܐ
01:003:08 ܟܹܐܡܲܬ݂܃ ܘܲܥܪܝ݂ܨܵܐܝ݂ܬ݂ ܕܢܸܣܡ̈ܟ݂ܵܢ ܠܘܵܬ݂ ܟܝܵܢܵܐ܃ ܘܲܠܡܲܚܵܫܘ݂ ܢܸܩܦܵܐܝ݂ܬ݂
01:003:09 ܣܝ݂̈ܡܵܢ܃ ܐܲܝܟ݂ ܠܵܐ ܡܸܕܸܡ ܒܦܸܚܡܵܐ ܕܗܵܘ݁ ܡܵܐ ܕܡܸܣܬܲܟܸܐ܃ ܡ݂ܢ
01:003:10 ܟܲܕ݂ܘ݂ ܒܥܲܝܢܵܘ̈ܗܝ ܚܫܝ݂̈ܒ݂ܵܢ܂ ܘܲܕ݂ܠܵܐ ܡܲܨܝܵܐ ܒܸܠܥܵܕ݂ ܡ݂ܢ ܫܩܝ݂ܠܘ݂ܬ݂
01:003:11 ܢܸܣܝܵܢܵܐ ܕܚܲܫܹ̈ܐ ܢܸܕܥܝ݂ܘܗܝ ܠܲܫܪܵܪܵܐ܃ ܦܝܵܣܵܐ ܕܥܲܠ ܗܵܕܹܐ ܡܸܢܹܗ
01:003:12 ܡ݂ܢ ܪܸܥܝܵܢܵܐ܃ ܚܲܬܝ݂ܬ݂ܵܐܝ݂ܬ݂ ܡܸܫܟܲܚ܂ ܘܕܲܒ݂ܛܝ݂ܠܘ݂ܬ݂ܵܐ ܣܲܓ݁ܝ݂ܐܬ݂ܵܐ ܐܝ݂ܬ݂
01:003:13 ܠܹܗ ܠܐܲܠܵܗܵܐ ܥܲܠ ܒܲܪܢܵܫܵܐ܃ ܘܲܕ݂ܠܵܐ ܒܫܸܓ݂ܡܵܐ ܫܒ݂ܝ݂ܩ܂ ܘܝܲܬ݁ܝ݂ܪܵܐܝ݂ܬ݂
01:003:14 ܢܲܦܝ݂̈ܩܲܝ ܒܲܒ݂ܥܵܬܹܗ܃ ܘܲܛܥܝ݂݁ܢܲܝ ܚܲܫܵܐ ܕܡܸܛܠܵܬܹܗ܃ ܐܲܝܟ݂ ܕܲܒ݂ܨܒ݂ܥܵܐ
01:003:15 ܚܵܙܹ݁ܝܢ ܢܲܗܝ݂ܪܵܐܝ݂ܬ݂܂ ܡܵܐ ܕܹܝܢ ܕܚܲܣܝ݂ܪܘ݂ܬ݂ ܗܲܝܡܵܢܘ݂ܬ݂ܵܐ ܒܠܸܒܲܢ ܬܸܬ̄ܢܨܒ݂܃
01:003:16 ܗܵܝܕܹܝܢ ܒܕܲܠܩܘ݂ܒ݂ܠܵܝܘ݂ܬ݂ܵܐ ܡܸܫܬܲܟ݂̈ܚܵܢ ܟܠܗܹܝܢ܂ ܠܵܘ ܡܸܛܠ ܒܘ݂ܚܵܢܵܐ܃
01:003:17 ܘܲܕ݂ܗܵܝ݁ ܕܢܸܬ݁ܬ݁ܟܸܠ ܥܲܠ ܐܲܠܵܗܵܐ ܠܵܘ ܒܟ݂ܠܥܸܕܵܢ ܠܲܡ ܡܲܨܠܚܵܐ܃
01:003:18 ܘܲܕ݂ܠܵܘ ܗܵܟܲܢܵܐ ܒܛܝ݂ܠ ܠܹܗ ܠܲܐܠܵܗܵܐ ܥܠܲܝܟ ܠܲܡ ܐܲܝܟ݂ ܕܡܸܬ݂ܪܲܢܝܵܐ܃
01:003:19 ܣܒ݂ܝ݂ܣܵܐܝ݂ܬ݂ ܡܸܬ݂ܪ̈ܲܡܙܵܢ ܡ݂ܢ ܗܵܠܹܝܢ ܕܟܲܡܝ݂ܢܝ݂ܢ ܘܲܒ݂ܥܲܡܛܵܢܵܐ ܫܵܕܹܝܢ
01:003:20 ܓܹܐܪ̈ܲܝܗܘ݁ܢ܀
01:003:21 ܪܹܫ ܚܲܝܵܘ̈ܗܝ ܫܲܪܝ݂ܪܹ̈ܐ ܕܒܲܪܢܵܫܵܐ܃ ܕܸܚܠܲܬ݂ ܐܲܠܵܗܵܐ܂ ܘܗܵܕܹܐ ܥܲܡ
01:003:22 ܦܸܗܝܵܐ ܕܨܸܒ݂̈ܘܵܬ݂ܵܐ ܕܲܬ݂ܟܲܬܲܪ ܒܢܲܦܫܵܐ܃ ܠܵܐ ܡܸܬ݁ܛܦܝ݂ܣܵܐ܂ ܡܸܬ݂ܦܲܠܗܲܕ݂