← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60457: IsNin (Isaac of Nineveh)

Click on a word for lexical analysis
Click on a red-colored coordinate for comments and/or translations of the line

01:004:01 ܓܹܝܪ ܠܸܒܵܐ܃ ܒܝܲܕ݂ ܬܸܫܡܸܫܬ݂ܵܐ ܕܪܸ̈ܓ݂ܫܹܐ܃ ܡ݂ܢ ܗܲܢܝ݂ܐܘ݂ܬ݂ܵܐ ܕܒܲܐܠܵܗܵܐ܀
01:004:02 ܐܲܣܝ݂ܪܝ݂ܢ ܐܸܢܘ݁ܢ ܙܵܘ̈ܥܹܐ ܕܲܠܓ݂ܵܘ ܒܡܲܪܓ݁ܫܵܢܘ݂ܬ݂ܗܘ݁ܢ܃ ܒܝܲܕ݂ ܪܸ̈ܓ݂ܫܹܐ
01:004:03 ܡܫܲܡܫܵܢܲܝ̈ܗܘ݁ܢ܀ ܦܠܝ݂ܓ݂ܘ݂ܬ݂ܵܐ ܕܠܸܒܵܐ܃ ܡܲܥܠܵܐ ܥܲܠ ܢܲܦܫܵܐ ܕܸܚܠܬ݂ܵܐ܂
01:004:04 ܗܲܝܡܵܢܘ݂ܬ݂ܵܐ ܕܹܝܢ܃ ܐܵܦ ܒܲܦܣܵܩܵܐ ܕܗܲܕܵܡܹ̈ܐ܃ ܡܸܫܟ݁ܚܵܐ ܕܲܬ݂ܓܲܒܲܪ
01:004:05 ܬܲܪܥܝ݂ܬ݂ܵܐ܂ ܟܡܵܐ ܕܪܸܚܡܲܬ݂ ܦܲܓ݂ܪܵܐ ܚܲܣܝ݂ܢܵܐ ܒܵܟ݂܃ ܕܬܸܗܘܸܐ ܠܒ݂ܝ݂ܒ݂ܵܐ
01:004:06 ܘܠܵܐ ܕܲܚܘ݂ܠܬ݂ܵܢܵܐ ܠܵܐ ܡܸܫܟܲܚ ܐܲܢܼܬ݁܃ ܡܸܛܠ ܣܲܩܘ݂̈ܒ݂ܠܹܐ ܣܲܓ݁ܝ݂̈ܐܹܐ܃
01:004:07 ܕܐܲܡܝ݂ܢܝ݂ܢ ܒܘܲܥܕܵܐ ܕܗܵܘ݁ ܕܐܸܬ݂ܪܚܸܡ܀ ܐܲܝܢܵܐ ܕܠܐܝ݂ܩܵܪܵܐ ܢܩܸܐ܃ ܠܵܐ
01:004:08 ܡܸܫܟܚܵܐ ܕܢܸܚܣܪ̈ܵܢ ܠܹܗ ܥܸܠ̈ܠܵܬ݂ܵܐ ܕܥܵܩ̈ܵܬ݂ܵܐ܀ ܠܲܝܬ݁ ܒܲܪܢܵܫܵܐ܃ ܕܥܲܡ
01:004:09 ܫܘ݂ܚܠܵܦܵܐ ܕܨܸܒ݂̈ܘܵܬ݂ܵܐ܃ ܠܵܐ ܩܵܢܹ݁ܐ ܪܸܥܝܵܢܹܗ ܫܘ݂ܚܠܵܦܵܐ ܠܐܲܝܢܵܐ ܕܗ݂ܘ
01:004:10 ܓܲܒܵܐ ܥܲܡ ܦܸܚܡܗܹܝܢ܀ ܐܸܢ ܡܲܢ ܪܓܸܫܬ݂ܵܐ ܬܪܲܝܵܢܝ݂ܬ݂ܵܐ ܐܝ݂ܬܹܝܗ݀ ܕܪܸ̈ܓ݂ܫܹܐ܃
01:004:11 ܗܵܝ݁ ܕܡܸܢܵܗ݀ ܪܸܓ݁ܬ݂ܵܐ ܡܟ݂ܵܢܵܐ ܠܡܸܬ݂ܝ݂ܠܵܕ݂ܘ݂܃ ܐܲܝܟ݂ ܡܸܠܬ݂ܵܐ ܕܐܹܘܲܓ݂ܪܝ݂ܣ܃
01:004:12 ܢܸܫܠܘ݁ܢ ܡܵܕܹܝܢ ܐܲܝܠܹܝܢ ܕܥܲܡ ܦܘ݂ܪ̈ܬܵܟܹܐ܃ ܕܲܒ݂ܫܲܝܢܵܐ ܪܸܥܝܵܢܵܐ ܢܸܛܪܘ݂ܢ
01:004:13 ܡܸܫܬܵܘܕܹܝܢ܀ ܢܲܟܦܵܐ ܗܵܢܵܘ܃ ܐܲܝܢܵܐ ܕܠܵܘ ܒܢܝ݂ܫܵܐ ܕܬܲܟ݂ܬܘ݂ܫܵܐ ܟܠܹܝܢ
01:004:14 ܡ݂ܢ ܘܲܥܕܹܗ ܙܵܘ̈ܥܹܐ ܣܢܲܝ̈ܵܐ܃ ܐܸܠܵܐ ܕܗ݂ܘ ܫܪܵܪܵܐ ܕܠܸܒܹܗ ܡܢܲܟܸ݁ܦ
01:004:15 ܚܵܘܪܵܐ ܕܪܸܥܝܵܢܹܗ܃ ܕܠܵܐ ܢܲܩܸܬ݂ ܒܚܘ݂̈ܫܵܒܹܐ ܙܲܠܝ݂̈ܠܹܐ ܡܲܪܵܚܵܐܝ݂ܬ݂܂ ܘܟܲܕ݂
01:004:16 ܚܲܣܝܘ݂ܬ݂ܵܐ ܕܬܹܐܪܬܹܗ܃ ܡܸܣܬܲܗܕܵܐ ܡ݂ܢ ܚܵܘܪܵܐ ܕܒ݂ܵܒ݂̈ܬܹܗ ܕܲܢܛܝ݂ܪ̈ܵܢ
01:004:17 ܡܗܲܝܡܢܵܐܝ݂ܬ݂܃ ܟܘ݂ܚܵܕ݂ܵܐ ܐܲܝܟ݂ ܐܲܦܲܝ̈ ܬܲܪܥܵܐ ܬܠܸܐ ܒܐܲܬ݂ܪܵܐ ܟܲܣܝܵܐ
01:004:18 ܕܚܘ݂ܫܵܒ݂ܵܘ̈ܗܝ܂ ܕܐܲܝܟ݂ ܒܬ݂ܘ݂ܠܬ݂ܵܐ ܡܢܲܟܲܦܬ݂ܵܐ܃ ܬܸܗܘܸܐ ܢܛܝ݂ܪܵܐ
01:004:19 ܕܲܟ݂ܝܘ݂ܬ݂ܵܗ݀ ܡܗܲܝܡܢܵܐܝ݂ܬ݂ ܠܲܡܫܝ݂ܚܵܐ܀ ܠܲܝܬ ܡܸܕܸܡ ܕܗܵܟܲܢܵܐ ܣܵܦܹ݁ܩ
01:004:20 ܠܲܡܫܲܢܵܝܘ݂ ܥܝܵܕܹ̈ܐ ܙܠܝ݂̈ܠܹܐ ܡ݂ܢ ܢܲܦܫܵܐ܃ ܘܲܠܡܸܬ݂ܟܲܣ ܠܥܘ݂ܗܕܵܢܹ̈ܐ
01:004:21 ܡܙܝ݂ܥܵܢܹ̈ܐ ܡܩܝ݂̈ܡܲܝ ܫܲܠܗܸܒ݂̈ܝܵܬ݂ܵܐ ܫܓ݂ܝ݂̈ܫܵܬ݂ܵܐ ܒܓ݂ܘ݂ܫܡܵܐ܃ ܐܲܝܟ݂ ܒܲܠܝ݂ܥܘ݂ܬ݂ܵܐ
01:004:22 ܕܲܒ݂ܪܸܚܡܲܬ݂ ܝܘ݂ܠܦܵܢܵܐ܃ ܘܦܸܗܝܵܐ ܕܒ݂ܵܬܲܪ ܥܘ݂ܩܵܒܹ̈ܐ ܕܣܘ݂ܟܵܠܲܝ̈ܗܘ݁ܢ