← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60457: IsNin (Isaac of Nineveh)

Click on a word for lexical analysis
Click on a red-colored coordinate for comments and/or translations of the line

01:005:01 ܕܦܸܬ݂ܓ݂ܵܡܹ̈ܐ ܕܲܟ݂ܬ݂ܵܒܹ̈ܐ܀ ܐܸܡܲܬ݂ܝ ܕܹܝܢ ܕܙܵܘܥܹ̈ܐ ܢܸܥܡܕ݂ܘ݂ܢ ܒܗܲܢܝ݂ܐܘ݂ܬ݂ܵܐ
01:005:02 ܒܵܬܲܪ ܚܸܟ݂ܡܬ݂ܵܐ ܕܐܲܣܝ݂ܢܵܐ ܒܡܸܠܹ̈ܐ܃ ܒܝܲܕ݂ ܚܲܝܠܵܐ ܕܡܵܬܹ݁ܩ ܒܘ݂ܝܵܢܵܐ ܡ݂ܢ
01:005:03 ܬܲܡܵܢ܃ ܟܠ ܫܵܒܹ݁ܩ ܒܸܣܬܲܪ ܓܘ݂ܫܡܹܗ܂ ܟܲܕ݂ ܛܵܥܹ݁ܐ ܠܬܹܒܹܝܠ
01:005:04 ܘܲܠܟ݂ܠ ܕܒ݂ܵܗ݀܃ ܘܲܠܟ݂ܠܗܘ݁ܢ ܥܘ݂̈ܗܕܵܢܹܐ ܡܩܝ݂̈ܡܲܝ ܨܲܠܡܹ̈ܐ
01:005:05 ܕܲܓ݂ܫܝ݂ܡܘ݂ܬ݂ ܥܵܠܡܵܐ ܥܵܛܹ݁ܐ ܡ݂ܢ ܢܲܦܫܵܐ܂ ܘܡ݂ܢ ܚܫܲܚܬ݂ܵܐ ܟܡܵܐ
01:005:06 ܙܲܒ݂ܢ̈ܝ݂ܢ ܕܚܘ݂̈ܫܵܒܹܐ ܕܲܥܝܵܕܵܐ܃ ܣܘ݂ܥܪ̈ܵܢܵܘ̈ܗܝ ܕܲܟ݂ܝܵܢܵܐ܃ ܒܬܸܡܗܵܐ ܘܗ݂ܝ
01:005:07 ܢܲܦܫܵܐ ܒܪܸܢܝܵܗ݀ ܦܵܝ݁ܫܵܐ܃ ܒܚܲܕ݂̈ܬ݂ܵܬ݂ܵܐ ܕܦܵܓ݂̈ܥܵܢ ܒܵܗ݀ ܡ݂ܢ ܝܲܡܵܐ
01:005:08 ܕܐܼܪ̈ܵܙܲܝܗܘ݁ܢ܀
01:005:09 ܘܐܵܦܸܢ ܒܡܵܘ̈ܗܝ ܥܸܠܵܝܹ̈ܐ ܢܸܗܘܸܐ ܛܵܐܹ݁ܦ ܪܸܥܝܵܢܵܐ܃ ܟܲܕ݂ ܠܵܐ ܢܸܫܟܲܚ
01:005:10 ܠܘܵܬ݂ ܗܵܢܵܐ ܟ̄ܠܹܗ ܥܘ݂ܡܩܵܐ ܢܥܲܡܸܩ ܙܵܘܥܵܘ̈ܗܝ܃ ܠܡܸܚܙܵܐ
01:005:11 ܠܟ݂ܠܗܘ݁ܢ ܓܲܙܹ̈ܐ ܕܒܲܬ݂ܗܘ݁ܡܵܘ̈ܗܝ܂ ܣܵܦܹ݁ܩ ܗܼܘ݂ ܗܸܪܓܵܐ ܒܪܸܚܡܬܹܗ
01:005:12 ܦܵܟܲ݁ܪ ܠܚܘ݂̈ܫܵܒܹܐ ܚܲܝܠܬ݂ܵܢܵܐܝ݂ܬ݂ ܒܝܲܕ݂ ܚܘ݂̈ܫܵܒܹܐ ܕܬܲܗܪܵܐ܃ ܕܢܸܗܘܘ݁ܢ
01:005:13 ܟܠܹܝܢ ܡ݂ܢ ܪܸܢܝܵܐ ܘܪܲܗܛܵܐ ܕܲܠܘܵܬ݂ ܟܝܵܢܹܗ ܕܓ݂ܘ݂ܫܡܵܐ܃ ܐܲܝܟܲܢܵܐ
01:005:14 ܕܐܸܡ݁ܲܪ ܐܼܢܵܫ ܡ݂ܢ ܠܒ݂ܝ݂̈ܫܲܝ ܐܲܠܵܗܵܐ܀ ܡܸܛܠ ܓܹܝܪ ܕܲܪܦܸܐ ܗ݂ܼܘ ܠܸܒܵܐ܃
01:005:15 ܐܵܡܲ݁ܪ܃ ܠܵܐ ܡܸܫܟܲܚ ܕܲܢܣܲܝܒܲܪ ܒܝ݂̈ܫܵܬ݂ܵܐ ܕܦܵܓ݂̈ܥܵܢ ܒܹܗ ܡ݂ܢ ܠܒܲܪ܃
01:005:16 ܘܲܩܪܵܒ݂ܵܐ ܕܡ݂ܢ ܠܵܓ݂ܵܘ܂ ܘܝܵܕ݂ܥܝ݂ܬܘ݁ܢ ܠܲܡ܃ ܕܝܲܩܝ݂ܪ ܗܼܘ݂ ܚܘ݂ܒ݂ܵܐ
01:005:17 ܒܝ݂ܫܵܐ ܕܦܲܓ݂ܪܵܐ܂ ܘܐܸܢ ܗ݂ܘ ܕܠܸܒܵܐ ܒܝܘ݂ܠܦܵܢܵܐ ܠܵܐ ܢܸܬ݂ܥܢܸܐ܃ ܠܵܐ
01:005:18 ܡܸܫܟ݁ܚܵܐ ܕܲܢܣܲܝܒܲܪ ܫܓ݂ܘ݂ܫܝܵܐ ܕܲܗܡܵܣܹܗ ܕܦܲܓ݂ܪܵܐ܂
01:005:19 ܐܲܝܟ݂ ܝܲܩܝ݂ܪܘ݂ܬܹܗ ܓܹܝܪ ܕܡܲܬ݂ܩܵܠܵܐ ܠܚܲܪܝ݂ܦܘ݂ܬ݂ ܢܸܙܠܵܐ ܕܡܲܣܲܐܬ݂ܵܐ
01:005:20 ܠܘ݂ܩܒܲܠ ܫܓ݂ܘ݂ܫܝܵܐ ܕܡܲܫ̈ܒܹܐ܃ ܗܵܟܲܢܵܐ ܟܘ݂ܚܵܕܵܐ ܘܕܸܚܠܬ݂ܵܐ
01:005:21 ܠܡܸܨܛܲܠܝܵܢܘ݂ܬܹܗ ܕܪܸܥܝܵܢܵܐ܂ ܘܗܵܘ݁ ܡܵܐ ܕܦܸܚܡܵܐ ܕܚܲܣܝ݂ܪܘ݂ܬ݂ܵܐ
01:005:22 ܬܲܡܵܢ܃ ܗ݂ܘ ܟܲܕ݂ ܗ݂ܘ ܝܲܬܝ݂ܪܘ݂ܬ݂ ܡܫܲܠܛܘ݂ܬ݂ܵܗ݀ ܕܚܹܐܪܘ݂ܬ݂ܵܐ ܒܗܵܕܹܐ܂