← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60457: IsNin (Isaac of Nineveh)

Click on a word for lexical analysis
Click on a red-colored coordinate for comments and/or translations of the line

01:006:01 ܟܡܵܐ ܕܬܲܡܵܢ ܬܵܘܣܲܦܬ݂ܵܐ ܒܚܲܣܝ݂ܪܘ݂ܬ݂ܵܐ܃ ܗܵܟܲܢܵܐ ܘܥܸܠܬ݂ܵܐ ܠܲܕ݂ܠܝ݂ܠܘ݂ܬ݂
01:006:02 ܙܲܠܝ݂ܠܘ݂ܬ݂ܗܹܝܢ ܕܟܲܦܹ̈ܐ ܒܠܵܐ ܩܵܘܡܵܐ܂ ܘܗܵܪܟܵܐ ܟܡܵܐ ܕܚܹܐܪܘ݂ܬ݂ܵܐ
01:006:03 ܒܝܲܕ݂ ܡܸܬ݁ܬ݁ܪܝ݂ܡܵܢܘ݂ܬ݂ܵܐ ܕܕܸܚܠܬ݂ܵܐ ܡ݂ܢ ܢܲܦܫܵܐ܃ ܗܵܟܲܢܵܐ ܡܲܣܲܐܬܹܗ
01:006:04 ܕܪܸܥܝܵܢܵܐ ܠܟ݂ܠ ܓܲܒ݁ ܙܵܐ݁ܠܵܐ ܚܲܪܝ݂ܦܵܐܝ݂ܬ݂܂ ܡܵܕܹܝܢ ܡܸܬ݁ܬ݁ܙܝ݂ܥܵܢܘ݂ܬ݂ܵܐ܃
01:006:05 ܬܪܲܝܵܢܘ݂ܬ݂ܵܐ ܗ݂ܼܝ ܕܚܹܐܪܘ݂ܬ݂ܵܐ܂ ܘܫܘ݂̈ܓ݂ܢܵܝܹܐ ܪܸ̈ܥܝܵܢܵܝܹܐ܃ ܬܪ̈ܲܝܵܢܹܐ ܒܵܬܲܪ
01:006:06 ܡܸܨܛܲܠܝܵܢܘ݂ܬ݂ܵܐ܀ ܐܸܬ݂ܚܲܟܲܡ ܠܲܡܣܵܡ ܫܲܬ݂ܐܸܣܬ݂ܵܐ ܠܡܲܪܕܝ݂ܬ݂ܵܟ݂
01:006:07 ܒܐܘ݂ܪܚܵܐ ܕܐܲܠܵܗܵܐ܃ ܘܲܒ݂ܝܵܘܡ̈ܵܬ݂ܵܐ ܙܥܘ݁ܪܹ̈ܐ ܡܩܝ݂ܡܵܐ ܠܵܟ݂ ܥܲܠ ܬܲܪܥܵܐ
01:006:08 ܕܡܲܠܟܘ݂ܬ݂ܵܐ܃ ܕܠܵܐ ܟܪܘ݂ܟ݂ܝܵܐ ܕܐܘ݂ܪܚܵܐ܀ ܠܵܐ ܬܘܚ݂ܪ ܐܲܝܟ݂
01:006:09 ܕܲܒ݂ܛܲܟ݂ܣܵܐ ܕܲܪ̈ܕܝܵܐ ܕܡܲܠܦܵܢܹ̈ܐ܃ ܒܡܸܠܹ̈ܐ ܕܡ݂ܢ ܒܘ݂ܚܵܢܵܐ ܣܝ݂̈ܡܵܢ
01:006:10 ܠܬܲܪܒ݁ܝ݂ܬ݂ܵܐ ܕܕ݂ܘ݂ܒܵܪ̈ܲܝܟ܃ ܕܬܹܐܪܲܒ݂ ܢܲܦܫܵܟ݂ ܒܪܲܒ݁ܘ݂ܬ݂ ܣܘ݂̈ܟܵܠܹܐ
01:006:11 ܕܲܒ݂ܗܘ݁ܢ܂ ܦܪܘ݁ܫ ܢܝ݂ܫܵܐ ܕܡܸܠܬ݂ܵܐ ܒܟ݂ܠ ܫܲܪ̈ܒ݁ܝ݂ܢ ܕܲܒ݂ܗܘ݁ܢ
01:006:12 ܬܹܦܓܲܥ ܒܲܟ݂ܬ݂ܝ݂̈ܒ݂ܵܬ݂ܵܐ܃ ܕܲܬ݂ܥܲܡܸܩ ܢܲܦܫܵܟ݂ ܠܡܸܫܟܲܢ ܠܘܵܬ݂ ܝܕܲ̈ܥܵܬ݂ܵܐ
01:006:13 ܪܵܘܪ̈ܒ݂ܵܬ݂ܵܐ ܕܐܝ݂ܬ݂ ܒܲܣܝܵܡܵܐ ܕܐܼܢܵܫܵܐ ܢܲܗܝ݂ܪܹ̈ܐ܀ ܐܲܝܠܹܝܢ ܕܲܒ݂ܕ݂ܘ݂ܒ݂ܵܪ̈ܲܝܗܘ݁ܢ
01:006:14 ܡ݂ܢ ܛܲܝܒ݁ܘ݂ܬ݂ܵܐ ܡܸܬ݂ܗܲܕܹܝܢ ܠܡܸܬ݂ܢܲܗܵܪܘ݂܃ ܒܲܕ݂ܡܘ݂ܬ݂ ܙܲܠܝ݂ܩܵܐ ܡܸܕܸܡ
01:006:15 ܡܸܬ݂ܝܲܕ݂ܥܵܢܵܐ ܡܲܪܓܫܝ݂ܢ ܐܲܡܝ݂ܢܵܐܝ݂ܬ݂ ܕܪܵܕܹܐ ܒܲܝܢܵܬ݂ ܦܸܬ݂ܓ݂ܵܡܹ̈ܐ܂ ܘܗ݂ܘ
01:006:16 ܦܵܪܹܫ ܩܕ݂ܵܡ ܪܸܥܝܵܢܵܐ ܡܲܡܠܠܵܐ ܫܚܝ݂ܡܵܐ܃ ܡ݂ܢ ܫܲܪ̈ܒܹܐ ܕܐܲܡܝ݂ܪܝ݂ܢ
01:006:17 ܒܪܲܒ݁ܘ݂ܬ݂ ܪܸܥܝܵܢܵܐ ܠܦܘ݂ܬܵܚܵܐ ܢܲܦܫܵܢܵܝܵܐ܀ ܒܲܪܢܵܫܵܐ ܕܲܫܚܝ݂ܡܵܐܝ݂ܬ݂ ܩܵܪܹܐ
01:006:18 ܒܦܸܬ݂ܓ݂ܵܡܹ̈ܐ ܪܵܘܪ̈ܒܹܐ܃ ܐܵܦ ܠܸܒܹܗ ܡܸܫܬܲܚܲܡ ܘܫܵܗܹ݁ܐ ܡ݂ܢ ܚܲܝܠܵܐ
01:006:19 ܩܲܕܝ݂ܫܵܐ܃ ܗܵܘ݁ ܕܝܵܗܹ݁ܒ݂ ܠܠܸܒܵܐ ܛܥܵܡܬ݂ܵܐ ܚܠܝ݂ܬ݂ܵܐ ܒܣܘ݂̈ܟܵܠܹܐ