← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60457: IsNin (Isaac of Nineveh)

Click on a word for lexical analysis
Click on a red-colored coordinate for comments and/or translations of the line

01:008:01 ܡܸܛܠ ܗܵܢܵܐ܃ ܘܗܵܘ݁ ܕܡܸܛܠܵܬܹܗ܃ ܥܦܝ݂ܦܵܐܝ݂ܬ݂ ܡܸܣܬܲܟܲܠ ܡܲܕܥܵܐ
01:008:02 ܢܲܗܝ݂ܪܵܐ܃ ܐܲܝܟ݂ ܕܩܲܕܸܡ݂ ܐܸܬ݂ܦܲܩܲܕ݂ ܒܝܲܕ݂ ܛܘ݂ܒ݂ܵܢܵܐ ܡܘ݂ܫܹܐ܂ ܘܗܵܝ݁
01:008:03 ܕܲܦܫܝ݂ܛܬ݂ܵܐ ܗ݂ܼܝ ܡܸܣܬܲܟ݁ܠܵܐ܃ ܘܗܵܝ݁ ܕܲܥܦܝ݂ܦܘ݂ܬ݂ܵܐ܀ ܕܩܲܕܝ݂ܡܘ݂ܬ݂
01:008:04 ܗܘܵܝܵܐ ܡ݁ܢ ܕܡܸܕܸܡ ܥܕ݂ܝ݂ܠܵܐܝ݂ܬ݂܃ ܠܵܘ ܪܓܸܫܬܹܗ ܕܥܘ݂ܗܕܵܢܵܐ
01:008:05 ܡܲܥܒ݁ܪܝ݂ܢ܃ ܥܲܡ̈ܠܹܐ ܕܠܲܕ݂ܟܲܝ̈ܐ ܡܸܬ݂ܝܲܨܦܝ݂ܢ܂ ܐܸܠܵܐ ܚܲܫܝ݂ܫܘ݂ܬ݂
01:008:06 ܥܘ݂ܗܕܵܢܹܗ ܡ݂ܢ ܪܸܥܝܵܢܵܐ ܢܵܣܒ݁ܝ݂ܢ܃ ܕܲܡܝܲܬ݁ܪܵܐܝ݂ܬ݂ ܬܸܗܘܸܐ ܗܵܝ݁ ܕܡ݂ܢ
01:008:07 ܟܲܕ݂ܘ݂ ܫܲܡܫܲܬ̤ ܡܲܥܒܲܪܬܵܐ ܕܲܒ݂ܪܸܥܝܵܢܵܐ܀ ܥܵܠܒܵܐ ܗ݂ܼܝ ܝܲܥܢܘ݂ܬ݂ܵܗ݀ ܕܢܲܦܫܵܐ
01:008:08 ܒܩܸܢܝܵܢܵܐ ܕܲܡܝܲܬ݁ܪܘ݂ܬ݂ܵܐ܃ ܠܲܡܢܵܬ݂ ܪܸܓ݂ܬ݂ܵܐ ܕܒܲܪ ܙܵܘܓܵܗ݀
01:008:09 ܒܲܕ݂ܡܸܬ݂ܚܲܙ̈ܝܵܢ܀ ܠܟ݂ܠܡܸܕܸܡ܃ ܡܫܘ݂ܚܬ݂ܵܐ ܡܨܲܒ݁ܬ݂ܵܐ܂ ܒܸܠܥܵܕܹܝܗ݀ ܕܹܝܢ
01:008:10 ܘܐܵܦ ܐܲܝܠܹܝܢ ܕܲܠܥܘ݂ܕ݂ܪܵܢܵܐ ܡܚܝ݂ܪ̈ܲܢ܃ ܠܘܵܬ݂ ܣܘ݂ܓ݁ܦܵܢܵܐ ܕܢܲܗ̈ܦܟ݂ܵܢ
01:008:11 ܚܫܲܚܬ݂ܵܐ ܕܡܸܢܗܹܝܢ ܟܵܠܝ݂ܬ݂ܵܐ܃ ܘܠܵܐ ܡܸܕܸܡ܀
01:008:12 ܨܵܒܹ݁ܐ ܐܲܢܼܬ݁ ܕܬܸܫܬܵܘܬܲܦ ܠܐܵܠܵܗܵܐ ܒܡܲܕܥܵܟ݂܃ ܒܲܫܩܝ݂ܠܘ݂ܬ݂
01:008:13 ܡܲܪܓܫܵܢܘ݂ܬ݂ܵܐ ܕܗܵܝ݁ ܗܲܢܝ݂ܐܘ݂ܬ݂ܵܐ ܠܵܐ ܡܫܲܥܒ݁ܕܲܬ݂ ܠܪܸ̈ܓ݂ܫܹܐ܃
01:008:14 ܠܲܡܪܲܚܡܵܢܘ݂ܬ݂ܵܐ ܩܲܦ܂ ܒܡܸܕܸܡ ܓܹܝܪ ܕܠܹܗ ܗܼܘ݂ ܡܲܣܒܲܗ܃ ܟܲܕ݂
01:008:15 ܢܸܫܬ݁ܟܲܚ ܠܓ݂ܵܘ ܡܸܢܵܟ݂܃ ܡܸܬ݁ܬ݁ܨܝ݂ܪ ܒܹܗ ܗܵܘ݁ ܫܘ݂ܦܪܵܐ ܩܲܕܝ݂ܫܵܐ܂
01:008:16 ܟ̄ܠܵܢܵܝܘ݂ܬ݂ܵܐ ܕܣܘ݂ܥܪ̈ܵܢܹܐ ܕܲܡܪܲܚܡܵܢܘ݂ܬ݂ܵܐ܃ ܕܠܵܐ ܡܸܕܸܡ ܙܲܒ݂ܢܵܐ
01:008:17 ܕܒ݂ܡܨܲܥܬ݂ܵܐ܃ ܠܲܚܕ݂ܵܢܵܝܘ݂ܬ݂ ܬܸܫܒ݁ܘ݁ܚܬ݂ܵܗ݀ ܡܲܙܠܲܓ݂ܬ݂ܵܐ ܕܐܲܠܵܗܘ݂ܬ݂ܵܐ܃
01:008:18 ܫܵܘܬܵܦܬ݂ܵܐ ܡܲܩܦܵܐ ܠܢܲܦܫܵܐ܀ ܚܘ݂ܝܵܕ݂ܵܐ ܪܘ݂ܚܵܢܵܝܵܐ ܐܝ݂ܬ݂ܵܐܘܗܝ܃ ܥܘ݂ܗܕܵܢܵܐ
01:008:19 ܠܵܐ ܛܵܒ݂ܘ݁ܥܵܐ܃ ܐܲܝܢܵܐ ܕܲܒ݂ܫܘ݂ܠܗܵܒ݂ܵܐ ܪܸܚ̄ܡܬ݂ܵܢܵܐ ܠܵܐ ܡܸܬ݂ܦܲܪܫܵܢܵܐܝ݂ܬ݂
01:008:20 ܢܵܨܹ݁ܦ ܒܠܸܒܵܐ܂ ܗܵܘ݁ ܕܡ݂ܢ ܐܲܡܝ݂ܢܘ݂ܬ݂ܵܐ ܕܨܹܝܕ݂ ܦܘ݂̈ܩܕܵܢܹܐ ܚܲܝܠܵܐ