← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60457: IsNin (Isaac of Nineveh)

Click on a word for lexical analysis
Click on a red-colored coordinate for comments and/or translations of the line

01:010:01 ܟܠ ܒܲܪܢܵܫܵܐ ܗܵܟܹܝܠ ܕܲܡܟܲܬ݁ܡܝ݂ܢ ܕܘ݂ܒܵܪ̈ܵܘܗܝ܃ ܚܲܒ݁ܝ݂ܒ݂ܝ݂ܢ
01:010:02 ܥܠܵܘܗܝ ܚܲܝܹ̈ܐ ܕܙܲܒ݂ܢܵܐ܂ ܘܲܬ݂ܪܲܝܵܢܵܐ ܕܹܝܢ ܗܵܢܵܐ܃ ܐܲܝܢܵܐ ܕܡ݂ܢ ܐܝ݂ܕܲܥܬ݂ܵܐ
01:010:03 ܚܲܣܝ݂ܪ܂ ܘܫܲܦܝ݂ܪ ܐܸܡ݁ܲܪ ܐܼܢܵܫ܃ ܕܲܡܥܝ݂ܩܵܐ ܕܸܚܠܲܬ݂ ܡܵܘܬܵܐ ܠܓܲܒ݂ܪܵܐ
01:010:04 ܒܸܣܪܵܢܵܐ܂ ܘܐܲܝܢܵܐ ܕܐܝ݂ܬ݂ ܠܹܗ ܣܵܗܕܘ݂ܬ݂ܵܐ ܛܵܒ݂ܬ݂ܵܐ ܒܢܲܦܫܹܗ܃ ܗ݂ܘܝܘ݂
01:010:05 ܡܸܬ݂ܪܲܓ݂ܪܲܓ݂ ܠܹܗ܃ ܐܲܝܟ݂ ܕܲܠܚܲܝܹ̈ܐ܀ ܠܵܐ ܢܸܬ݂ܚܫܸܒ݂ ܠܵܟ݂ ܚܲܟ݁ܝ݂ܡܵܐ
01:010:06 ܕܲܫܪܵܪܵܐ܃ ܐܲܝܢܵܐ ܕܲܚܠܵܦ ܚܲܝܹ̈ܐ ܕܙܲܒ݂ܢܵܐ܃ ܠܕܸܚܠܬ݂ܵܐ ܡܫܲܥܒܲܕ݂ ܪܸܥܝܵܢܹܗ܀
01:010:07 ܟܠ ܛܵܒ݂̈ܬ݂ܵܐ ܘܒ݂ܝ݂̈ܫܵܬ݂ܵܐ ܕܨܹܝܕ݂ ܦܲܓ݂ܪܵܐ ܓܵܕ݂̈ܫܵܢ܃ ܚܸܠܡܹ̈ܐ ܢܸܬ݂ܚܲܫ̈ܒܵܢ
01:010:08 ܠܵܟ݂ ܟܠܗܹܝܢ܂ ܕܠܵܘ ܒܲܠܚܘ݁ܕ݂ ܒܝܲܕ݂ ܡܵܘܬܵܐ ܐܝ݂ܬ݂ ܠܵܟ݂ ܠܡܸܫܬܪܵܝܘ݂
01:010:09 ܡܸܢܗܹܝܢ܃ ܐܸܠܵܐ ܘܲܟ݂ܡܵܐ ܙܲܒ݂ܢ̈ܝ݂ܢ ܡ݂ܢ ܩܕ݂ܵܡ ܡܵܘܬܵܐ ܫܵܒ݂̈ܩܵܢ ܠܵܟ݂
01:010:10 ܘܲܡܫܲܢ̈ܝܵܢ܀ ܐܸܢ ܐܝ݂ܬ݂ ܡܸܢܗܹܝܢ ܕܲܡܫܵܘܬ݁ܦܵܐ ܒܗܹܝܢ ܢܲܦܫܵܟ݂܃ ܠܗܹܝܢ
01:010:11 ܬܸܪܢܸܐ ܕܐܝ݂ܬܲܝܗܹܝܢ ܩܸܢܝܵܢܵܟ݂ ܕܲܠܥܵܠܲܡ܃ ܕܐܵܦ ܠܥܵܠܡܵܐ ܕܲܥܬ݂ܝ݂ܕ݂
01:010:12 ܥܲܡܵܟ݂ ܐܵܙܵܠܼܢ̈܂ ܘܐܸܢ ܫܲܦܝ݂ܪ̈ܵܬ݂ܵܐ ܐܸܢܹܝܢ܃ ܚܕ݂ܝ݂܃ ܘܐܵܘܕܵܐ ܠܐܲܠܵܗܵܐ
01:010:13 ܒܪܸܥܝܵܢܵܟ݂܂ ܘܐܸܢ ܒܝ݂̈ܫܵܬ݂ܵܐ ܐܝ݂ܬܲܝܗܹܝܢ܃ ܗ݂ܘܲܝܬ݁ ܡܲܟ݂ܪܸܐ ܘܡܸܬܬܲܢܲܚ܃
01:010:14 ܘܲܒ݂ܥܝ݂ ܓܗܵܝܬ݂ܵܐ ܕܡܸܢܗܹܝܢ܃ ܥܲܕ݂ ܐܝ݂ܬܲܝܟ ܒܦܲܓ݂ܪܵܐ܂ ܟܠ ܛܵܒ݂ܬ݂ܵܐ
01:010:15 ܕܹܝܢ ܕܡܸܣܬܲܥܪܵܐ ܠܘܵܬ݂ܵܟ݂ ܡܸܬ݂ܝܲܕ݂ܥܵܢܵܐܝ݂ܬ݂ ܘܲܒ݂ܟܸܣܝܵܐ܃ ܬܸܗܘܸܐ
01:010:16 ܚܲܬ݁ܝ݂ܬ݂ܵܐ ܠܵܟ݂܃ ܕܡܲܥܡܘ݁ܕ݂ܝ݂ܬ݂ܵܐ ܘܗܲܝܡܵܢܘ݂ܬ݂ܵܐ ܗ݂ܘܲܝ̈ ܠܵܟ݂ ܡܸܨܥܵܝܵܐ
01:010:17 ܠܘܵܬ݂ܵܗ݀܃ ܗܵܢܹ݁ܝܢ ܕܲܒ݂ܗܹܝܢ ܐܸܬ݂ܩ݂ܪܝ݂ܬ݁ ܒܝ݂ܫܘ݂ܥܡܫܝ݂ܚܵܐ ܠܲܥܒ݂ܵܕܹ̈ܐ ܛܵܒܹ̈ܐ܂
01:010:18 ܕܠܹܗ ܘܠܲܐܒ݂ܘ݂ܗܝ ܘܲܠܪܘ݂ܚܵܐ ܕܩܘ݂ܕ݂ܫܵܐ܃ ܫܘ݂ܒ݂ܚܵܐ ܘܐܝ݂ܩܵܪܵܐ
01:010:19 ܘܣܸܓ݂ܕܬ݂ܵܐ܃ ܗܵܫܵܐ ܘܲܒ݂ܟ݂ܠܙܒܲܢ ܘܲܠܥܵܠܲܡ ܥܵܠܡܝ݂ܢ܂ ܐܵܡܹܝܢ܂