← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60457: IsNin (Isaac of Nineveh)

Click on a word for lexical analysis
Click on a red-colored coordinate for comments and/or translations of the line

02:011:02 ܩܘ݂ܒܵܠܛܲܝܒ݁ܘ݂ܬ݂ܵܐ ܕܢܵܣܘ݁ܒ݂ܵܐ ܡܓܲܪܸܓ݂ ܠܝܵܗܘ݁ܒ݂ܵܐ܃ ܥܵܠ
02:011:03 ܡܵܘ̈ܗܒ݂ܵܬ݂ܵܐ ܕܪܵܘܪ̈ܒ݂ܵܢ ܡ݂ܢ ܩܲܕ݂̈ܡܵܝܵܬ݂ܵܐ܂ ܐܲܝܢܵܐ ܕܟ݂ܵܐܹ݁ܡ ܥܲܠ ܙܥܘ݁ܪ̈ܝܵܬ݂ܵܐ܃
02:011:04 ܘܐܵܦ ܒܪܵܘܪ̈ܒ݂ܵܬ݂ܵܐ ܕܲܓܵܠܵܐ ܐܝ݂ܬ݂ܵܘܗܝ ܘܛܵܠܘ݁ܡܵܐ܀ ܟܪܝ݂ܗܵܐ ܕܲܡܦܵܣ
02:011:05 ܒܟ݂ܘ݂ܪܗܵܢܹܗ܃ ܕܠܝ݂ܠܵܐ ܐܵܣܝܘ݂ܬܹܗ܂ ܘܐܲܝܢܵܐ ܕܲܒ݂ܟܹܐܒܹܗ ܡܵܘܕܸܐ܃
02:011:06 ܩܲܪܝ݂ܒ݂ ܗܼܘ݂ ܠܚܘ݂ܠܡܵܢܵܐ܀ ܠܸܒܵܐ ܩܲܫܝܵܐ܃ ܢܸܣܓ݁ܘ݁ܢ ܟܹܐܒ݂ܵܘ̈ܗܝ܂
02:011:07 ܘܲܟ݂ܪܝ݂ܗܵܐ ܕܲܡܪܲܕ݂ ܥܲܠ ܐܵܣܝܵܐ܃ ܫܘ݂ܢܵܩܹܗ ܡܸܬ݁ܬܵܘܣܲܦ܀ ܠܲܝܬ݁
02:011:08 ܚܛܝ݂ܬ݂ܵܐ ܕܠܵܐ ܫܘ݂ܒ݂ܩܵܢܵܐ܃ ܐܸܠܵܐ ܐܲܝܕܵܐ ܕܲܕܠܵܐ ܬܝܵܒ݂ܘ݂ܬ݂ܵܐ ܐܝ݂ܬܹܝܗ݀܂
02:011:09 ܘܠܲܝܬ݁ ܡܵܘܗܲܒ݂ܬ݂ܵܐ ܕܲܕ݂ܠܵܐ ܬܵܘܣܲܦܬ݂ܵܐ ܡܩܵܘܝܵܐ܃ ܐܸܠܵܐ ܐܲܝܕܵܐ ܕܚܲܣܝ݂ܪܵܐ
02:011:10 ܡ݂ܢ ܬܵܘܕܝ݂ܬ݂ܵܐ܂ ܣܲܟ݂ܠܵܐ ܠܲܡ܃ ܙܥܘ݁ܪܝܵܐ ܡܢܵܬܹܗ ܒܥܲܝܢܵܘ̈ܗܝ܀
02:011:11 ܗ݂ܘܲܝܬ݁ ܡܸܬ݂ܥܲܗܲܕ݂ ܐܲܡܝ݂ܢܵܐܝ݂ܬ݂ ܠܐܲܝܠܹܝܢ ܕܲܡܥܲܠܹܝܢ ܡܸܢܵܟ݂
02:011:12 ܒܲܡܝܲܬ݁ܪܘ݂ܬ݂ܵܐ܃ ܕܲܒ݂ܨܝ݂ܪܵܐ ܬܸܚܙܸܐ ܢܲܦܫܵܟ݂ ܡ݂ܢ ܦܸܚܡܗܘ݁ܢ ܒܟ݂ܠܙܒܲܢ܂
02:011:13 ܘܲܗ݂ܘܲܝܬ݁ ܡܸܬ݂ܒܲܩܸܐ ܒܟ݂ܠܙܒܲܢ ܒܐܘ݂̈ܠܨܵܢܹܐ ܚܲܣܝ݂̈ܢܹܐ ܕܐܲܝܠܹܝܢ
02:011:14 ܕܥܲܣܩܝ݂ܢ ܘܒ݂ܝ݂ܫܝ݂ܢ ܛܘ݂ܪ̈ܵܦܲܝܗܘ݁ܢ܃ ܕܩܘ݂ܒܵܠܛܲܝܒ݁ܘ݂ܬ݂ܵܐ ܬܸܬܸܠ ܥܲܠ
02:011:15 ܙܥܘ݁ܪ̈ܝܵܬ݂ܵܐ ܕܲܫܟ݂ܝ݂̈ܚܵܢ ܨܹܐܕܲܝܟ܃ ܘܬܸܫܟܲܚ ܠܲܡܣܲܝܒܵܪܘ݂ ܐܸܢܹܝܢ
02:011:16 ܒܚܲܕܘ݂ܬ݂ܵܐ܀ ܒܙܲܒ݂ܢܵܐ ܕܐܝ݂ܬܲܝܟ ܒܡܸܙܕܲܟ݂ܝܵܢܘ݂ܬ݂ܵܐ ܘܫܲܦܠܘ݂ܬ݂ܵܐ
02:011:17 ܘܡܲܐܝ݂ܢܘ݂ܬ݂ܵܐ܃ ܘܐܲܣܝ݂ܪ ܘܲܡܦܲܟܲܪ ܐܲܢܼܬ݁ ܠܲܒ݂ܥܸܠܕܲܪܵܟ݂ ܒܕ݂ܵܘܝܘ݂ܬ݂ܵܐ
02:011:18 ܓܢܝ݂ܚܬܐ ܘܒܲܬ݂ܥܝ݂ܫܘ݂ܬ݂ܵܐ ܕܦܘ݂ܠܚܵܢܵܐ ܕܲܚܛܝ݂ܵܬ݂ܵܐ܃ ܐܲܝܬܵܐ ܥܲܠ ܒܵܠܵܟ݂
02:011:19 ܙܲܒ݂̈ܢܹܐ ܩܲܕ݂̈ܡܵܝܹܐ ܕܟܲܫܝ݂ܪܘ݂ܬ݂ܵܐ܃ ܘܕܲܐܝܟܲܢ ܐܵܦ ܥܕܲܡܵܐ ܠܲܙܥܘ݁ܪ̈ܝܵܬ݂ܵܐ
02:011:20 ܫܩܵܠܛܲܥܢܵܐ ܡܚܵܘܸܐ ܗ݂ܼܘܲܝܬ݁܃ ܘܒܲܛܢܵܢܵܐ ܡܸܬ݁ܬ݁ܙܝ݂ܥ ܗ݂ܼܘܲܝܬ݁ ܠܘ݂ܩܒܲܠ
02:011:21 ܡܥܵܘ̈ܟ݂ܵܢܹܐ ܕܡܲܪܕܝ݂ܬ݂ܵܟ݂܂ ܘܬܸܢ̈ܚܵܬ݂ܵܐ ܡܲܣܪܲܚ ܗ݂ܼܘܲܝܬ݁ ܥܲܠ ܐܲܦܲܝ̈