← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60457: IsNin (Isaac of Nineveh)

Click on a word for lexical analysis
Click on a red-colored coordinate for comments and/or translations of the line

02:012:01 ܒܨܝ݂ܪ̈ܵܬ݂ܵܐ ܕܡܸܬ݂ܒܲܣ̈ܝܵܢ ܗ݂ܼܘܲܝ̈ ܡܸܢܵܟ݂ ܐܲܝܟ݂ ܕܲܒ݂ܓܸܕ݂ܫܵܐ܃ ܘܟ݂ܠܹܗ ܐܲܢܼܬ݁܃
02:012:02 ܩܵܛܲܪ ܗ݂ܼܘܲܝܬ݁ ܟܠܝ݂ܠܵܐ ܒܙܵܟ݂ܘ݂ܬ݂ܵܐ ܕܲܒ݂ܗܹܝܢ܂ ܘܗܵܝܕܹܝܢ ܡܸܟܹܝܠ
02:012:03 ܒܗܵܠܹܝܢ ܘܕܲܐܝܟ݂ ܗܵܠܹܝܢ ܥܘ݂̈ܗܕܵܢܹܐ܃ ܡܸܬ݁ܬ݁ܥܝ݂ܪܵܐ ܢܲܦܫܵܟ݂ ܐܲܝܟ݂
02:012:04 ܕܡ݂ܢ ܥܘ݂ܡܩܵܐ܃ ܘܠܵܒ݂݁ܫܵܐ ܫܲܠܗܹܒ݂ܝ݂ܬ݂ܵܐ ܕܲܛܢܵܢܵܐ܂ ܘܐܲܝܟ݂ ܕܡ݂ܢ ܡܝ݂̈ܬܹܐ
02:012:05 ܩܵܝ݁ܡܵܐ ܡ݂ܢ ܛܘ݂ܒܵܥܵܗ݀܃ ܘܙܵܩ݁ܦܵܐ ܗ݂ܝ ܠܵܗ݀ ܘܐܵܬ݂݁ܝܵܐ ܠܛܲܟ݂ܣܵܗ݀
02:012:06 ܩܲܕ݂ܡܵܝܵܐ܃ ܒܐܵܓ݂ܘ݁ܢܵܐ ܚܲܡܝ݂ܡܵܐ ܕܠܘ݂ܩܒܲܠ ܣܵܛܵܢܵܐ ܘܲܚܛܝ݂ܬ݂ܵܐ܀ ܐܸܬ݁ܕܲܟ݂ܪ
02:012:07 ܡܲܦܘ݂ܠܬ݂ܵܐ ܕܚܲܝ̈ܠܬ݂ܵܢܹܐ܃ ܕܬܸܬ݂ܡܲܟܲܟ݂ ܒܲܡܝܲܬ݁ܪ̈ܵܬ݂ܵܟ݂܂ ܘܲܥܗܲܕ݂ ܥܲܣܩܘ݂ܬ݂
02:012:08 ܚܛܵܗܹ̈ܐ ܕܐܲܝܠܹܝܢ ܕܲܢܦܲܠ݂ܘ ܘܬ݂ܵܒ݂ܘ܃ ܘܪܘ݂ܡܪܵܡܵܐ ܘܐܝ݂ܩܵܪܵܐ ܕܩܲܒܸ݁ܠ݂ܘ
02:012:09 ܡ݂ܢ ܒܵܬܲܪܟܸܢ܃ ܕܬܸܬ݂ܠܲܒܲܒ݂ ܒܲܬ݂ܝܵܒ݂ܘ݂ܬ݂ܵܟ݂܀ ܗ݂ܘܝ݂ ܪܵܕ݂ܘ݁ܦܵܐ ܠܲܩܢܘ݁ܡܵܟ݂܃
02:012:10 ܘܡܸܬ݂ܪܕܸܦ ܡ݂ܢ ܘܲܥܕܵܟ݂ ܒܥܸܠܕܲܪܵܟ݂܀ ܐܸܫܬܲܝܲܢ ܐܲܢܼܬ݁ ܥܲܡ ܢܲܦܫܵܟ݂܃
02:012:11 ܘܡܸܫܬܲܝܢܝ݂ܢ ܥܲܡܵܟ݂ ܫܡܲܝܵܐ ܘܐܲܪܥܵܐ܂ ܐܸܬ݂ܚܲܦܲܛ ܠܡܸܥܲܠ ܠܒܹܝܬ݂ ܓܲܙܵܐ
02:012:12 ܕܲܠܓ݂ܵܘ ܡܸܢܵܟ݂܃ ܘܲܚܙܲܝܬܵܝܗܝ ܠܗܵܘ݁ ܕܒܲܫܡܲܝܵܐ܂ ܚܲܕ݂ ܐܝ݂ܬ݂ܵܘܗܝ ܗܵܢܵܐ
02:012:13 ܘܗܵܘ݁܃ ܘܒܲܚܕ݂ܵܐ ܡܲܥܲܠܬ݂ܵܐ ܬܸܚܙܸܐ ܬܪ̈ܲܝܗܘ݁ܢ܂ ܣܸܒ݁ܠܬ݂ܵܐ ܕܗܵܝ݁
02:012:14 ܡܲܠܟ݁ܘ݂ܬ݂ܵܐ ܠܓ݂ܵܘ ܡܸܢܵܟ݂ ܡܛܲܫܝܵܐ܃ ܘܲܒ݂ܓ݂ܵܘ ܢܲܦܫܵܟ݂܂ ܥܡܲܕ݂ ܐܲܢܼܬ݁
02:012:15 ܒܵܟ݂ ܡ݂ܢ ܚܛܝ݂ܬ݂ܵܐ܃ ܘܬܲܡܵܢ ܡܸܫܟܲܚ ܐܲܢܼܬ݁ ܡܲܣܩܵܢܹ̈ܐ ܕܲܒ݂ܗܘ݁ܢ
02:012:16 ܬܸܣܲܩ܀
02:012:17 ܕܡܵܢܵܐ ܐܸܢܹܝܢ ܨܸܒ݂̈ܘܵܬ݂ܵܐ ܕܥܵܠܡܵܐ ܕܲܥܬ݂ܝ݂ܕ݂܃ ܠܵܐ ܦܲܫܸܩ݂ܘ ܟܬ݂ܵܒܹ̈ܐ܂
02:012:18 ܕܐܲܝܟܲܢܵܐ ܕܹܝܢ ܢܩܲܒܸܠ ܡܲܪܓ݁ܫܵܢܘ݂ܬ݂ܵܐ ܕܒ݂ܘ݂ܣܵܡܗܹܝܢ ܡ݂ܢ ܟܲܕ݂ܘ݂܃
02:012:19 ܣܛܲܪ ܡ݂ܢ ܫܘ݂ܚܠܵܦܵܐ ܟܝܵܢܵܝܵܐ ܘܫܘ݂ܢܵܝܵܐ ܐܲܬ݂ܪܵܢܵܝܵܐ܃ ܦܫܝ݂ܩܵܐܝ݂ܬ݂ ܐܲܠܸܦ݂ܘ
02:012:20 ܠܲܢ܀ ܘܐܵܦܸܢ ܫܡܵܗܹ̈ܐ ܪ̈ܚܝ݂ܡܹܐ ܕܨܸܒ݂̈ܘܵܬ݂ܵܐ ܫܒ݂ܝ݂̈ܚܵܬ݂ܵܐ ܕܗܲܢܝ݂̈ܐܵܢ ܘܝܲܩܝ݂ܪ̈ܵܢ
02:012:21 ܠܘܵܬܲܢ ܣܵܡ݂ܘ ܠܗܹܝܢ ܠܓ݂ܘ݂ܪܵܓܲܢ܃ ܒܗܵܝ݁ ܕܐܸܡ݁ܲܪܘ ܕܥܲܝܢܵܐ ܠܵܐ
02:012:22 ܚܙܵܬ̤ ܘܐܸܕ݂ܢܵܐ ܠܵܐ ܫܸܡܥܲܬ̤ ܘܫܲܪܟܵܐ܃ ܐܸܠܵܐ ܩܲܢܵܝܘ݂ܬ݂ ܕܵܡܝܘ݂ܬ݂ܵܐ