← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60457: IsNin (Isaac of Nineveh)

Click on a word for lexical analysis
Click on a red-colored coordinate for comments and/or translations of the line

02:014:01 ܗܵܘ݁ܝܵܐ܃ ܠܵܐ ܚܲܕ݂ܘ݂ܬ݂ܵܐ ܡܸܢܵܗ݀ ܢܵܒ݂݁ܥܵܐ܃ ܘܠܵܐ ܠܦܘ݁ܘ݂ܪܥܵܢܘ݂ܬ݂ܵܐ ܡܸܬ݂ܚܲܫܒܵܐ
02:014:02 ܕܩܲܢܵܝܹ̈ܝܗ݀܀
02:014:03 ܚܲܦܵܐ ܥܲܠ ܚܲܛܵܝܵܐ܃ ܟܲܕ݂ ܠܵܐ ܚܵܣܲܪ ܐܲܢܼܬ݁ ܒܹܗ܂ ܐܸܠܵܐ
02:014:04 ܬܠܲܒ݁ܒ݂ܝ݂ܘܗܝ ܠܚܲܝܹ̈ܐ܃ ܕܢܸܛܥܢܘ݂ܢܵܟ݂ ܪ̈ܲܚܡܹܐ ܕܡܵܪܘ݂ܬ݂ܵܐ܀ ܣܡܘ݁ܟ݂
02:014:05 ܠܲܡܚܝ݂̈ܠܹܐ ܘܥܲܝ̈ܝ݂ܩܲܝ ܪܘ݂ܚܵܐ ܒܡܸܠܬ݂ܵܐ ܟܡܵܐ ܕܡܵܛ݁ܝܵܐ ܒܐܝ݂ܕܲܝ̈ܟ܃
02:014:06 ܕܲܬ݂ܣܲܡܟ݂ܵܟ݂ ܝܲܡܝ݂ܢܵܐ ܛܥܝ݂ܢܲܬ݂ ܠܟ݂ܠ܀ ܗ݂ܘܝ݂ ܫܵܘܬܵܦܵܐ ܥܲܡ ܚܲܫܝ݂̈ܫܲܝ
02:014:07 ܠܸܒܵܐ ܒܚܲܫܵܐ ܕܨܲܠܘ݁ܬ݂ܵܐ ܘܲܚܢܲܓ݂ܬ݂ܵܐ ܕܠܸܒܵܐ܃ ܘܢܸܬ݂ܦܬܲܚ ܩܕ݂ܵܡ
02:014:08 ܫܸܐ̈ܠܵܬ݂ܵܟ݂ ܡܲܒ݁ܘ݂ܥܵܐ ܕܲܚܢܵܢܵܐ܂ ܐܲܥܡܸܠ ܝܵܬ݂ܵܟ݂ ܒܒ݂ܵܥܘ݂ܬ݂ܵܐ ܕܟ݂ܠܥܸܕܵܢ
02:014:09 ܩܕ݂ܵܡ ܐܲܠܵܗܵܐ܃ ܒܠܸܒܵܐ ܕܲܛܥܝ݂ܢ ܡܲܚܫܲܒ݂ܬ݂ܵܐ ܙܗܝ݂ܬ݂ܵܐ ܕܡܲܠܝܵܐ ܚܲܫܵܐ܃
02:014:10 ܘܲܢܢܲܛܲܪ ܪܸܥܝܵܢܵܟ݂ ܡ݂ܢ ܚܘ݂̈ܫܵܒܹܐ ܨܵܐܹ̈ܐ܃ ܕܠܵܐ ܬܸܙܕܲܠܲܠ ܒܵܟ݂ ܐܘ݂ܪܚܹܗ
02:014:11 ܕܐܲܠܵܗܵܐ܂ ܐܲܦܗܵܐ ܚܙܵܬ݂ܵܟ݂ ܒܥܸܢܝܵܢܵܐ ܐܲܡܝ݂ܢܵܐ ܕܩܸܪܝܵܢܵܐ ܕܦܘ݂ܪܫܵܢܵܐ܃
02:014:12 ܕܕܲܠܡܵܐ ܒܥܸܠܲܬ݂ ܒܸܛܠܵܢܵܐ ܢܸܬ݂ܟܲܬܲܡ ܒܲܚܝܵܪܵܟ݂ ܚܸܙܘܵܐ ܢܘ݂ܟ݂ܪܵܝܵܐ܀
02:014:13 ܠܵܐ ܬܢܲܣܸܐ ܠܪܸܥܝܵܢܵܟ݂ ܐܲܝܟ݂ ܕܲܠܒ݂ܘ݂ܩܝܵܐ ܒܚܵܘܪܵܐ ܕܚܘ݂̈ܫܵܒܹܐ ܙܲܠܝ݂̈ܠܹܐ
02:014:14 ܕܲܡܢܲܣܹܝܢ܃ ܟܲܕ݂ ܣܵܒܲ݁ܪ ܐܲܢܼܬ݁ ܗܼܘ݂ ܕܠܵܐ ܡܸܙܕܟܸܐ ܐܲܢܼܬ݁܂ ܐܵܦ ܚܲܟ݁ܝ݂̈ܡܹܐ
02:014:15 ܐܸܬ݁ܕܵܘܲܕ݂ܘ ܒܕ݂ܘ݂ܟ݁ܬ݂ܵܐ ܗܵܕܹܐ܃ ܘܲܫܛ݂ܵܘ܂ ܠܵܐ ܬܸܚܡܘ݁ܠ ܫܲܠܗܹܒ݂ܝ݂ܬ݂ܵܐ
02:014:16 ܒܥܘ݂ܒܵܟ݂܃ ܐܲܝܟ݂ ܕܐܲܡܝ݂ܪ܃ ܕܠܵܐ ܐܘ݂̈ܠܨܵܢܹܐ ܚܲܣܝ݂̈ܢܹܐ ܕܦܲܓ݂ܪܵܐ܃
02:014:17 ܥܲܣܩܵܐ ܗ݂ܼܝ ܠܠܵܐ ܡܢܲܦܩܘ݂ܬ݂ܵܐ ܕܛܲܠܝܘ݂ܬ݂ܵܐ܃ ܠܡܸܬ݂ܟܕ݂ܵܢܘ݂ ܬܚܹܝܬ݂
02:014:18 ܢܝ݂ܪܵܗ݀ ܕܩܲܕܝ݂ܫܘ݂ܬ݂ܵܐ܀ ܠܫܘ݂ܪܵܝ ܥܲܡܛܵܢܵܐ ܕܗܵܘܢܵܐ ܟܲܕ݂ ܬܸܬ݂ܚܵܘܸܐ
02:014:19 ܐܵܬ̤ܵܐ ܒܢܲܦܫܵܐ ܗܵܕܲܐ ܗ݂ܼܝ܃ ܒܡܲܐܝ݂ܢܘ݂ܬ݂ܵܐ ܩܲܕ݂ܡܵܐܝܬ݂ ܕܲܠܘܵܬ݂ ܬܸܫܡܸܫܬ݂ܵܐ
02:014:20 ܘܲܨܠܘ݁ܬ݂ܵܐ ܡܫܲܪܝܵܐ܂ ܐܼܚܪܵܢܝܵܐܝ݂ܬ݂ ܓܹܝܪ ܕܢܸܬ݁ܕܪܸܫ ܫܒ݂ܝ݂ܠܵܐ ܕܲܠܬ݂ܵܘܫܵܐ
02:014:21 ܒܢܲܦܫܵܐ܃ ܠܵܐ ܡܲܨܝܵܐ܃ ܐܸܠܵܐ ܐܸܢ ܠܘ݂ܩܕܲܡ ܡ݂ܢ ܬܲܡܵܢ ܬܸܦܸܠ܂ ܐܲܝܟ݂