← Back
The Comprehensive Aramaic Lexicon
← Return to the Text Browser
click on the file description for more information

60457: IsNin (Isaac of Nineveh)

Click on a word for lexical analysis
Click on a red-colored coordinate for comments and/or translations of the line

02:015:01 ܕܟܲܕ݂ ܬܸܬ݂ܓܠܸܙ ܡ݂ܢ ܥܘ݂ܕ݂ܪܵܢܵܐ ܐܲܠܵܗܵܐ܃ ܗܵܘ݁ ܕܡܲܪܕܝ݂ܬܹܗ ܡ݂ܢ
02:015:02 ܬܲܡܵܢ ܗܵܘ݁ܝܵܐ ܠܘܵܬܹܗ܃ ܕܠܝ݂ܠܵܐܝ݂ܬ݂ ܒܐܝ݂ܕܲܝ̈ܗܘ݁ܢ ܕܒܲܥ̈ܠܲܝ ܕܲܪܵܐ
02:015:03 ܬܸܦܸܠ܂ ܘܲܐܼܚܪܹܬ݂ܵܐ܂ ܕܟܲܕ݂ ܬܸܗܘܸܐ ܬܘ݂ܒ݂ ܕܠܵܐ ܨܸܦܬ݂ܵܐ ܡ݂ܢ ܗܵܠܹܝܢ
02:015:04 ܕܲܡܝܲܬܪܘ݂ܬ݂ܵܐ܃ ܡ݂ܢ ܟܠܦܪܘ݁ܣ܃ ܠܘܵܬ݂ ܗܵܢܹܝܢ ܕܕܲܠܩܘ݂ܒ݂ܠܵܐ
02:015:05 ܬܸܬ݂ܓ݁ܪܸܦ܂ ܫܘ݂ܢܵܝܵܐ ܡ݁ܢ ܕܡ݂ܢ ܐܲܝܢܵܐ ܕܗ݂ܘ ܓܲܒܵܐ܃ ܫܘ݂ܪܵܝܵܐ ܐܝ݂ܬ݂ܵܘܗܝ
02:015:06 ܕܲܠܘܵܬ݂ ܓܲܒܵܐ ܕܕܲܠܩܘ݂ܒ݂ܠܵܐ܂ ܬܸܥܫܲܢ ܥܒ݂ܝ݂ܕܬܵܐ ܕܲܡܝܲܬ݁ܪܘ݂ܬ݂ܵܐ ܥܲܠ
02:015:07 ܢܲܦܫܵܐ܃ ܘܬܸܪܢܸܐ ܒܵܗ݀܃ ܘܫܲܪܟܵܐ܀ ܚܵܘܵܐ ܩܕ݂ܵܡ ܐܲܠܵܗܵܐ ܡܚܝ݂ܠܘ݂ܬ݂ܵܟ݂
02:015:08 ܒܟ݂ܠܥܸܕܵܢ܂ ܕܠܵܐ ܢܸܒ݂ܨܘ݁ܢ ܢܘ݂ܟ݂ܪ̈ܵܝܹܐ ܚܲܝܠܵܟ݂܃ ܟܲܕ݂ ܬܸܫܬܵܘܚܲܕ݂ ܡ݂ܢ
02:015:09 ܡܥܲܕܪܵܢܵܟ݂܂
02:015:10 ܥܦܝ݂ܦܵܐ ܐܝ݂ܬ݂ܵܘܗܝ܃ ܦܘ݂ܠܚܵܢܹܗ ܕܲܙܩܝ݂ܦܵܐ܂ ܘܗܵܕܹܐ܃ ܠܦܘ݂ܬ݂

02:015:11 ܥܦܝ݂ܦܘ݂ܬܹܗ ܕܲܟ݂ܝܵܢܵܐ܂ ܕܡܸܬ݂ܦܲܠܲܓ݂ ܠܲܡ̈ܢܵܘܵܬ݂ܵܐ܃ ܬܲܪܬܹܝܢ܂

02:015:12 ܠܲܡܣܲܝܒ݁ܪܵܢܘ݂ܬ݂ܵܐ ܕܐܘ݂̈ܠܨܵܢܹܐ ܕܦܲܓ݂ܪܵܐ܃ ܕܡܸܬ݂ܓܲܡܪܵܐ ܒܡܲܥܒ݁ܕ݂ܵܢܘ݂ܬ݂ܵܐ
02:015:13 ܕܚܸܡܬ݂ܵܐ ܕܢܲܦܫܵܐ܃ ܘܡܸܬ݂ܩܲܫܝܵܐ ܣܵܥܘ݁ܪܘ݂ܬ݂ܵܐ܂ ܘܲܠܦܘ݂ܠܚܵܢܵܐ
02:015:14 ܩܲܛܝ݂ܢܵܐ ܕܡܲܕܥܵܐ܃ ܒܥܸܢܝܵܢܹ̈ܐ ܐܲܠܵܗܵܝܹ̈ܐ ܘܐܲܡܝ݂ܢܘ݂ܬ݂ܵܐ ܕܲܨܠܘ݁ܬ݂ܵܐ
02:015:15 ܘܫܲܪܟܵܐ܃ ܕܡܸܬ݂ܦܲܠܚܵܐ ܒܲܡܢܵܬ݂ܵܐ ܗܵܝ݁ ܪܸܓ݁ܬ݂ܵܢܵܝܬ݂ܵܐ܃ ܘܡܸܫܬܲܡܗܵܐ
02:015:16 ܬܹܐܘ݁ܪܝ݂ܵܐ܂ ܘܲܚܕ݂ܵܐ ܡ݁ܢ܃ ܠܲܡܢܵܬ݂ܵܐ ܚܵܫܘ݁ܫܬ݂ܵܐ ܡܕܲܟ݁ܝܵܐ ܒܝܲܕ݂ ܚܲܝܠܹܗ
02:015:17 ܕܲܛܢܵܢܵܐ܂ ܘܲܐܼܚܪܹܬ݂ܵܐ܃ ܒܝܲܕ݂ ܡܲܥܒ݁ܕ݂ܵܢܘ݂ܬ݂ܵܐ ܕܚܘ݂ܒܵܐ ܕܢܲܦܫܵܐ܃ ܕܐܝ݂ܬܹܝܗ݀
02:015:18 ܡܸܬ݂ܝܲܐܒ݂ܵܢܘ݂ܬ݂ܵܐ ܟܝܵܢܵܝܬ݂ܵܐ܃ ܠܲܡܢܵܬ݂ܵܐ ܡܸܣܬܲܟ݁ܠܵܢܝ݂ܬ݂ܵܐ ܡܨܲܠܠܵܐ܀ ܟܠܡ݁ܢ
02:015:19 ܗܵܟܹܝܠ ܕܡܸܢܩܕܵܡ ܢܘ݂ܦܵܩܵܐ ܕܒܲܡܢܵܬ݂ܵܐ ܩܲܕ݂ܡܵܝܬ݂ܵܐ ܦܵܣܲܥ݁ ܥܲܠܗܵܝ݁
02:015:20 ܕܬܲܪܬܹܝܢ ܡܸܛܠ ܗܲܢܝ݂ܐܘ݂ܬ݂ܵܗ݀܃ ܘܝܲܐܝ݂ܒ݂ܵܐܝ݂ܬ݂ ܕܠܵܐ ܐܹܡܲܪ ܚܒܸܢܵܢܵܐܝ݂ܬ݂܃
02:015:21 ܪܘ݂ܓ݂ܙܵܐ ܡܥܲܬܸܕ݂ ܕܢܸܢܫܲܡ ܠܩܘ݂ܒ݂ܠܹܗ܂ ܒܗܵܝ݁ ܕܟܲܕ݂ ܠܵܐ ܠܘ݂ܩܕܲܡ