← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60457: IsNin (Isaac of Nineveh)

Click on a word for lexical analysis
Click on a red-colored coordinate for comments and/or translations of the line

02:017:01 ܒܵܒ݂ܘ݁ܢܵܐ ܙܥܘ݁ܪܵܐ ܕܢܲܦܫܵܟ݂܃ ܠܵܐ ܬܲܡܪܲܚ ܠܡܲܨܵܕ݂ܘ݂ ܒܐܸܣܦܹܝܪ
02:017:02 ܫܸܡܫܵܐ܃ ܕܲܠܡܵܐ ܬܸܬ݂ܓܠܸܙ ܘܐܵܦ ܡ݂ܢ ܚܙܵܬ݂ܵܐ ܕܲܥܝܵܕ݂ܵܐ܃ ܕܐܝ݂ܬܹܝܗ݀
02:017:03 ܗܲܝܡܵܢܘ݂ܬ݂ܵܐ ܦܫܝ݂ܛܬ݂ܵܐ ܘܡܲܟ݁ܝ݂ܟ݂ܘ݂ܬ݂ܵܐ܃ ܘܬ݂ܵܘܕܝ݂ܬ݂ܵܐ ܠܸܒܵܢܵܝܬ݂ܵܐ܃
02:017:04 ܘܦܘ݂ܠܚܵܢܵܐ ܙܥܘ݁ܪܵܐ ܕܐܲܝܟ݂ ܚܲܝܠܵܟ݂܃ ܘܬܸܫܬܕܸܐ ܠܚܲܕ݂ ܡ݂ܢ ܐܲܬ݂ܪ̈ܵܘܵܬ݂ܵܐ
02:017:05 ܡܸܬ݂ܝܲܕ݂ܥܵܢܹ̈ܐ܃ ܕܐܝ݂ܬ݂ܵܘܗܝ ܚܸܫܟܵܐ ܕܲܠܒܲܪ ܡ݂ܢ ܐܲܠܵܗܵܐ܃ ܠܡܸܥܲܠ
02:017:06 ܐܲܝܟ݂ ܗܵܘ݁ ܕܐܲܡܪܲܚ݂ ‍<‍ܠܡܥܠ#2#‍>‍ ܒܢܲܚ̈ܬܹܐ ܨܵܐܹ̈ܐ ܠܡܸܫܬ݁ܘ݂ܬ݂ܵܐ܀
02:017:07 ܡ݂ܢ ܥܲܡܠܵܐ ܘܲܙܗܝ݂ܪܘ݂ܬ݂ܵܐ܃ ܢܵܒ݂݁ܥܵܐ ܙܲܗܝ݂ܘ݂ܬ݂ܵܐ ܕܚܘ݂̈ܫܵܒ݂ܵܐ܂ ܘܡ݂ܢ
02:017:08 ܙܲܗܝܘ݂ܬ݂ܵܐ ܕܚܘ݂̈ܫܵܒܹܐ܃ ܢܘ݂ܗܪܵܐ ܕܬܲܪܥܝ݂ܬ݂ܵܐ܂ ܘܡܸܟܵܐ܃ ܡ݂ܢ ܛܲܝܒ݁ܘ݂ܬ݂ܵܐ
02:017:09 ܡܸܬ݂ܗܲܕܸܐ ܗܵܘܢܵܐ܃ ܠܘܵܬ݂ ܗܵܘ݁ ܡܸܕܸܡ ܕܠܵܐ ܫܲܠܝ݂ܛ ܠܪܸ̈ܓ݂ܫܹܐ܃
02:017:10 ܠܵܐ ܠܡܲܠܵܦܘ݂ ܘܠܵܐ ܠܡܹܐܠܲܦ܀ ܬܸܬ݂ܚܫܸܒ݂ ܠܵܟ݂ ܡܝܲܬ݁ܪܘ݂ܬ݂ܵܐ
02:017:11 ܕܐܝ݂ܬܹܝܗ݀܃ ܦܲܓ݂ܪܵܐ܂ ܬܹܐܘ݁ܪܝ݂ܵܐ ܕܹܝܢ܃ ܢܲܦܫܵܐ܂ ܬܲܪ̈ܬܲܝܗܹܝܢ ܕܹܝܢ܃ ܚܲܕ݂
02:017:12 ܒܲܪܢܵܫܵܐ ܡܫܲܠܡܵܢܵܐ ܕܪܘ݂ܚ܃ ܡܚܲܝܲܕ݂ ܡ݂ܢ ܡܢܵܘ̈ܵܬ݂ܵܐ ܡܸܬ݂ܪ̈ܲܓ݂ܫܵܢܝܵܬ݂ܵܐ
02:017:13 ܘܡܸܬ݂ܝܲܕ݂ܥܵܢ̈ܝܵܬ݂ܵܐ܂ ܘܐܲܝܟܲܢܵܐ ܡܲܨܝܵܐ ܕܠܵܐ ܡܲܨܝܵܐ ܕܬܹܐܬܸܐ ܠܲܗܘܵܝܵܐ ܘܲܠܡܲܘܠܲܕ݂ܵܐ
02:017:14 ܢܲܦܫܵܐ ܒܸܠܥܵܕ݂ ܡܗܲܕܡܘ݂ܬ݂ܵܐ ܕܲܡܫܲܡܠ̄ܝܘ݂ܬ݂ ܓܒ݂ܝ݂ܠܘ݂ܬܹܗ ܕܦܲܓ݂ܪܵܐ܃
02:017:15 ܗܵܟܲܢܵܐ ܠܵܐ ܡܲܨܝܵܐ ܬܹܐܘ݁ܪܝ݂ܵܐ ܢܲܦܫܵܐ ܕܬܲܪܬܹܝܢ ܕܐܝ݂ܬܹܝܗ݀ ܪܘ݂ܚܵܐ
02:017:16 ܕܓܸܠܝܵܢܹ̈ܐ܃ ܕܬܸܬ݁ܨܝ݂ܪ ܒܟܲܪܣܹܗ ܕܡܲܕ݁ܥܵܐ ܡܩܲܒ݁ܠܵܢܵܐ ܕܲܡܠܘ݁ܐܵܐ
02:017:17 ܕܙܲܪܥܵܐ ܪܘ݂ܚܵܢܵܝܵܐ܃ ܒܸܠܥܵܕ݂ ܓܫܝ݂ܡܘ݂ܬ݂ ܦܘ݂ܠܚܵܢܵܐ ܕܲܡܝܲܬ݁ܪܘ݂ܬ݂ܵܐ ܒܲܝܬܵܗ݀
02:017:18 ܕܝ݂ܕܲܥܬ݂ܵܐ ܡܩܲܒ݁ܠܵܢܝ݂ܬ݂ܵܐ ܕܓܸܠܝܵܢܹ̈ܐ܀ ܬܹܐܘ݁ܪܝ݂ܵܐ ܐܝ݂ܬܹܝܗ݀܃ ܪܓܸܫܬ݂ܵܐ
02:017:19 ܕܐܼܪ̈ܵܙܹܐ ܐܲܠܵܗܵܝܹ̈ܐ܃ ܕܲܛܡܝ݂ܪܝ݂ܢ ܒܨܸܒ݂̈ܘܵܬ݂ܵܐ ܕܡܸܬ݂ܡܲܠ̈ܠܵܢ܀ ܐܸܡܲܬ݂ܝ ܕܹܝܢ
02:017:20 ܕܬܸܫܡܲܥ ܪܚܘ݂ܩܝܵܐ ܕܡ݂ܢ ܥܵܠܡܵܐ܃ ܐܵܘ ܫܒ݂ܝ݂ܩܘ݂ܬ݂ܵܐ ܕܥܵܠܡܵܐ܃ ܐܵܘ
02:017:21 ܕܲܟ݂ܝ݂ܘ݂ܬ݂ܵܐ ܕܡ݂ܢ ܥܵܠܡܵܐ܃ ܠܘ݂ܩܕܲܡ ܣܢܝ݂ܩ ܐܲܢܼܬ݁ ܠܡܹܐܠܲܦ