← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60457: IsNin (Isaac of Nineveh)

Click on a word for lexical analysis
Click on a red-colored coordinate for comments and/or translations of the line

02:019:01 ܣܸܩܠܵܐ܂ ܬܸܫܒ݁ܘ݁ܚܬ݂ܵܐ ܐܼܢܵܫܵܝܬ݂ܵܐ܃ ܕܐܝ݂ܬܹܝܗ݀ ܥܸܠܬ݂ܵܐ ܕܐܲܟ݁ܬ݂ܵܢܘ݂ܬ݂ܵܐ܂
02:019:02 ܕܸܚܠ̄ܬ݂ܵܐ ܕܦܲܓ݂ܪܵܐ܀ ܐܲܝܟܵܐ ܕܹܝܢ ܕܗܵܠܹܝܢ ܐܸܫܬܲܠܝ݂ ܡ݂ܢ ܪܲܗܛܵܐ܃
02:019:03 ܬܲܡܵܢ ܒܲܡܢܵܬ݂ܵܐ ܐܲܝܟ݂ ܦܘ݂ܚܵܡܵܐ ܕܦܵܪܫܗܹܝܢ܃ ܥܵܠܡܵܐ ܒܛܸܠ݂ ܡ݂ܢ
02:019:04 ܩܘ݂ܝܵܡܹܗ ܘܦܵܫ݂܂ ܐܲܝܟ݂ ܕܲܒ݂ܚܲܕ݂ ܚܲܕ݂ ܡ݂ܢ ܩܲܕܝ݂̈ܫܹܐ ܕܟܲܕ ܚܲܝܝ݂ܢ܃
02:019:05 ܡܲܝܝ݂ܬܝ݂ܢ ܐܸܢܘ݁ܢ܂ ܚܲܝܝ݂ܢ ܡ݁ܢ ܒܲܦܓܲܪ܃ ܐܸܠܵܐ ܠܵܘ ܕܹܝܢ ܒܸܣܪܵܢܵܐܝ݂ܬ݂
02:019:06 ܚܵܐܹ݁ܝܢ܂ ܚܙܝ݂ ܕܒܲܐܝ݂ܠܹܝܢ ܡ݂ܢ ܗܵܠܹܝܢ ܚܲܝ ܐܲܢܼܬ݁܃ ܘܗܵܝܕܹܝܢ ܝܵܕܲܥ݁
02:019:07 ܐܲܢܼܬ݁ ܕܒܲܟ݂ܡܵܐ ܡܢܵܘ̈ܵܬ݂ܵܐ ܐܝ݂ܬܲܝܟ ܚܲܝܵܐ ܠܥܵܠܡܵܐ܃ ܘܒܲܟ݂ܡܵܐ ܡܝ݂ܬ݂ܵܐ܀
02:019:08 ܐܸܡܲܬ݂ܝ ܕܝ݂ܠܸܦ݂ܬ݁ ܡܵܢܵܘ ܥܵܠܡܵܐ܃ ܡܸܢܗܘ݁ܢ ܕܗܵܠܹܝܢ ܦܘ݂ܪ̈ܫܵܢܹܐ ܝܵܠܹ݁ܦ
02:019:09 ܐܲܢܼܬ݁܃ ܘܐܵܦ ܥܘ݂ܪܓܵܠܵܟ݂ ܕܒܹܗ܃ ܐܵܘ ܣܦܝ݂ܩܘ݂ܬ݂ܵܟ݂ ܕܡܸܢܹܗ܀ ܣܵܟ݂ܵܐ܃
02:019:10 ܥܵܠܡܵܐ ܐܝ݂ܬ݂ܵܘܗܝ܃ ܕܘ݂ܒܵܪܵܐ ܦܲܓ݂ܪܵܢܵܝܵܐ ܘܬܲܪܥܝ݂ܬ݂ܵܐ ܕܒܸܣܪܵܐ܂ ܡܸܛܠ
02:019:11 ܕܐܵܦ ܡܪܝ݂ܡܘ݂ܬ݂ܵܐ ܕܡܸܢܹܗ܃ ܒܗܵܠܹܝܢ ܬܲܪܬܹܝܢ ܡܸܬ݂ܝܲܕ݂ܥܵܐ܂ ܡ݂ܢ
02:019:12 ܫܘ݂ܓ݂ܢܵܝܵܐ ܕܕ݂ܘ݂ܒܵܪܹ̈ܐ܃ ܘܡ݂ܢ ܦܘ݂ܪܫܵܢܵܐ ܕܙܵܘ̈ܥܹܐ܀ ܡ݂ܢ ܢܸܒ݂̈ܗܹܐ ܕܪܸܥܝܵܢܵܟ݂
02:019:13 ܥܲܠ ܨܸܒ݂̈ܘܵܬ݂ܵܐ ܕܲܥܠܲܝܗܹܝܢ ܦܵܗܹ݁ܐ ܒܙܵܘܥܵܘ̈ܗܝ܃ ܡܲܕ݂ܪܸܟ݂ ܐܲܢܼܬ݁
02:019:14 ܡܫܘ݂ܚܬ݂ܵܐ ܕܕ݂ܘ݂ܒܵܪ̈ܲܝܟ܂ ܕܥܲܠ ܐܲܝܠܹܝܢ ܣܵܘܲܚ ܟܝܵܢܵܐ ܕܠܵܐ ܥܲܡܠܵܐ܃
02:019:15 ܘܐܲܝܠܹܝܢ ܐܸܢܘ݁ܢ ܢܸܒ݂̈ܗܹܐ ܕܐܲܡܝ݂ܢܘ݂ܬ݂ܵܐ܃ ܘܐܲܝܠܹܝܢ ܐܸܢܘ݁ܢ ܕܓܸܕ݂ܫܵܐ ܡܙܝ݂ܥ
02:019:16 ܠܗܘ݁ܢ܂ ܘܕܐܸܢ ܫܩܝ݂ܠܵܐ ܠܪܸܥܝܵܢܵܐ ܟܠ ܟ̄ܠܹܗ ܪܓܸܫܬ݂ܵܐ ܕܙܵܘ̈ܥܹܐ
02:019:17 ܠܵܐ ܓܫܝ݂̈ܡܹܐ܃ ܐܵܘ ܟ̄ܠܹܗ ܗܘ݂ܠܵܢܵܐܝ݂ܬ݂ ܪܵܦܹ݁ܬ݂܂ ܘܗ݂ܝ ܗܘ݂ܠܵܢܵܝܘ݂ܬܹܗ
02:019:18 ܚܲܫܵܢܵܝܬ݂ܵܐ ܗ݂ܼܝ܃ ܐܵܘ ܟܹܝܬ݂ ܛܲܒ݂̈ܥܹܐ ܐܸܢܘ݁ܢ ܕܲܓ݂ܫܝ݂ܡܘ݂ܬ݂ ܦܘ݂ܠܚܵܢܵܐ܃
02:019:19 ܕܡܸܫܬܪܲܓ݂ܪܲܓ݂ ܪܸܥܝܵܢܵܐ ܒܠܵܐ ܨܸܒ݂ܝܵܢܹܗ ܒܐܲܝܠܹܝܢ ܕܲܒ݂ܗܹܝܢ ܡܝܲܬ݁ܪ̈ܵܬ݂ܵܐ
02:019:20 ܦܵܠܲܚ܂ ܘܡܸܢܗܹܝܢ ܠܵܐ ܟܪܝ݂ܗܵܐܝ݂ܬ݂ ܠܪܸܬ݂ܚܵܐ ܢܵܣܹ݁ܒ݂ ܥܸܠܬ݂ܵܐ ܘܲܠܟ݂ܘ݂ܢܵܫܵܐ