← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60457: IsNin (Isaac of Nineveh)

Click on a word for lexical analysis
Click on a red-colored coordinate for comments and/or translations of the line

05:061:01 ܒܵܥܹ݁ܐ܀ ܟܬ݂ܵܒ݂ܵܐ ܩܲܕ݂ܡܵܝܵܐ ܕܬܸܬ݂ܝܸܗܸܒ݂ ܡ݂ܢ ܐܲܠܵܗܵܐ ܠܲܡ̈ܠܝ݂ܠܹܐ܃ ܟܝܵܢܵܐ
05:061:02 ܗܼܘ݂ ܕܒܸܪ̈ܝܵܬ݂ܵܐ܂ ܝܘ݂ܠܦܵܢܵܐ ܕܹܝܢ ܕܒܲܕ݂ܝܘ݁ܬ݂ܵܐ܃ ܒܵܬܲܪ ܡܲܣܛܝܵܢܘ݂ܬ݂ܵܐ
05:061:03 ܐܸܬ݁ܬܵܘܣܲܦ܂ ܐܲܝܢܵܐ ܕܠܵܐ ܡܸܬ݂ܪܲܚ݂ܩ ܡ݂ܢ ܥܸܠ̈ܠܵܬ݂ܵܐ ܕܲܚܛܝ݂ܬ݂ܵܐ
05:061:04 ܒܨܸܒ݂ܝܵܢܹܗ܃ ܠܘܵܬ݂ ܚܛܝ݂ܬ݂ܵܐ ܕܠܵܐ ܒܨ݂ܒ݂ܝܵܢܹܗ ܡܸܬ݂ܢܓܸܕ݂܀ ܥܸܠ̈ܠܵܬ݂ܵܐ
05:061:05 ܕܲܚܛܵܗܹ̈ܐ ܐܝ݂ܬܲܝܗܹܝܢ܃ ܚܲܡܪܵܐ ܘܐܲܢܼܬ݁ܬ݂ܵܐ܃ ܘܥܘ݂ܬ݂ܪܵܐ ܘܲܚܠܝ݂ܡܘ݂ܬ݂ܵܐ
05:061:06 ܕܓܘ݂ܫܡܵܐ܂ ܠܵܐ ܗܼܘ݂ܵܐ ܕܗܵܠܹܝܢ ܡܸܢܗܹܝܢ ܘܲܠܗܹܝܢ ܚܛܝ݂ܬ݂ܵܐ ܐܝ݂ܬܲܝܗܹܝܢ
05:061:07 ܒܲܩܪܵܝܬ݁ܗܹܝܢ܃ ܐܸܠܵܐ ܡܸܛܠ ܡܚܝ݂ܠܘ݂ܬܹܗ ܕܒܲܪܢܵܫܵܐ ܘܲܚܫܲܚܬ݂ܵܐ
05:061:08 ܕܡܸܢܗܹܝܢ ܕܠܵܐ ܢܵܡܘ݁ܣ܂ ܟܹܐܡܲܬ݂ ܘܲܒ݂ܗܹܝܢ ܝܲܬܝ݂ܪ ܡ݂ܢ ܟܠܡܸܕܸܡ܃
05:061:09 ܡܨܸܐ ܕܠܝ݂ܠܵܐܝ݂ܬ݂ ܡܸܨܛܠܸܐ ܟܝܵܢܵܐ ܠܘܵܬ݂ ܚܛܵܗܹ̈ܐ ܡܫܲܚ̈ܠ̄ܦܹܐ܃
05:061:10 ܘܲܒ݂ܗܹܝܢ܃ ܙܗܝ݂ܪܘ݂ܬ݂ܵܐ ܝܲܬܝ݂ܪܬܵܐ ܡܸܬ݂ܒܲܥܝܵܐ ܠܹܗ܀ ܐܸܢ ܬܸܬ݁ܕܟܲܪ
05:061:11 ܒܐܲܡܝ݂ܢܘ݂ ܘܬܸܕܲܥ ܚܲܬ݁ܝ݂ܬ݂ܵܐܝ݂ܬ݂ ܕܲܡܚܝ݂ܠ ܐܲܢܼܬ݁ ܗܼܘ݂܃ ܠܵܐ ܡܸܡܬ݂ܘ݁ܡ
05:061:12 ܦܵܣܲܥ݁ ܐܲܢܼܬ݁ ܥܲܠ ܬܚܘ݂̈ܡܹܐ ܕܲܙܗܝ݂ܪܘ݂ܬ݂ܵܐ܀
05:061:13 ܡܲܣܠ̄ܝܵܐ ܗ݂ܼܝ ܛܵܒ݂ ܒܹܝܬ݂ ܒܢܲܝ̈ܢܵܫܵܐ ܡ݂ܢ ܟܠ ܡܸܕܸܡ܃ ܡܸܣܟܹܢܘ݂ܬ݂ܵܐ܂
05:061:14 ܘܝܲܬ݁ܝ݂ܪ ܡܸܢܵܗ݀ ܥܲܠ ܐܲܠܵܗܵܐ܃ ܪܵܡܘ݂ܬ݂ ܠܸܒܵܐ ܘܪܸܥܝܵܢܵܐ ܫܵܝܘ݁ܛܵܐ܀
05:061:15 ܒܹܝܬ݂ ܒܢܲܝ̈ܢܵܫܵܐ܃ ܥܘ݂ܬ݂ܪܵܐ ܡܝܲܩܲܪ܂ ܥܲܠ ܐܲܠܵܗܵܐ ܕܹܝܢ܃ ܢܲܦܫܵܐ
05:061:16 ܡܲܟ݁ܝ݂ܟ݂ܬ݂ܵܐ܀ ܐܸܡܲܬ݂ܝ ܕܬܸܨܒܸ݁ܐ ܠܲܡܫܲܪܵܝܘ݂ ܒܲܚܕ݂ܵܐ ܡ݂ܢ ܡܝܲܬ݁ܪ̈ܵܬ݂ܵܐ܃
05:061:17 ܩܲܕ݂ܡܵܐܝܬ݂ ܥܲܬܸܕ݂ ܢܲܦܫܵܟ݂܃ ܕܲܒ݂ܒ݂ܝ݂̈ܫܵܬ݂ܵܐ ܕܡܸܛܠܵܬ݂ܵܗ݀ ܐܵܬ݂̈ܝܵܢ܃ ܠܵܐ
05:061:18 ܬܸܬ݂ܦܲܠܲܓ݂ ܥܲܠ ܫܪܵܪܵܐ܀ ܡܥܵܕ݂ ܗܼܘ݂ ܒܝ݂ܫܵܐ ܐܸܡܲܬ݂ܝ ܕܚܵܙܹ݁ܐ܃ ܕܐܼܢܵܫ