← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information

60457: IsNin (Isaac of Nineveh)

Click on a word for lexical analysis
Click on a red-colored coordinate for comments and/or translations of the line

05:063:01 ܒܐܲܝܠܹܝܢ ܕܐܵܘܒܸ݁ܕܬ݁ ܐܸܢܹܝܢ ܠܛܵܒ݂̈ܬ݂ܵܐ܃ ܒܗܹܝܢ ܬܘ݂ܒ݂ ܬܸܩܢܸܐ
05:063:02 ܐܸܢܹܝܢ܂ ܦܘ݂ܠܣܵܐ ܚܲܝܵܒ݂ ܐܲܢܼܬ݁ ܠܐܲܠܵܗܵܐ ܒܕ݂ܘ݂ܟ܃ ܠܵܐ ܡܩܲܒܸ݁ܠ
05:063:03 ܡܸܢܵܟ݂ ܡܲܪܓܵܢܝ݂ܬ݂ܵܐ ܒܕ݂ܘ݂ܟ݁ܬܹܗ܂ ܬܲܡܵܢ ܓܹܝܪ܃ ܗܵܢܵܘ ܚܵܫܲܚ݁܀ ܢܲܟ݂ܦܘ݂ܬ݂ܵܐ
05:063:04 ܐܵܘܒܸܕ݂ܬ݁ ܡܸܢܵܟ݂܃ ܠܵܐ ܬܸܫܒ݁ܘ݁ܩ ܙܵܢܝܘ݂ܬ݂ܵܐ ܒܕ݂ܘܟ݁ܬ݂ܵܗ݀܃ ܘܙܸܕ݂ܩܬ݂ܵܐ
05:063:05 ܬܸܬܸܠ ܚܠܵܦܹܝܗ݀܃ ܠܵܐ ܡܩܲܒܸ݁ܠ ܡܸܢܵܟ݂ ܗܵܕܹܐ܂ ܕܘ݂ܟܲܬ݂ ܩܲܕܝ݂ܫܘ݂ܬ݂ܵܐ܃
05:063:06 ܩܲܕܝ݂ܫܘ݂ܬ݂ܵܐ ܬܵܒܲܥ݁܀ ܘܐܸܠܵܐ܃ ܒܡܸܣ̈ܟܹܢܹܐ ܐܲܥܘܸܠܬ݁܃ ܠܵܐ ܬܸܫܒ݁ܘ݁ܩ
05:063:07 ܩܸܢܝܵܢܵܐ ܕܥܵܠܘ݁ܒ݂ܘ݂ܬ݂ܵܐ ܒܕ݂ܘ݂ܪܬܹܗ܃ ܘܲܬ݂ܨܘ݂ܡ ܐܲܢܼܬ݁ ܡ݂ܢ ܠܲܚܡܵܐ܂
05:063:08 ܠܵܐ ܬܸܫܒ݁ܘ݁ܩ ܥܵܘ݂ܠܵܐ ܒܕ݂ܘ݂ܟ݁ܬܹܗ܃ ܘܬܸܬ݂ܟܲܬܲܫ ܥܲܡ ܡܸܕܸܡ ܐܼܚܪܹܝܢ܂
05:063:09 ܥܠܘ݂ܒ݂ܝܵܐ܃ ܒܲܡܪܲܚܡܵܢܘ݂ܬ݂ܵܐ ܘܒܲܡܣܲܪܩܘ݂ܬ݂ܵܐ ܡܸܬ݂ܥܩܲܪ܂ ܫܒܲܩܬܵܗ݀
05:063:10 ܠܢܸܨܒ݁ܬ݂ܵܐ ܥܲܠ ܕܘ݂ܟ݁ܬ݂ܵܗ݀܃ ܘܥܲܡ ܐܼܚܪܹܢܵܐ ܡܸܬ݂ܟܲܬܲܫ ܐܲܢܼܬ݁܃ ܐܲܝܟ݂
05:063:11 ܡܸܠܬܹܗ ܕܡܲܠܦܵܢܵܐ ܪܲܒܵܐ ܡܵܪܝ ܐܲܦܪܹܝܡ܀ ܚܙܝ݂ ܠܲܡ ܕܲܒ݂ܙܲܒ݂ܢܵܐ
05:063:12 ܕܩܲܝܛܵܐ܃ ܠܵܘ ܒܡܵܐܢܹ̈ܐ ܕܣܲܬ݂ܘܵܐ ܡܸܬ݂ܟܲܬܲܫ ܐܲܢܼܬ݁ ܥܲܡ ܚܘ݂ܡܵܐ܀
05:063:13 ܗܵܟܲܢܵܐ ܟܠܢܵܫ܃ ܒܗܵܘ݁ ܡܸܕܸܡ ܕܙܵܪܲܥ ܥܵܘ݂ܠܵܐ܃ ܒܣܲܩܘ݂ܒ݂ܠܵܐ ܕܝ݂ܠܹܗ
05:063:14 ܢܸܚܨܘ݁ܕ݂܂ ܘܲܠܟ݂ܠ ܟܘ݂ܪܗܵܢܵܐ܃ ܒܣܲܡܵܐ ܕܝ݂ܠܹܗ ܐܵܪܲܥ ܠܹܗ܀ ܗܵܫܵܐ
05:063:15 ܩܛܝ݂ܠ ܐܲܢܼܬ݁ ܡ݂ܢ ܚܣܵܡܵܐ܃ ܘܠܘ݂ܩܒܲܠ ܫܸܢܬ݂ܵܐ ܟܵܬܹ݁ܫ ܐܲܢܼܬ݁܂ ܚܛܵܗܵܐ܃
05:063:16 ܥܲܕ݂ ܐܝ݂ܬ݂ܵܘܗܝ ܥܸܣܒܵܐ܃ ܥܩܘ݁ܪܲܝܗܝ܃ ܕܠܵܐ ܠܟ݂ܠܵܗ݀ ܐܲܪܥܵܐ ܢܚܲܦܸܐ܂
05:063:17 ܐܲܝܢܵܐ ܕܡܲܣܡܸܐ ܒܒ݂ܝ݂ܫܬ݂ܵܐ ܐܲܝܟ݂ ܕܲܙܥܘ݁ܪܝܵܐ܃ ܠܚܲܪܬ݂ܵܐ ܡܸܫܟܲܚ ܠܵܗ݀
05:063:18 ܡܵܪܵܐ ܩܲܫܝܵܐ܃ ܘܒܲܐܣܘ݂ܪܹ̈ܐ ܩܕ݂ܵܡܹܝܗ݀ ܪܵܗܹ݁ܛ܂ ܐܲܝܢܵܐ ܕܡܲܚܨܸܦ ܒܫܘ݂ܪܵܝܵܐ܃
05:063:19 ܡܲܡܠܸܟ݂ ܥܠܹܝܗ݀ ܦܫܝ݂ܩܵܐܝ݂ܬ݂܂ ܡܲܢ ܕܲܡܣܲܝܒܲܪ ܛܠܘ݂ܡܝܵܐ ܒܚܲܕ݂ܘ݂ܬ݂ܵܐ܃
05:063:20 ܟܲܕ݂ ܒܐܝ݂ܕܹܗ ܗܝ ܙܵܟ݂ܘ݂ܬ݂ܵܐ܃ ܗܵܢܵܐ ܒܘ݂ܝܵܐܵܐ ܕܗܲܝܡܵܢܘ݂ܬܹܗ ܡܲܪܓ݁ܫܵܢܵܐܝ݂ܬ݂
05:063:21 ܩܲܒܸܠ݂ ܡ݂ܢ ܐܲܠܵܗܵܐ܀ ܘܐܲܝܢܵܐ ܕܲܒ݂ܡܲܟ݁ܝ݂ܟ݂ܘ݂ܬ݂ܵܐ ܥܫܘ݂ܩܝܵܐ ܡܣܲܝܒܲܪ܃