← Back
The Comprehensive Aramaic Lexicon
← Return to the Text Browser
click on the file description for more information

60457: IsNin (Isaac of Nineveh)

Click on a word for lexical analysis
Click on a red-colored coordinate for comments and/or translations of the line

05:067:01 ܬܲܪܣܝ݂ܬ݂ܵܐ܃ ܚܲܝܠܵܐ ܒܲܟ݂ܝܵܢܵܐ ܒܡܸܠܲܝ̈ܗܘ݁ܢ܃ ܐܵܘܟܹܝܬ݂ ܒܓܸܫܲܬ݂ ܐܝ݂ܕ݂ܵܐ
05:067:02 ܕܡ݂ܢ ܫܹܠܝ ܠܗܘ݁ܢ܃ ܝܵܗ݀ܒ݁ܝ݂ܢ ܗܼܘ݂ܵܘ܂ ܘܠܲܟ݂ܝܵܢܵܐ ܕܲܢܦܲܠ݂܃ ܚܲܝܠܵܐ
05:067:03 ܟܲܣܝܵܐܝ݂ܬ݂ ܒܹܗ ܢܵܣ݁ܒ݁ܝ݂ܢ ܗܼܘ݂ܵܘ܂ ܘܠܲܟ݂ܝܵܢܵܐ ܕܲܢܦܲܠ݂܃ ܚܲܝܠܵܐ
05:067:04 ܟܲܣܝܵܐܝ݂ܬ݂ ܒܹܗ ܢܵܣ݁ܟ݁ܝ݂ܢ ܗܼܘ݂ܵܘ܂ ܘܒܲܙܒܲܢ܃ ܣܲܝܒܵܪܬܵܐ ܠܗܘ݁ܢ ܡܲܝܬܹܝܢ
05:067:05 ܗܼܘ݂ܵܘ܃ ܠܲܚܡܵܐ ܟܲܕ݂ ܪܵܬܲܚ ܘܙܲܝ̈ܬܹܐ܂ ܘܲܠܡܸܢܗܘ݁ܢ ܡܲܢ܃ ܐܸܒ݁ܒܵܢܹ̈ܐ
05:067:06 ܡܫܲܚ̈ܠ̄ܦܹܐ܂ ܠܡܸܢܗܘ݁ܢ ܕܹܝܢ܃ ܥܲܠ ܙܒܲܢ ܥܘ݂ܢܕܵܢܗܘ݁ܢ ܓܵܠܹ݁ܝܢ
05:067:07 ܗܼܘ݂ܵܘ܀ ܘܲܟ݂ܡܵܐ ܐܝ݂ܬ݂ ܠܝ݂ ܠܡܸܡܢܵܐ܃ ܥܲܠ ܚܘ݂ܒܗܘ݁ܢ ܕܡܲܠܲܐܟܹ̈ܐ

05:067:08 ܩܲܕܝ݂̈ܫܹܐ ܕܲܠܘܵܬ݂ ܓܸܢܣܲܢ܃ ܘܝܲܬ݁ܝ݂ܪܘ݂ܬ݂ ܒܛܝ݂ܠܘ݂ܬ݂ܵܐ ܕܲܡܚܵܘܹܝܢ ܠܘܵܬ݂

05:067:09 ܙܲܕܝ݂̈ܩܹܐ܃ ܐܲܝܟ݂ ܐܲܚ̈ܝܐ ܪܵܘܪ̈ܒܹܐ ܕܲܡܣܵܘܣܹܝܢ ܘܲܡܢܲܛܪܝ݂ܢ ܠܐܲܚܲܝ̈ܗܘ݁ܢ
05:067:10 ܙܥܘܪܹ̈ܐ܂ ܗܵܠܹܝܢ ܟܠܗܹܝܢ܃ ܐܲܝܟ݂ ܕܢܸܫܬܲܪܲܪܲ ܟܠܢܵܫ܃ ܕܲܟ݂ܡܵܐ ܩܲܪܝ݂ܒ݂
05:067:11 ܐܲܠܵܗܵܐ ܠܪ̈ܵܚܡܵܘܗܝ܂ ܘܕܲܟ݂ܡܵܐ ܒܛܝ݂ܠܘ݂ܬ݂ܵܐ ܡܚܵܘܸܐ ܠܘܵܬ݂ ܐܲܝܠܹܝܢ
05:067:12 ܕܒ݂ܐܝ݂ܕܹܗ ܡܲܓ݂ܥܠܝ݂ܢ ܚܲܝܲܝ̈ܗܘ݁ܢ܃ ܘܒ݂ܵܬ݂ܪܹܗ ܐܵܙ݁ܠܼܝ݂ܢ ܒܠܸܒܵܐ ܫܲܦܝܵܐ܀
05:067:13 ܐܸܢ ܫܲܪܝ݂ܪܵܐ ܠܲܟ݂ ܘܲܡܗܲܝܡܸܢ ܐܲܢܼܬ݁ ܕܐܝ݂ܬ݂ ܒܛܝ݂ܠܘ݂ܬ݂ܵܐ ܐܲܠܵܗܵܐ
05:067:14 ܥܠܲܝܟ܃ ܠܲܝܬ݁ ܠܵܟ݂ ܠܡܸܪܢܵܐ ܡܸܛܠ ܦܲܓ݂ܪܵܐ܃ ܐܵܦܠܵܐ ܒܝܲܕ݂
05:067:15 ܦܘ݂ܪ̈ܣܹܐ ܠܲܡܕܲܒܵܪܘ݂ ܢܲܦܫܵܟ݂ ܬܹܐܨܲܦ܀ ܐܸܢ ܕܹܝܢ ܦܠܝ݂ܓ݂ ܐܲܢܼܬ݁
05:067:16 ܥܲܠ ܗܵܕܹܐ܃ ܘܐܲܢܼܬ݁ ܠܢܲܦܫܵܟ݂ ܡܸܬ݂ܒ݁ܥܸܐ ܠܡܹܐܨܲܦ ܒܸܠܥܵܕ݂ ܡ݂ܢ
05:067:17 ܐܲܠܵܗܵܐ܃ ܕܵܘܹ݁ܐ ܐܲܢܼܬ݁ ܗܼܘ݂ ܡ݂ܢ ܟܠܗܘ݁ܢ ܒܢܲܝ̈ܢܵܫܵܐ܃ ܘܡܵܐ ܠܵܟ݂ ܐܵܦܸܢ
05:067:18 ܠܡܸܚܵܐ܂ ܫܕ݂ܝ݂ ܨܸܦܬ݂ܵܟ݂ ܥܲܠ ܐܲܠܵܗܵܐ܃ ܕܬܸܬ݂ܓܲܒܲܪ ܥܲܠ ܟܠ
05:067:19 ܕܸܚܠܵܐ܀ ܐܲܝܢܵܐ ܕܲܚܕ݂ܵܐ ܙܒܲܢ ܐܲܓ݂ܥܸܠ݂ ܚܲܝܵܘ̈ܗܝ ܠܐܲܠܵܗܵܐ܃ ܒܲܢܝܵܚܵܐ
05:067:20 ܕܪܸܥܝܵܢܵܐ ܫܪܸܐ܀ ܒܸܠܥܵܕ݂ ܡ݂ܢ ܡܣܲܪܩܘ݂ܬ݂ܵܐ ܕܩܸܢ̈ܝܵܢܹܐ܃ ܢܲܦܫܵܐ ܡ݂ܢ
05:067:21 ܒܘ݂ܠܒܵܠܵܐ ܕܚܘ݂̈ܫܵܒܹܐ ܠܵܐ ܡܸܬ݂ܚܲܪܪܵܐ܀ ܘܒܸܠܥܵܕ݂ ܡ݂ܢ ܫܸܠܝܵܐ
05:067:22 ܕܪܸܓ݂ܫܹܐ܃ ܫܲܝܢܵܐ ܕܪܸܥܝܵܢܵܐ ܠܵܐ ܡܸܬ݂ܪܓܸܫ܀ ܘܒܸܠܥܵܕ݂ ܡܲܥܲܠܬ݂ܵܐ