← Back
The Comprehensive Aramaic Lexicon
← Return to the Text Browser
click on the file description for more information

60457: IsNin (Isaac of Nineveh)

Click on a word for lexical analysis
Click on a red-colored coordinate for comments and/or translations of the line

05:076:01 ܗܵܠܹܝܢ ܒܚܘ݂ܫܵܒܲܝ̈ܗܘ݁ܢ ܫܟ݂ܝ݂ܚ܃ ܠܵܐ ܫܵܒܹ݁ܩ ܠܗܘ݁ܢ ܫܘ݂ܒ݂ܚܵܐ ܣܪܝ݂ܩܵܐ܃
05:076:02 ܕܠܵܐ ܢܸ݂ܬ݂ܓܵܘܙܠܘ݂ܢ ܡܸܚܕܵܐ ܒܚܸܡܬ݂ܵܐ܂ ܐܵܘ ܢܵܦ݁ܠܝ݂ܢ ܒܚܘ݂̈ܫܵܒܹܐ
05:076:03 ܕܟܲܪܝܘ݂ܬ݂ܵܐ܃ ܕܡ݂ܢ ܗܵܢܵܐ ܡܸܬ݂ܝܲܠܕܝ݂ܢ܂ ܐܘ݁ ܟܡܵܐ ܥܲܣܩܵܐ ܡܝܲܬ݁ܪܘ݂ܬ݂ܵܐ
05:076:04 ܗܵܕܹܐ܃ ܘܲܟ݂ܡܵܐ ܐܝ݂ܬ݂ ܠܵܗ݀ ܫܘ݂ܒ݂ܚܵܐ ܠܘܵܬ݂ ܐܲܠܵܗܵܐ! ܐܲܝܢܵܐ ܕܲܠܗܵܢܵܐ
05:076:05 ܕܘ݂ܒܵܪܵܐ ܪܵܐܹܓ݂܃ ܢܸܬܸܠ ܢܲܦܫܹܗ ܒܐܲܟ݂ܣܢܵܝܘ݂ܬ݂ܵܐ܃ ܘܲܢܫܲܢܸܐ ܡ݂ܢ ܐܲܬ݂ܪܹܗ܂
05:076:06 ܥܲܣܩܵܐ ܠܡܸܓ݂ܡܲܪ ܡܝܲܬܪܘ݂ܬ݂ܵܐ ܗܵܕܹܐ ܡܥܲܠܲܝܬ݂ܵܐ ܐܼܢܵܫ ܒܐܲܬ݂ܪܹܗ܃
05:076:07 ܛܘ݂̈ܠܝܵܩܹܐ ܘܚܲܝ̈ܠܬ݂ܵܢܹܐ ܒܲܠܚܘ݁ܕ݂ ܡܸܫܟ݁ܚܝ݂ܢ ܕܲܢܣܲܝܒ݁ܪܘ݂ܢܵܝܗܝ ܠܟܹܐܒ݂ܵܐ
05:076:08 ܕܡܸܬ݂ܝ݂ܠܸܕ݂ ܡ݂ܢ ܕܘ݂ܒܵܪܵܐ ܗܵܢܵܐ ܪܲܒܵܐ ܒܹܝܬ݂ ܝܵܕ݂ܘ݁ܥܲܝ̈ܗܘ݁ܢ܂ ܘܐܲܝܠܹܝܢ
05:076:09 ܕܡ݂ܝ݂ܬ݂ܘ ܒܚܲܝܲܝ̈ܗܘ݁ܢ ܠܚܲܝܹ̈ܐ ܗܵܠܹܝܢ܃ ܘܲܦܣܲܩ݂ܘ ܣܲܒ݂ܪܗܘ݁ܢ ܡ݂ܢ
05:076:10 ܒܘ݂ܝܵܐܵܐ ܕܗܵܢܵܐ ܙܲܒ݂ܢܵܐ܂ ܐܲܝܟܵܢܵܐ ܕܩܲܪܝ݂ܒ݂ܵܐ ܛܲܝܒ݁ܘ݂ܬ݂ܵܐ ܠܡܲܟ݁ܝ݂ܟ݂ܘ݂ܬ݂ܵܐ܃
05:076:11 ܗܵܟܲܢܵܐ ܠܪܵܡܘ݂ܬ݂ܵܐ ܓܸܕ݂ܫܹ̈ܐ ܥܲܣ̈ܩܹܐ܂
05:076:12 ܠܸܒܹ݁ܗ ܕܡܵܪܝܵܐ ܥܲܠ ܡܲܟ݁ܝ݂̈ܟܹܐ܃ ܕܢܲܛܐܸܒ݂ ܐܸܢܘ݁ܢ܂ ܐܲܦܵܘ̈ܗܝ ܕܡܵܪܝܵܐ
05:076:13 ܠܘ݂ܩܒܲܠ ܪ̈ܵܡܹܐ܃ ܕܲܢܡܲܟܸܟ݂ ܐܸܢܘ݁ܢ܂ ܡܲܟ݁ܝ݂ܟ݂ܘ݂ܬ݂ܵܐ ܡܩܲܒ݁ܠܵܐ ܪ̈ܲܚܡܹܐ܃
05:076:14 ܐܲܡܝ݂ܢܵܐܝ݂ܬ݂܂ ܩܲܫܝܘ݂ܬ݂ ܠܸܒܵܐ ܓܹܝܪ ܘܠܵܐ ܗܲܝܡܵܢܘ݂ܬ݂ܵܐ܃ ܡܩܲܒ̈ܠܵܢ
05:076:15 ܐܲܡܝ݂ܢܵܐܝ݂ܬ݂ ܦܸܓ݂ܥܹ̈ܐ ܥܲܣܩܹ̈ܐ ܕܠܵܐ ܣܘ݂ܟܵܝ܂ ܥܕܲܡܵܐ ܕܡ݂ܢ ܫܸܠܝܵܐ
05:076:16 ܬܩܘ݂ܡ ܥܠܲܝܗܹܝܢ ܒܝ݂ܫܬ݂ܵܐ܃ ܘܢܸܫܬܲܠ̈ܡܵܢ ܠܲܓ݂ܡܘ݂ܪܝܵܐ ܕܦܵܣܝ݂̈ܩܵܬ݂ܵܐ܂
05:076:17 ܐܲܙܥܲܪ ܢܲܦܫܵܟ݂ ܒܟ݂ܠܡܸܕܸܡ ܒܹܝܬ݂ ܒܢܲܝ̈ܢܵܫܵܐ܃ ܘܲܢܪܝ݂ܡܵܟ݂ ܐܵܦ ܠܥܸܠ

05:076:18 ܡ݂ܢ ܪܹ̈ܫܹܐ ܕܥܲܡܵܐ܂ ܬܸܗܘܸܐ܂ ܬܸܗܘܸܐ ܪܟ݂ܝ݂ܢܵܐ ܣܸܓ݂ܕܬܵܟ݂ ܩܕ݂ܵܡ ܟܠܢܵܫ

05:076:19 ܘܩܲܕ݂ܡܵܝ ܒܲܫܠܵܡܵܟ݂܂ ܘܬܸܬ݂ܝܲܩܲܪ ܝܲܬܝ݂ܪ ܡ݂ܢ ܡܲܢ ܕܲܡܩܲܪܸܒ݂ ܕܲܗܒ݂ܵܐ
05:076:20 ܕܐܵܘܦܹܝܪ܂ ܗܘܝ݂ ܫܝ݂ܛܵܐ ܘܡܲܣܠܝܵܐ ܒܥܲܝ̈ܢܲܝ ܢܲܦܫܵܟ݂܃ ܘܬܸܚܙܸܐ
05:076:21 ܫܘ݂ܒ݂ܚܹܗ ܕܐܲܠܵܗܵܐ ܒܓ݂ܵܘ ܢܲܦܫܵܟ݂܂ ܐܲܝܟܵܐ ܕܫܵܘܲܚ ܡܘ݂ܟܵܟ݂ܵܐ܃ ܡ݂ܢ